visit www.newsindiastar.com

സംസ്ഥാനത്ത് ഇന്ന് 5215 പേർക്ക് കോവിഡ് : 30 മരണം, 5376 പേർ രോഗമുക്തി നേടി

ഇന്ന് സംസ്ഥാനത്ത് 5215 പേർക്ക് കോവിഡ് സ്ഥിരീകരിച്ചു. കഴിഞ്ഞ 24 മണിക്കൂറിനിടെ 58,283 സാമ്പിളുകളാണ് പരിശോധിച്ചത്. ഇന്ന് 5376 പേർ രോഗമുക്തി നേടി. 8.95 ആണ്‌ ടെസ്റ്റ്‌ പോസിറ്റിവിറ്റി നിരക്ക്. എറണാകുളം ജില്ലയിലാണ് ഏറ്റവും കൂടുതൽ രോഗബാധിതരുള്ളത്. എറണാകുളത്ത് മാത്രം കോവിഡ് സ്ഥിരീകരിച്ചത് 574 പേർക്കാണ്.

അടുത്തിടെ യുകെയിൽ നിന്നും വന്ന 32 പേർക്കാണ് ഇതുവരെ കോവിഡ് സ്ഥിരീകരിച്ചത്. ഇവരുടെ സാമ്പിളുകൾ തുടർ പരിശോധനയ്ക്കായി എൻഐവി പൂനെയിലേക്ക് അയച്ചിരിക്കുകയാണ്. കഴിഞ്ഞ ദിവസങ്ങളിലുണ്ടായ 30 മരണങ്ങൾ കോവിഡിനെ തുടർന്നാണെന്ന് ഇന്ന് സ്ഥിരീകരിച്ചു. ഇതോടെ സംസ്ഥാനത്ത് ആകെ കോവിഡ് ബാധിച്ച് മരിച്ചവരുടെ എണ്ണം 3072 ആയി.

ഇന്ന് രോഗം സ്ഥിരീകരിച്ചവരിൽ 122 പേർ സംസ്ഥാനത്തിനു പുറത്തു നിന്നും വന്നവരാണ്. 4621 പേർക്ക് സമ്പർക്കത്തിലൂടെയാണ് രോഗബാധയേറ്റത്. ഇന്ന് കോവിഡ് സ്ഥിരീകരിച്ചവരിൽ 67 ആരോഗ്യപ്രവർത്തകരും ഉൾപ്പെടുന്നുണ്ട്.



from ബ്രേവ് ഇന്ത്യ ന്യൂസ് https://ift.tt/3huhVfJ
Share:

ഗോത്ര വർഗ്ഗത്തിൽപ്പെട്ട സ്ത്രീക്കൊപ്പം പാചകം ചെയ്ത് മമതയുടെ പബ്ലിസിറ്റി സ്റ്റണ്ട് : 5 മാസങ്ങൾക്ക് ശേഷം ചെയ്യേണ്ടി വരുന്ന ജോലി തന്നെയെന്ന് ബിജെപി നേതാവ് കൈലാഷ് വിജയ്‌വർഗീയ

തിരഞ്ഞെടുപ്പ് അടുത്തിരിക്കുന്ന സമയത്ത് ജനങ്ങളുടെ കണ്ണിൽ പൊടിയിടുന്നതിനായി വിവിധ പബ്ലിസിറ്റി സ്റ്റണ്ടുകളിൽ പ്രവർത്തികളിൽ ഏർപ്പെട്ടിരിക്കുന്ന പശ്ചിമ ബംഗാൾ മുഖ്യമന്ത്രി മമതാ ബാനർജിക്കെതിരെ ആഞ്ഞടിച്ച് ബിജെപി ദേശീയ ജനറൽ സെക്രട്ടറി കൈലാഷ് വിജയ്‌വർഗീയ. കഴിഞ്ഞ ദിവസം മമതാ ബാനർജി ഗോത്ര വർഗ്ഗത്തിൽപ്പെട്ടവരുടെ വീടുകൾ സന്ദർശിക്കുകയും വീട്ടിലെ ഒരു സ്ത്രീക്കൊപ്പം പാചകം ചെയ്യുകയും ചെയ്തിരുന്നു. ഇതിനെതിരെയാണ് കൈലാഷ് വിജയ്‌വർഗീയ രംഗത്തു വന്നത്.

5 മാസങ്ങൾക്ക് ശേഷം ഏത് പ്രവർത്തിയാണോ മുഖ്യമന്ത്രി ചെയ്യേണ്ടത്, അത്‌ അവർ ഇപ്പോൾ തന്നെ ചെയ്യാനാരംഭിച്ചുവെന്ന് വിജയ്‌വർഗീയ പറഞ്ഞു. 5 മാസത്തിനുള്ളിൽ പശ്ചിമ ബംഗാളിലെ തിരഞ്ഞെടുപ്പ് നടക്കുമെന്നും തിരഞ്ഞെടുപ്പിൽ വൻ ഭൂരിപക്ഷത്തോടെ ബിജെപി അധികാരത്തിൽ കയറുമെന്നുമാണ് ഈ പ്രസ്താവനകൊണ്ട് അദ്ദേഹം ഉദേശിച്ചത്‌. കേന്ദ്ര ആഭ്യന്തര മന്ത്രി അമിത് ഷായുടെ ദ്വിദിന സന്ദർശനത്തിന്‌ പിന്നാലെയാണ് മമതാ ബാനർജി ഗോത്രവർഗക്കാരുടെ ഗ്രാമം സന്ദർശിച്ചതെന്നതും ശ്രദ്ധേയമാണ്.

അമിത് ഷായ്ക്ക് പശ്ചിമ ബംഗാളിൽ വലിയ സ്വീകരണമാണ് ലഭിച്ചത്. അമിത് ഷായുടെ സന്ദർശനത്തോടനുബന്ധിച്ച് സംഘടിപ്പിച്ച റാലിയിൽ നിരവധി പേർ പങ്കെടുത്തിരുന്നു. ബംഗാളിലെ മമതാ സർക്കാരിന്റെ ദുർഭരണത്തിനെതിരെ ജനങ്ങൾ നൽകുന്ന തിരിച്ചടിയാണ്‌ ബിജെപിയ്ക്ക് ലഭിക്കുന്ന പിന്തുണയെന്ന് വേണം കരുതാൻ.



from ബ്രേവ് ഇന്ത്യ ന്യൂസ് https://ift.tt/380Bkl3
Share:

ഐഎസ്ഐയുമായി ബന്ധമുള്ള ഖാലിസ്ഥാൻ ഭീകരൻ അറസ്റ്റിൽ : ഡൽഹി  പോലീസ് പിടികൂടിയത് ശൗര്യചക്ര ജേതാവിനെ കൊലപ്പെടുത്തിയ പ്രതിയെ

പഞ്ചാബിലെ കുപ്രസിദ്ധ കുറ്റവാളിയും ഖാലിസ്ഥാനി ഭീകരനുമായ സുഖ് ബിക്രിവാളിനെ അറസ്റ്റ് ചെയ്ത് ഡൽഹി പോലീസ്. ഇന്ദിരാഗാന്ധി ഇന്റർനാഷണൽ എയർപോർട്ടിൽ നിന്നുമാണ് ഡൽഹി പോലീസ് സ്പെഷ്യൽ സെൽ ഇയാളെ പിടികൂടിയത്. സുഖ് ബിക്രിവാളിനെ ദുബായിൽ നിന്നും നാടുകടത്തിയതാണ്. തുടർന്ന്, ഇന്ത്യയിലെത്തിയപ്പോഴായിരുന്നു അറസ്റ്റ്.

പാക് ചാര സംഘടനയായ ഐഎസ്ഐയുമായി ഇയാൾക്ക് ബന്ധമുണ്ടെന്ന് നേരത്തെ അന്വേഷണ ഉദ്യോഗസ്ഥർ കണ്ടെത്തിയിരുന്നു. ഈ ഭീകരനിൽ നിന്നും പഞ്ചാബിൽ ഖാലിസ്ഥാനി ഭീകരർ നടത്തിയ ആക്രമണങ്ങളെ സംബന്ധിച്ച കൂടുതൽ വിവരങ്ങൾ ലഭ്യമാകുമെന്നാണ് വിലയിരുത്തൽ. ശൗര്യചക്രയ്ക്ക് അർഹനായിട്ടുള്ള പഞ്ചാബിലെ ബൽവീന്ദർ സന്ധുവിനെ കൊലപ്പെടുത്തിയ കേസിലെ മുഖ്യപ്രതിയാണ് സുഖ് ബിക്രിവാൾ.

ഡിസംബർ 7 ന് ഡൽഹിയിൽ നടന്ന ആക്രമണവുമായി ബന്ധപ്പെട്ട് രണ്ട് ഖാലിസ്ഥാനികളുൾപ്പെടെ 5 ഭീകരരെ നേരത്തെ പോലീസ് അറസ്റ്റ് ചെയ്തിരുന്നു. ചോദ്യം ചെയ്യലിൽ ഇവരാണ് ബൽവീന്ദർ സന്ധുവിന്റെ കൊലയ്ക്ക് പിന്നിലുള്ളത് സുഖ് ബിക്രിവാളാണെന്ന് വെളിപ്പെടുത്തിയത്. ഐഎസ്ഐയുമായും ഇയാൾക്ക് ബന്ധമുണ്ടെന്ന് തെളിയിക്കുന്ന വിവരങ്ങളും അന്നത്തെ ചോദ്യംചെയ്യലിൽ നിന്നും അന്വേഷണ ഉദ്യോഗസ്ഥർക്ക് ലഭിച്ചിരുന്നു.



from ബ്രേവ് ഇന്ത്യ ന്യൂസ് https://ift.tt/3aVTTc9
Share:

മലപ്പുറത്ത് ആയുധ വേട്ട; തോക്കും തിരകളുമായി മുഹമ്മദ് നിസാർ, സുലൈമാൻ എന്നിവർ പിടിയിൽ

മലപ്പുറം: മലപ്പുറത്ത് ആയുധങ്ങളുമായി രണ്ട് പേർ പിടിയിൽ. രാത്രി നടന്ന വാഹന പരിശോധനയ്ക്കിടെയാണ് നാടൻ തോക്കുമായി ചെമ്പൻകൊല്ലി സ്വദേശി മുഹമ്മദ് നിസാർ, പറയനങ്ങാടി കോടാലിപൊയിൽ സ്വദേശി സുലൈമാൻ എന്നിവർ പിടിയിലായത്.

സി.ഐ ശംഖുനാഥിന്റെ നേതൃത്വത്തിലുള്ള സംഘമാണ് ഇവരെ പിടികൂടിയത്. നാടൻ തോക്ക്, മൂന്ന് റൗണ്ട് തിര എന്നിവയും ഇരുവരും സഞ്ചരിച്ച സ്‌കൂട്ടറും പോലീസ് കസ്റ്റഡിയിലെടുത്തു.

പരിശോധനയ്ക്കിടെ സുലൈമാന് ദേഹാസ്വാസ്ഥ്യം അനുഭവപ്പെട്ടു. തുടർന്ന് ഇയാളെ വണ്ടൂരിലെ ആശുപത്രിയിൽ പ്രവേശിപ്പിച്ചു. ഇയാൾ പൊലീസ് കാവലിൽ ആശുപത്രിയിൽ നിരീക്ഷണത്തിലാണ്.



from ബ്രേവ് ഇന്ത്യ ന്യൂസ് https://ift.tt/3pAnOL6
Share:

‘നിയമസഭാ പ്രമേയത്തിന് കടലാസിന്റെ വില പോലുമില്ല‘; സംസ്ഥാനത്ത് എസ് ഡി പി ഐ- യുഡിഎഫ്- എൽഡിഎഫ് സഖ്യമെന്ന് കെ സുരേന്ദ്രൻ

ഇടുക്കി: രാജ്യത്തിന്റെ പാർലമെന്റ് പാസാക്കി രാഷ്ട്രപതി ഒപ്പുവെച്ച നിയമത്തിനെതിരെ കേരള നിയമസഭ പാസാക്കിയ പ്രമേയത്തിന് കടലാസിന്റെ വില പോലുമില്ലെന്ന് ബി.ജെ.പി സംസ്ഥാന പ്രസിഡന്റ് കെ.സുരേന്ദ്രൻ. അബ്ദുൾ നാസർ മദനിയെ പുറത്തിറക്കാൻ പ്രമേയം പാസാക്കിയവരാണ് ഇവരെന്നും തൊടുപുഴയിൽ നടന്ന വാർത്താസമ്മേളനത്തിൽ അദ്ദേഹം പറഞ്ഞു. നിയമസഭ എന്നത് ഇടതു-വലതു മുന്നണികളുടെ സ്വാർത്ഥത പ്രകടിപ്പിക്കാനുള്ള കേന്ദ്രമായി മാറിയെന്നും അദ്ദേഹം കുറ്റപ്പെടുത്തി. നിയമസഭയെ ദുരുപയോ​ഗം ചെയ്യുകയാണ് ഭരണ-പ്രതിപക്ഷങ്ങളെന്നും അദ്ദേഹം പറഞ്ഞു.

കർഷകന് സ്വന്തം ഉത്പന്നം നല്ല വിലയ്ക്ക് വിൽക്കാനാവുമെന്നതാണ് കർഷക നിയമത്തിന്റെ സവിശഷത. എന്നാൽ ഇത് അട്ടിമറിക്കാനാണ് പ്രതിപക്ഷം ശ്രമിക്കുന്നത്. എപിഎംസിയും മണ്ഡികളും നല്ലതെങ്കിൽ പിന്നെന്താണ് കേരളത്തിൽ അത് നടപ്പിലാക്കാത്തതെന്ന് സുരേന്ദ്രൻ ചോദിച്ചു.

സംസ്ഥാനത്ത് ഭരണകക്ഷിയും പ്രതിപക്ഷവും ഒന്നായി മാറുന്ന വിചിത്രമായ കാഴ്ചയാണുള്ളത്. ജനങ്ങളുടെ വിയോജിപ്പ് പ്രകടിപ്പിക്കാൻ കടമയുള്ള പ്രതിപക്ഷം ഇവിടെ ഭരണപക്ഷത്തിനൊപ്പം ചേർന്ന് ഭരിക്കുകയാണ്. എൽഡിഎഫ് സർക്കാരിനെതിരായ വികാരം പ്രകടിപ്പിക്കാൻ ജനങ്ങൾ വോട്ട് ചെയ്ത പ്രതിപക്ഷം അധികാരത്തിന് വേണ്ടി ജനവിധി അട്ടിമറിക്കുകയാണ്. സംസ്ഥാനത്ത് പല സ്ഥലത്തും എൽഡിഎഫ്- യുഡിഎഫ്- എസ്ഡിപിഐ സഖ്യമാണുള്ളതെന്നും സുരേന്ദ്രൻ കൂട്ടിച്ചേർത്തു.

വാ​ഗമണിലെ മയക്കുമരുന്ന് നിശാ ക്യാമ്പിനെ കുറിച്ച് സമ​ഗ്രമായ അന്വേഷണം വേണമെന്ന് സുരേന്ദ്രൻ ആവശ്യപ്പെട്ടു. അന്തർദേശീയ മയക്കുമരുന്ന് സംഘവുമായി സംഭവത്തിന് ബന്ധമുണ്ടോയെന്ന് അന്വേഷിക്കണം. ഈ കേസിൽ അടിമുടി ദുരൂഹതയുണ്ട്. ഇതിൽ സമ​ഗ്രമായ അന്വേഷണം വേണം. സ്ഥാപന ഉടമയെ അറസ്റ്റ് ചെയ്യാൻ എന്താണ് പൊലീസ് തയ്യാറാവാത്തത്. പൊലീസിന് അന്വേഷിക്കാൻ സംവിധാനമില്ലെങ്കിൽ നാർക്കോട്ടിക്ക് സെല്ലിന് കേസ് കൈമാറാൻ തയ്യാറാകണമെന്നും അദ്ദേഹം പറഞ്ഞു.

 



from ബ്രേവ് ഇന്ത്യ ന്യൂസ് https://ift.tt/3rRXQEW
Share:

രാജ്യത്ത് അഞ്ച് അതിതീവ്ര കൊറോണ വൈറസ് ബാധ കൂടി റിപ്പോർട്ട് ചെയ്തു; ആകെ രോഗബാധിതർ 25 ആയി, ആശങ്ക പടരുന്നു

ഡൽഹി: രാജ്യത്ത് അഞ്ച് പേർക്ക് കൂടി അതിതീവ്ര കൊറോണ ബാധിച്ചതായി കേന്ദ്ര ആരോഗ്യ മന്ത്രാലയം സ്ഥിരീകരിച്ചു. ഇതോടെ ഇന്ത്യയിൽ പുതിയ വൈറസ് ബാധിതരുടെ എണ്ണം 25 ആയി.

പുതിയ രോഗബാധ കണ്ടെത്തിയ 25 പേരും സുരക്ഷിതമായി ഐസൊലേഷനിൽ കഴിയുകയാണെന്നും ആശങ്ക വേണ്ടെന്നും ആരോഗ്യ മന്ത്രാലയം വ്യക്തമാക്കി.

യുകെയിൽ നിന്നും നാട്ടിലെത്തിയ ആറ് പേർക്ക് രോഗം സ്ഥിരീകരിച്ചതായി കഴിഞ്ഞ ദിവസം ആരോഗ്യ മന്ത്രാലയം സ്ഥിരീകരിച്ചിരുന്നു. ആദ്യ വൈറസ് രൂപാന്തരത്തെ അപേക്ഷിച്ച് പുതിയ വൈറസിന് എഴുപത് ശതമാനം അധികം വ്യാപന ശേഷിയുണ്ടെന്നും ജാഗ്രത വേണമെന്നും യുകെ സർക്കാർ വ്യക്തമാക്കിയിരുന്നു.

യുകെക്ക് പുറമെ നെതർലൻഡ്സ്, ഓസ്ട്രേലിയ, ഇറ്റലി, സ്വീഡൻ, ഡെന്മാർക്, ജർമ്മനി, കാനഡ, ഫ്രാൻസ്, സ്പെയിൻ, സ്വിറ്റ്സർലൻഡ്, ജപ്പാൻ, ലെബനൻ, സിംഗപ്പൂർ എന്നിവിടങ്ങളിലും പുതിയ വൈറസ് ബാധ റിപ്പോർട്ട് ചെയ്തിരുന്നു.



from ബ്രേവ് ഇന്ത്യ ന്യൂസ് https://ift.tt/3rL1RLo
Share:

സ്ഥാനമേറ്റതിന് പിന്നാലെ ആത്മഹത്യാ ശ്രമം; മലപ്പുറത്ത് പഞ്ചായത്ത് പ്രസിഡന്റ് ഗുരുതരാവസ്ഥയിൽ

മലപ്പുറം: പഞ്ചായത്ത് പ്രസിഡന്റായി സ്ഥാനമേറ്റതിന് പിന്നാലെ ആത്മഹത്യാ ശ്രമം. ബുധനാഴ്ച അധികാരമേറ്റ തേഞ്ഞിപ്പലം പഞ്ചായത്ത് പ്രസിഡന്റ് ടി.വിജിത്തിനെയാണ് ഗുരുതരാവസ്ഥയിൽ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചിരിക്കുന്നത്.

മുസ്‌ലിം ലീഗ് അംഗമാണ് വിജിത്ത്. പ്രസിഡന്റ് സ്ഥാനം പട്ടികജാതി (ജനറൽ) സംവരണമാണ്. തേഞ്ഞിപ്പാലം പഞ്ചായത്തിലെ 11ആം വാർഡ് പ്രതിനിധിയാണ് ഇദ്ദേഹം.

അത്മഹത്യാ ശ്രമത്തിന്റെ കാരണം വ്യക്തമല്ല.



from ബ്രേവ് ഇന്ത്യ ന്യൂസ് https://ift.tt/383CPiK
Share:

അടിയന്തര ശസ്ത്രക്രിയ; മദനി ആശുപത്രിയിൽ

ബംഗലൂരു: പിഡിപി നേതാവ് അബ്ദുൾ നാസർ മദനി ആശുപത്രിയിൽ. മൂത്രാശയ സംബന്ധമായ അസുഖം കലശലായതിനെ തുടർന്നാണ് മദനിയെ ബംഗലൂരുവിലെ സ്വകാര്യ ആശുപത്രിയിൽ പ്രവേശിപ്പിച്ചത്. നാളെ ശസ്ത്രക്രിയക്ക് വിധേയനാക്കുമെന്ന് ഡോക്ടർമാർ അറിയിച്ചു.

ബംഗലൂരു സ്ഫോടന കേസില്‍ അറസ്റ്റിലായി പിന്നീട് ജാമ്യത്തിലിറങ്ങിയ മദനി 2014 മുതല്‍ ബംഗലൂരുവിലാണ് കഴിയുന്നത്. കേസില്‍ വിചാരണ നടപടികൾ പുരോഗമിക്കുകയാണ്.

ഭാരതീയ വിചാരകേന്ദ്രം ഡയറക്ടറായിരുന്ന പ്രമുഖ ചിന്തകന്‍ പി പരമേശ്വരനെ വധിക്കാന്‍ ഗൂഢാലോചന നടത്തിയെന്ന കേസും നേരത്തെ മദനിക്കെതിരെ നിലവിലുണ്ടായിരുന്നു.



from ബ്രേവ് ഇന്ത്യ ന്യൂസ് https://ift.tt/3o4JiPJ
Share:

‘പ്രമേയം പരിഹാസ്യം‘; പാർട്ടിയിൽ അഭിപ്രായ വ്യത്യാസമില്ലെന്ന് കെ സുരേന്ദ്രൻ

തിരുവനന്തപുരം: കേന്ദ്ര സർക്കാർ നടപ്പിലാക്കിയ കാർഷിക നിയമങ്ങൾക്കെതിരെ നിയമസഭയില്‍ മുഖ്യമന്ത്രി പിണറായി വിജയന്‍ അവതരിപ്പിച്ച പ്രമേയം പരിഹാസ്യമെന്ന് ബി.ജെ.പി സംസ്ഥാന അധ്യക്ഷന്‍ കെ.സുരേന്ദ്രന്‍. കാര്‍ഷിക നിയമവുമായി ബന്ധപ്പെട്ട് പാര്‍ട്ടിയില്‍ രണ്ട് അഭിപ്രായമില്ലെന്നും അദ്ദേഹം പറഞ്ഞു.

ആദ്യം  എതിര്‍ക്കുക പിന്നെ അതിന് പിറകെ പോവുക എന്നതാണ് ഇടതുപക്ഷത്തിന്റെ എല്ലാ കാലത്തുമുള്ള നിലപാട്‌. ഇതും അങ്ങനെയുള്ളതാണെന്നും കെ സുരേന്ദ്രന്‍ പറഞ്ഞു. എങ്ങനെയാണ് നിയമം ജനങ്ങളെ ബാധിക്കുകയെന്ന് സമരക്കാര്‍ പോലും പറയുന്നില്ലെന്നും അദ്ദേഹം പറഞ്ഞു.

അതേസമയം കേന്ദ്ര സർക്കാർ പാസാക്കിയ കർഷക നിയമങ്ങൾക്കെതിരായി കേരള നിയമസഭ പാസാക്കിയ പ്രമേയത്തിൽ അഭിപ്രായ വ്യത്യാസമുണ്ടെന്ന് ബിജെപി എം എൽ എ ഓ രാജഗോപാൽ പറഞ്ഞു. കര്‍ഷകര്‍ക്ക് ഇപ്പോഴും ചര്‍ച്ചകള്‍ ചെയ്യാമെന്നും സഭയില്‍ നടക്കുന്ന ചര്‍ച്ചകള്‍ ഉപകാരപ്പെടുമെന്നും മറ്റ് പരാമര്‍ശങ്ങളെ ശക്തമായി എതിര്‍ക്കുന്നുവെന്നും അദ്ദേഹം പറഞ്ഞു. കേന്ദ്രസർക്കാരിന്റെ കാർഷിക നിയമങ്ങൾ കർഷകർക്ക് എല്ലാ സംരക്ഷണവും ഉറപ്പുവരുത്താൻ ഉദ്ദേശിച്ച് കൊണ്ടുവന്നിട്ടുള്ളതാണെന്നും അദ്ദേഹം പ്രമേയത്തിന്മേല്‍ നടന്ന ചർച്ചയിൽ അഭിപ്രായം രേഖപ്പെടുത്തി.

ഈ നിയമത്തെ എതിർക്കുന്നവർ കർഷക താൽപര്യത്തിന് എതിരായി നിൽക്കുന്നവരാണ്. കാർഷിക മേഖലയിലെ ഇടനിലക്കാരെയും കമ്മീഷൻ ഏജന്റുമാരെയും ഒഴിവാക്കി കർഷകർക്ക് അവരുടെ ഉൽപന്നങ്ങൾ എവിടെയും കൊണ്ടുപോയി വിൽക്കാൻ അധികാരം നൽകുന്ന നിയമങ്ങളാണ് കേന്ദ്ര സർക്കാർ കൊണ്ടുവന്നിട്ടുള്ളതെന്നും ഓ രാജഗോപാൽ വിശദീകരിച്ചു.

കർഷകരുമായി ചർച്ച നടത്താൻ പ്രധാനമന്ത്രി തയ്യാറായിരുന്നു. എന്നാൽ കർഷകർ ചർച്ചയ്ക്ക് ഉപാധിവെച്ചതുമൂലമാണ് അത് നടക്കാതെപോയത്. ഈ നിയമം കൊണ്ടുവരുന്നതിനെക്കുറിച്ച് മുൻപ് കോൺഗ്രസ് അവരുടെ പ്രകടനപത്രികയിൽ പറഞ്ഞിരുന്നതാണ്. സിപിഎം അതിനായി ആവശ്യമുന്നയിച്ചിരുന്നതാണെന്നും ഓ രാജഗോപാൽ ഓർമ്മിപ്പിച്ചു.



from ബ്രേവ് ഇന്ത്യ ന്യൂസ് https://ift.tt/2WXc351
Share:

വർഷത്തിലെ അവസാന ദിവസം ആരോഗ്യ പ്രവർത്തകർക്ക് സമർപ്പിച്ച് പ്രധാനമന്ത്രി; ലോകത്തിലെ ഏറ്റവും വലിയ വാക്സിനേഷൻ പ്രക്രിയക്ക് സജ്ജരാകാൻ ആഹ്വാനം

ഡൽഹി: വർഷത്തിലെ അവസാന ദിവസം കൊവിഡ് പോരാട്ടത്തിലെ മുൻനിര പോരാളികളായ ആരോഗ്യ പ്രവർത്തകർക്ക് സമർപ്പിച്ച് പ്രധാനമന്ത്രി നരേന്ദ്ര മോദി. കൃത്യനിർവ്വഹണത്തിനിടെ ജീവൻ നഷ്ടമായവരെ ഈ അവസരത്തിൽ അനുസ്മരിക്കുന്നതായും അദ്ദേഹം പറഞ്ഞു. ഗുജറാത്ത് എയിംസിന്റെ ശിലാസ്ഥാപന കർമ്മം നിർവ്വഹിച്ച് സംസാരിക്കുകയായിരുന്നു അദ്ദേഹം.

ഏറ്റവും ഗുരുതരമായ പ്രതിസന്ധിയെ പോലും എങ്ങനെ ഐക്യം കൊണ്ട് തരണം ചെയ്യാം എന്ന് കാണിച്ചു തന്ന വർഷമാണ് കടന്നു പോകുന്നത്. ആരോഗ്യമാണ് സമ്പത്തെന്നും പോയ വർഷം നമുക്ക് ബോദ്ധ്യപ്പെട്ടു. പുതിയ വർഷത്തിൽ വാക്സിൻ വിതരണത്തിനാണ് പ്രാധാന്യമെന്നും ലോകത്തിലെ ഏറ്റവും വലിയ വാക്സിനേഷൻ പ്രക്രിയക്ക് സജ്ജരായിരിക്കാനും ജനങ്ങളോടും ആരോഗ്യ പ്രവർത്തകരോടും അദ്ദേഹം ആഹ്വാനം ചെയ്തു.

രാജ്യത്ത് കൊവിഡ് ബാധിതരുടെ എണ്ണം കുറയുകയാണ്. ഔഷധത്തോടും കരുതലിനോടും തുറന്ന സമീപനം എന്നതാണ് പുതിയ വർഷത്തെ മുദ്രാവാക്യമെന്നും പ്രധാനമന്ത്രി പറഞ്ഞു. ആഗോള ആരോഗ്യ മേഖലയുടെ കേന്ദ്രമായി പോയ വർഷം ഇന്ത്യ മാറിയെന്നും വരും വർഷത്തിലും ആരോഗ്യ രംഗത്ത് ഇന്ത്യയുടെ പ്രാധാന്യം വർദ്ധിക്കുമെന്നും അദ്ദേഹം വ്യക്തമാക്കി.



from ബ്രേവ് ഇന്ത്യ ന്യൂസ് https://ift.tt/3aWzKmj
Share:

പരസ്യമായി ‘പാകിസ്ഥാൻ സിന്ദാബാദ്‘ വിളിച്ചു; എസ് ഡി പി ഐ പ്രവർത്തകർക്കെതിരെ രാജ്യദ്രോഹത്തിന് കേസ്

ബംഗലൂരു: തദ്ദേശ തെരഞ്ഞെടുപ്പിലെ വിജയാഹ്ളാദ പ്രകടനത്തിനിടെ പാക് അനുകൂല മുദ്രാവാക്യം വിളിച്ച സംഭവത്തിൽ 15 എസ്ഡിപിഐ പ്രവർത്തകർക്കെതിരെ കേസെടുത്തു. കന്നഡ ജില്ലയിലുള്ള ഉജൈറിലെ വോട്ടെണ്ണൽ കേന്ദ്രത്തിന് മുൻപിൽ നടത്തിയ ആഹ്ളാദ പ്രകടനത്തിനിടെയാണ് എസ്ഡിപിഐ പ്രവർത്തകർ  പരസ്യമായി പാകിസ്ഥാൻ അനുകൂല മുദ്രാവാക്യം മുഴക്കിയത്.

പാകിസ്ഥാൻ അനുകൂല മുദ്രാവാക്യങ്ങളുമായി എസ്ഡിപിഐ പ്രവർത്തകർ പ്രകടനം നടത്തുന്ന ദൃശ്യങ്ങൾ സാമൂഹിക മാധ്യമങ്ങളിൽ വ്യാപകമായി പ്രചരിച്ചിരുന്നു. ദൃശ്യങ്ങൾ പരിശോധിച്ച ശേഷം എസ്ഡിപിഐ പ്രവർത്തകർക്കെതിരെ കേസ് എടുക്കുകയായിരുന്നുവെന്ന് കർണ്ണാടക പൊലീസ് അറിയിച്ചു. ഇന്ത്യൻ ശിക്ഷാ നിയമത്തിലെ 124(എ), 143 എന്നീ വകുപ്പുകൾ പ്രരകാരമാണ് ഇവർക്കെതിരെ കേസ് എടുത്തിരിക്കുന്നത്.

പഞ്ചായത്ത് തെരഞ്ഞെടുപ്പിന്റെ ഫലം വന്ന ശേഷം ഉച്ചയോടെയാണ് പ്രവർത്തകർ പാകിസ്ഥാൻ അനുകൂല മുദ്രാവാക്യങ്ങളുമായി പ്രകടനം നടത്തിയത്. എന്നാൽ പാകിസ്ഥാൻ സിന്ദാബാദ് വിളിച്ചിട്ടില്ലെന്നും എസ് ഡി പി ഐ സിന്ദാബാദ് എന്നാണ് വിളിച്ചതെന്നും പാർട്ടി വിശദീകരിച്ചു.



from ബ്രേവ് ഇന്ത്യ ന്യൂസ് https://ift.tt/3rKkcb9
Share:

‘കർഷക നിയമത്തെ സിപിഎമ്മും കോൺഗ്രസും മുൻപ് അനുകൂലിച്ചിരുന്നു‘; കേരള നിയമസഭ പ്രമേയത്തെ എതിർത്ത് ഒ രാജഗോപാൽ എം എൽ എ

തിരുവനന്തപുരം: കേന്ദ്ര സർക്കാർ നടപ്പിലാക്കിയ കാർഷിക നിയമങ്ങൾക്കെതിരെ കേരള നിയമസഭ കൊണ്ടുവന്ന പ്രമേയത്തെ എതിർത്ത് ബിജെപി അംഗം ഒ. രാജഗോപാൽ. കേന്ദ്രസർക്കാരിന്റെ കാർഷിക നിയമങ്ങൾ കർഷകർക്ക് എല്ലാ സംരക്ഷണവും ഉറപ്പുവരുത്താൻ ഉദ്ദേശിച്ച് കൊണ്ടുവന്നിട്ടുള്ളതാണെന്നും പ്രശ്നം ചർച്ചകളിലൂടെ പരിഹരിക്കപ്പെടുമെന്നാണ് പ്രതീക്ഷിക്കുന്നതെന്നും അദ്ദേഹം പ്രമേയത്തിന്മേല്‍ നടന്ന ചർച്ചയിൽ അഭിപ്രായം രേഖപ്പെടുത്തി.

ഈ നിയമത്തെ എതിർക്കുന്നവർ കർഷക താൽപര്യത്തിന് എതിരായി നിൽക്കുന്നവരാണ്. കാർഷിക മേഖലയിലെ ഇടനിലക്കാരെയും കമ്മീഷൻ ഏജന്റുമാരെയും ഒഴിവാക്കി കർഷകർക്ക് അവരുടെ ഉൽപന്നങ്ങൾ എവിടെയും കൊണ്ടുപോയി വിൽക്കാൻ അധികാരം നൽകുന്ന നിയമങ്ങളാണ് കേന്ദ്ര സർക്കാർ കൊണ്ടുവന്നിട്ടുള്ളതെന്നും ഓ രാജഗോപാൽ വിശദീകരിച്ചു.

കർഷകരുമായി ചർച്ച നടത്താൻ പ്രധാനമന്ത്രി തയ്യാറായിരുന്നു. എന്നാൽ കർഷകർ ചർച്ചയ്ക്ക് ഉപാധിവെച്ചതുമൂലമാണ് അത് നടക്കാതെപോയത്. ഈ നിയമം കൊണ്ടുവരുന്നതിനെക്കുറിച്ച് മുൻപ് കോൺഗ്രസ് അവരുടെ പ്രകടനപത്രികയിൽ പറഞ്ഞിരുന്നതാണ്. സിപിഎം അതിനായി ആവശ്യമുന്നയിച്ചിരുന്നതാണെന്നും ഓ രാജഗോപാൽ ഓർമ്മിപ്പിച്ചു.

അതേസമയം കേന്ദ്ര സര്‍ക്കാര്‍ പാസാക്കിയ കര്‍ഷക നിയമങ്ങള്‍ക്കെതിരായ പ്രമേയം കേരള നിയമസഭ പാസാക്കി. ശബ്ദ വോട്ടോടെയാണ് പ്രമേയം പാസാക്കിയത്. മുഖ്യമന്ത്രിയാണ് പ്രമേയം സഭയിൽ അവതരിപ്പിച്ചത്. കര്‍ഷക പ്രക്ഷോഭം ഇനിയും തുടര്‍ന്നാല്‍ കേരളത്തെ സാരമായി ബാധിക്കുമെന്ന് പ്രമേയം ചൂണ്ടിക്കാട്ടുന്നു. ഉപഭോക്തൃ സംസ്ഥാനമായ കേരളത്തിലേക്ക് ഭക്ഷ്യവസ്തുക്കളുടെ വരവ് നിലച്ചാല്‍ കേരളം പട്ടിണിയിലാകുമെന്നും പ്രമേയത്തിൽ പറയുന്നു.



from ബ്രേവ് ഇന്ത്യ ന്യൂസ് https://ift.tt/3rBwpPz
Share:

കണ്ണൂരിൽ ഗർഭിണിയായ പട്ടികജാതി യുവതിക്ക് നേരെ സിപിഎം ആക്രമണം; ജീവന് ഭീഷണിയെന്ന് കുടുംബം

കണ്ണൂർ: കണ്ണൂരിൽ ഗർഭിണിയായ പട്ടികജാതി യുവതിക്ക് നേരെ സിപിഎം ആക്രമണം. പാലുകാച്ചിയിലെ അനീഷിന്റെ ഭാര്യ ടീനക്ക് നേരെയാണ് സിപിഎം അതിക്രമം. എട്ട് മാസം ഗർഭിണിയാണ് ടീന. എന്നാൽ ആ പരിഗണന പോലും നൽകാതെയാണ് സിപിഎമ്മുകാർ ഇവരെ ആക്രമിച്ചത്. ആക്രമണത്തിൽ പരിക്കേറ്റ് ഒരാഴ്ചയോളം ടീന ആശുപത്രിയിൽ ചികിത്സയിലായിരുന്നു. ഭർത്താവിനെ കൊന്ന് കളയുമെന്നാണ് സിപിഎമ്മിന്റെ ഭീഷണി.

അനീഷിന്റെ സഹോദരിയെയും കഴിഞ്ഞ ദിവസം സിപിഎം പ്രവർത്തകർ ആക്രമിച്ചിരുന്നു. ഇക്കഴിഞ്ഞ തദ്ദേശ തെരഞ്ഞെടുപ്പിൽ അനീഷിന്റെ സഹോദരി അശ്വതി ബിജെപി സ്ഥാനാർത്ഥിയായി മത്സരിച്ചിരുന്നു. ഇതാണ് ആക്രമണത്തിന് കാരണം. ഇരുമ്പ് വടി കൊണ്ടുള്ള അടിയിൽ അശ്വതിയുടെ കൈയ്ക്ക് സാരമായി പരിക്കേറ്റിട്ടുണ്ട്.

ഊരുവിലക്കിന് സമാനമായ സാഹചര്യമാണ് ഇവർ ഇവിടെ നേരിടുന്നത്. തുടർച്ചയായ ആക്രമണങ്ങളിൽ ഭയന്ന് കേന്ദ്ര പട്ടികജാതി കമ്മീഷനടക്കം പരാതി നൽകിയിരിക്കുകയാണ് കുടുംബം.



from ബ്രേവ് ഇന്ത്യ ന്യൂസ് https://ift.tt/3pBYFzx
Share:

”മോഡി ബേക്കറി’യിലെ ഹലാൽ ബോർഡ് നീക്കണം’ : മതത്തിന്റെ പേരിലുള്ള ഭക്ഷണത്തിലെ വേർതിരിവ് അനുവദിക്കാനാവില്ലെന്ന് ഹിന്ദു ഐക്യവേദി

കൊച്ചി : എറണാകുളം ജില്ലയിലെ പാറക്കടവ് കുറുമശ്ശേരിയിലുള്ള ബേക്കറിയിൽ ഹലാൽ ഭക്ഷണം വിതരണം ചെയ്യുന്നതിനെതിരെ പ്രതിഷേധവുമായി ഹിന്ദു ഐക്യവേദി. കുറുമശ്ശേരിയിൽ പുതിയതായി പ്രവർത്തനമാരംഭിച്ച മോഡി ബേക്കറിക്കെതിരെയാണ് ഹിന്ദു ഐക്യവേദി രംഗത്തുവന്നിട്ടുള്ളത്. ബേക്കറിയിൽ പതിപ്പിച്ചിരിക്കുന്ന ഹലാൽ ബോർഡ് നീക്കം ചെയ്തില്ലെങ്കിൽ പ്രക്ഷോഭം അടക്കമുള്ള കാര്യങ്ങളിലേക്ക് നീങ്ങുമെന്ന് വ്യക്തമാക്കി ഐക്യവേദി ബേക്കറിക്ക് നോട്ടീസ് അയച്ചിട്ടുണ്ട്.

ഏതെങ്കിലും മതത്തിന്റെ പേരിലുള്ള ഭക്ഷണത്തിലെ വേർതിരിവ് അയിത്താചരണവും കുറ്റകരവുമാണെന്നും ചൂണ്ടിക്കാട്ടിയാണ് ഹിന്ദു ഐക്യവേദിയുടെ നടപടി. നോട്ടീസ് കൈപ്പറ്റി ഏഴ് ദിവസത്തിനകം ഹലാൽ ബോർഡ് സ്ഥാപനത്തിൽ നിന്നും നീക്കം ചെയ്യണമെന്നാണ് ഹിന്ദു ഐക്യവേദി നോട്ടീസിൽ സൂചിപ്പിച്ചിട്ടുള്ളത്. ഏഴു ദിവസത്തിനകം ബോർഡ് നീക്കം ചെയ്യാത്ത പക്ഷം അത്‌ സ്ഥാപനം ബഹിഷ്കരിക്കാനും സ്ഥാപനത്തിനെതിരെ പ്രക്ഷോഭത്തിലേക്ക് നീങ്ങാനും ഹിന്ദു ഐക്യവേദിയെ നിർബന്ധിതരാക്കുമെന്ന് ഐക്യവേദി അറിയിച്ചിട്ടുണ്ട്.

ഹിന്ദു ഐക്യവേദി പാറക്കടവ് പഞ്ചായത്ത് സമിതിയുടെ ലെറ്റർ ഹെഡിലാണ് നോട്ടീസ് അടിച്ചിരിക്കുന്നത്.



from ബ്രേവ് ഇന്ത്യ ന്യൂസ് https://ift.tt/37ZBk4U
Share:

പാകിസ്ഥാനിൽ മുസ്ലീം പുരോഹിതന്റെ നേതൃത്വത്തിൽ ക്ഷേത്രം തകർത്തു

ഇസ്ലാമാബാദ്: പാകിസ്ഥാനിലെ ഖൈബർ പഖ്‌തുൻഖ്വ പ്രവിശ്യയിലുള്ള കാരക് ജില്ലയിൽ ആൾക്കൂട്ടം ഹിന്ദു ക്ഷേത്രം തകർത്തു. പ്രദേശത്തെ മുസ്ലീം പുരോഹിതന്റെ നേതൃത്വത്തിലാണ് ക്ഷേത്രം തകർത്തതെന്ന് ദേശീയ മാധ്യമങ്ങൾ റിപ്പോർട്ട് ചെയ്യുന്നു. ക്ഷേത്രം തകർക്കുന്ന ദൃശ്യങ്ങൾ സാമൂഹ്യമാധ്യമങ്ങളിൽ വ്യാപകമായി പ്രചരിക്കുന്നുണ്ട്.

ദൃശ്യങ്ങളിൽ ക്ഷേത്രത്തിനകത്ത് തീ കത്തിച്ച് എറിയുന്നതായും കാണാം. ഇത്തരത്തിലുള്ള സംഭവങ്ങൾ രാജ്യത്തിന് തന്നെ നാണക്കേടാണെന്ന് മനുഷ്യാവകാശ പ്രവർത്തകൻ ഇത്തിഷാം അഫ്ഗാൻ പ്രതികരിച്ചു. പാകിസ്ഥാൻ ന്യൂനപക്ഷങ്ങളെ എങ്ങിനെയാണ് പരിഗണിക്കുന്നത് എന്നതിന്റെ തെളിവാണിതെന്നും ഇത്തിഷാം അഫ്ഗാൻ കൂട്ടിച്ചേർത്തു.

സംഭവത്തിന് പിന്നിൽ മൗലാന ഷരീഫ് എന്ന വ്യക്തിയാണെന്ന് കണ്ടെത്തിയിട്ടുണ്ട്. എന്നാൽ ഇയാളെ അറസ്റ്റ് ചെയ്യാൻ പോലീസ് ഇതുവരെ തയ്യാറായിട്ടില്ല. ഇസ്ലാമാബാദിൽ ശ്രീകൃഷ്ണ ക്ഷേത്രം നിർമിക്കാൻ രണ്ടാഴ്ച മുമ്പ് സർക്കാർ അനുമതി നൽകിയിരുന്നു. അതിന് പിന്നാലെയാണ് ഈ സംഭവം.



from ബ്രേവ് ഇന്ത്യ ന്യൂസ് https://ift.tt/2WYZNBa
Share:

കത്വയിൽ ക്ഷേത്രത്തിന് നേരെ ഗ്രനേഡ് ആക്രമണം; അന്വേഷണം ഊർജ്ജിതമാക്കി പൊലീസ്

ശ്രീനഗർ: ജമ്മു കശ്മീരിലെ കത്വയിൽ ക്ഷേത്രത്തിന് നേരെ ഗ്രനേഡ് ആക്രമണം. കത്തുവ ജില്ലയിലെ ഹീരാനഗറിലാണ് സംഭവം. ലക്ഷ്യം തെറ്റി ഗ്രനേഡ് സമീപ പ്രദേശത്ത് പതിച്ചു. സംഭവത്തിൽ ആളപായമില്ലെന്ന് പൊലീസ് അറിയിച്ചു.

ആക്രമണത്തിന് പിന്നിൽ ഭീകരസംഘടനകളാകാമെന്ന് കത്വ സീനിയർ സൂപ്രണ്ട്  ശൈലേന്ദർ മിശ്ര പറഞ്ഞു. കഴിഞ്ഞ ദിവസം രാത്രിയാണ് പ്രദേശവാസികളെ ഭീതിയിലാഴ്ത്തിയ ആക്രമണം നടന്നത്. പ്രദേശത്ത് പൊലീസ് സുരക്ഷ ശക്തമാക്കി.

ലഷ്കർ ഭീകരനും നിരവധി ഭീകരസംഘടനാംഗങ്ങളും കഴിഞ്ഞ ദിവസങ്ങളിൽ പൊലീസിന്റെ പിടിയിലായിരുന്നു. അതിർത്തി മേഖലകളിൽ ആയുധക്കടത്തും നുഴഞ്ഞു കയറ്റങ്ങളും സൈന്യം ശക്തമായി നേരിടുകയാണെന്നും പൊലീസ് ഉറച്ച പിന്തുണ നൽകുന്നുണ്ടെന്നും കത്വ പൊലീസ് അറിയിച്ചു.



from ബ്രേവ് ഇന്ത്യ ന്യൂസ് https://ift.tt/2WXKFnv
Share:

സാമ്പത്തിക ബാദ്ധ്യത; പെരുമ്പാവൂരിൽ കൂട്ട ആത്മഹത്യ

പെരുമ്പാവൂർ: സാമ്പത്തിക ബാദ്ധ്യതയെ തുടർന്ന് പെരുമ്പാവൂരിൽ കൂട്ട ആത്മഹത്യ. നാലംഗ കുടുംബത്തെ വീടിനുള്ളിൽ തൂങ്ങി മരിച്ച നിലയിൽ കണ്ടെത്തി.

ചേലാമറ്റത്ത് പാറപ്പുറത്തുകുടി വീട്ടിൽ ബിജു, ഇദ്ദേഹത്തിന്റെ ഭാര്യ അമ്പിളി, മക്കളായ ആദിത്യൻ, അർജ്ജുൻ എന്നിവരാണ് മരിച്ചത്.  മക്കൾ രണ്ട് പേരും ഹാളിലും, ബിജുവും ഭാര്യയും കിടപ്പ് മുറിയിലുമാണ് മരിച്ച നിലയിൽ കാണപ്പെട്ടത്.

ചിട്ടി നടത്തിപ്പിലെ ബാധ്യതയാണ് ആത്മഹത്യക്ക് കാരണമെന്ന് പറയുന്നു. പൊലീസ് മേൽനടപടികൾ സ്വീകരിച്ചു വരുന്നു.



from ബ്രേവ് ഇന്ത്യ ന്യൂസ് https://ift.tt/2X0ZWUs
Share:

കൊവിഡ് മയക്കത്തിന് വിരാമം; കൈ നിറയെ മത്സരങ്ങളുമായി ഇന്ത്യൻ ക്രിക്കറ്റ് ടീമിന്റെ പുതുവർഷത്തിലെ ഷെഡ്യൂൾ പുറത്ത്

ഡൽഹി: കൊവിഡ് പ്രതിസന്ധി മൂലം നിർജ്ജീവമായി കിടന്ന് ഇന്ത്യൻ ക്രിക്കറ്റിന് പുതുവർഷത്തിൽ കൈ നിറയെ മത്സരങ്ങളുടെ പൂരക്കാലം. അന്താരാഷ്ട്ര ടെസ്റ്റ് ചാമ്പ്യൻഷിപ്പ്, ഐപിഎൽ, ഏഷ്യാ കപ്പ്, ടി20 ലോകകപ്പ്, അങ്ങനെ പ്രധാന മത്സരങ്ങളുടെ നീണ്ട ഷെഡ്യൂളാണ് പുറത്ത് വന്നിരിക്കുന്നത്. ജനുവരി ഏഴിന് ആരംഭിക്കുന്ന പുതുവർഷത്തിലെ ടീം ഇന്ത്യയുടെ മത്സരങ്ങൾ 2021 ഡിസംബർ വരെ നീളുന്നു.

 

2021ലെ ഇന്ത്യയുടെ മത്സരക്രമം:

ഓസ്ട്രേലിയൻ പര്യടനം തുടർച്ച‌- ജനുവരി

ഓസ്ട്രേലിയയിൽ നടക്കുന്ന ടെസ്റ്റ് പരമ്പരയുടെ തുടർച്ചയാണ് പുതുവർഷത്തിൽ ഇന്ത്യയുടെ ആദ്യ മത്സരങ്ങൾ. നാല് മത്സരങ്ങളുടെ പരമ്പരയിൽ ഓരോ വിജയം നേടി ഇരു ടീമുകളും 1-1 സമനില പാലിക്കുകയാണ്. മൂന്നാം ടെസ്റ്റ് ജനുവരി 7 മുതൽ സിഡ്നിയിലും നാലാം ടെസ്റ്റ് ജനുവരി 15 മുതൽ ബ്രിസ്ബേനിലും ആരംഭിക്കും.

 

ഇംഗ്ലണ്ടിന്റെ ഇന്ത്യൻ പര്യടനം:  ഫെബ്രുവരി- മാർച്ച്

ഓസ്ട്രേലിയൻ പര്യടനത്തിന് ശേഷം മടങ്ങിയെത്തുന്ന ടീം ഇന്ത്യ നാട്ടിൽ ഇംഗ്ലണ്ടിനെ നേരിടും. നാല് ടെസ്റ്റുകളും മൂന്ന് ഏകദിനങ്ങളും അഞ്ച് ട്വെന്റി 20 മത്സരങ്ങളും ഇന്ത്യ ഇംഗ്ലണ്ടുമായി കളിക്കും.

 

ഐപിഎൽ 2021: ഏപ്രിൽ-മെയ്

ഐപിഎൽ 2021 ഏപ്രിൽ, മെയ് മാസങ്ങളിലായി നടക്കും. കൊവിഡ് പ്രതിസന്ധി മൂലം കഴിഞ്ഞ സീസൺ യു എ ഇയിലാണ് നടന്നത്. 2021ൽ മത്സരങ്ങൾ ഇന്ത്യയിൽ നടത്തിയേക്കും.

 

ഇന്ത്യയുടെ ശ്രീലങ്കൻ പര്യടനവും ഏഷ്യ കപ്പും: ജൂൺ- ജൂലൈ

ഐപിഎൽ മത്സരങ്ങൾ പൂർത്തിയാക്കിയ ശേഷം ഇന്ത്യൻ ടീം ശ്രീലങ്കയിലേക്ക് തിരിക്കും. അവിടെ മൂന്ന് ഏകദിനങ്ങളും അഞ്ച് ട്വെന്റി 20 മത്സരങ്ങളും ആതിഥേയരുമായി ഇന്ത്യ കളിക്കും. തുടർന്ന് അവിടെ നടക്കുന്ന ഏഷ്യാ കപ്പിൽ ഇന്ത്യ പങ്കെടുക്കും. രണ്ട് വർഷത്തെ ഇടവേളക്ക് ശേഷം നിലവിലെ ചാമ്പ്യന്മാർ കൂടിയായ ഇന്ത്യ ബദ്ധവൈരികളായ പാകിസ്ഥാനുമായി ഏറ്റുമുട്ടും.

 

ഇന്ത്യയുടെ സിംബാബ്വെ പര്യടനം: ജൂലൈ

ഏഷ്യാ കപ്പിന് ശേഷം ഇന്ത്യ സിംബാബ്വെയിൽ പര്യടനം നടത്തും. 2020ൽ നടക്കേണ്ടിയിരുന്ന പര്യടനം കൊവിഡ് വ്യാപനം മൂലം മാറ്റി വെച്ചിരിക്കുകയായിരുന്നു. നിയന്ത്രിത ഓവർ മത്സര പര്യടനത്തിൽ പുതുമുഖങ്ങൾക്ക് അവസരം ലഭിക്കും.

 

ഇന്ത്യയുടെ ഇംഗ്ലണ്ട് പര്യടനം: ഓഗസ്റ്റ്- സെപ്റ്റംബർ

ഇംഗ്ലണ്ടിന്റെ ഇന്ത്യൻ പര്യടനത്തിന് ശേഷം ഇന്ത്യ ഇംഗ്ലണ്ടിൽ അഞ്ച് മത്സരങ്ങളുടെ ടെസ്റ്റ് പരമ്പര കളിക്കും. 2021ലെ ഇന്ത്യയുടെ ഏറ്റവും വെല്ലുവിളി നിറഞ്ഞ പരമ്പരയാകും ഇത്.

 

ദക്ഷിണാഫ്രിക്കയുടെ ഇന്ത്യൻ പര്യടനം: ഒക്ടോബർ

ട്വെന്റി 20 ലോകകപ്പിന് മുന്നോടിയായി ദക്ഷിണാഫ്രിക്ക ഇന്ത്യയിൽ പരമ്പര കളിക്കും.

 

ട്വെന്റി 20 ലോകകപ്പ്

2021 ട്വെന്റി 20 ലോകകപ്പിന് ഇന്ത്യ വേദിയാകും. കൊവിഡ് പ്രതിസന്ധിക്ക് ശേഷം കായിക ലോകം ഉറ്റു നോക്കുന്ന പ്രധാന ക്രിക്കറ്റ് മാമാങ്കമാകും ഇത്.

 

ന്യൂസിലാൻഡിന്റെ ഇന്ത്യൻ പര്യടനം: നവംബർ- ഡിസംബർ

നവംബർ- ഡിസംബർ മാസങ്ങളിൽ ന്യൂസിലാൻഡ് ഇന്ത്യയിൽ രണ്ട് ടെസ്റ്റുകളും മൂന്ന് ട്വെന്റി 20 മത്സരങ്ങളും കളിക്കും.

 

ഇന്ത്യയുടെ ദക്ഷിണാഫ്രിക്കൻ പര്യടനം: ഡിസംബർ

ദക്ഷിണാഫ്രിക്കൻ പര്യടനത്തോടെയാകും 2021ലെ ഇന്ത്യയുടെ മത്സരക്രമം അവസാനിക്കുക. അവിടെ ഇന്ത്യ മൂന്ന് ടെസ്റ്റുകളും ട്വെന്റി 20 പരമ്പരയും കളിക്കും.



from ബ്രേവ് ഇന്ത്യ ന്യൂസ് https://ift.tt/2X0wuhs
Share:

കർണാടക ഗ്രാമപഞ്ചായത്ത് തിരഞ്ഞെടുപ്പ് : മികച്ച വിജയം നേടി ബിജെപി

ബംഗളൂരു: കർണാടകയിൽ രണ്ടു ഘട്ടങ്ങളിലായി നടന്ന ഗ്രാമപഞ്ചായത്ത് തിരഞ്ഞെടുപ്പിൽ മികച്ച വിജയം നേടി ബിജെപി. 20428 സീറ്റുകളിലാണ് ബിജെപി പിന്തുണച്ച സ്ഥാനാർത്ഥികൾ വിജയിച്ചത്.

19253 സീറ്റുകളിൽ കോൺഗ്രസ്‌ പിന്തുണച്ച സ്ഥാനാർത്ഥികളും 12731 സീറ്റുകളിൽ ജെഡിഎസ് പിന്തുണച്ച സ്ഥാനാർത്ഥികളും വിജയിച്ചു. 5728 ഗ്രാമ പഞ്ചായത്തുകളിലേക്കുള്ള 82,616 സീറ്റുകളിലേക്കാണ് തിരഞ്ഞെടുപ്പ് നടന്നത്. ഡിസംബർ 22,27 തീയതികളിലായി നടന്ന തിരഞ്ഞെടുപ്പിന്റെ വോട്ടെണ്ണൽ ആരംഭിച്ചത് ബുധനാഴ്ച രാവിലെ 8 മണിയോടെയാണ്. 226 കേന്ദ്രങ്ങളിലായിട്ടായിരുന്നു വോട്ടെണ്ണൽ.

കോവിഡിന്റെ പശ്ചാത്തലത്തിലും ആവേശകരമായ വോട്ടെടുപ്പാണ് നടന്നത്. ആദ്യഘട്ടത്തിൽ 82 ശതമാനം പേരും രണ്ടാം ഘട്ടത്തിൽ 80.71 ശതമാനം പേരും വോട്ട് രേഖപ്പെടുത്തി.



from ബ്രേവ് ഇന്ത്യ ന്യൂസ് https://ift.tt/3o2JQWu
Share:

പാലക്കാട് ചരക്ക് ലോറി അഞ്ച് വാഹനങ്ങളിലേക്ക് പാഞ്ഞ് കയറി; 3 പേർ മരിച്ചു

പാലക്കാട്: ദേശീയപാതയിൽ കുതിരാനിൽ വൻ വാഹനാപകടം. ചരക്ക് ലോറി അഞ്ച് വാഹനങ്ങളിലേക്ക് പാഞ്ഞ് കയറിയാണ് അപകടമുണ്ടായത്. അപകടത്തിൽ മൂന്ന് പേർ മരിച്ചു.

അപകടത്തെ തുടർന്ന് ദേശീയപാതയിൽ ഗതാഗതം സ്തംഭിച്ചിരിക്കുകയാണ്. പരിക്കേറ്റ എല്ലാവരെയും ആശുപത്രിയിലേക്ക് മാറ്റി. സ്കൂട്ടറിലുണ്ടായിരുന്ന രണ്ടു പേരും കാറിലുണ്ടായിരുന്ന ഒരാളും ഉൾപ്പെടെ മൂന്ന് പേരാണ് മരിച്ചത്.

പരിക്കേറ്റ മൂന്ന് പേർ ആശുപത്രിയിലാണ്.അപകടകാരണം അന്വേഷിച്ചു വരികയാണ്.



from ബ്രേവ് ഇന്ത്യ ന്യൂസ് https://ift.tt/38LZzTm
Share:

1195 കോടിയുടെ ബൃഹത് പദ്ധതി; ഗുജറാത്ത് എയിംസിന് പ്രധാനമന്ത്രി ഇന്ന് തറക്കല്ലിടും

ഡൽഹി: ഗുജറാത്ത് എയിംസിന് പ്രധാനമന്ത്രി നരേന്ദ്ര മോദി ഇന്ന് തറക്കല്ലിടും. ഇന്ന് പകൽ പതിനൊന്ന് മണിക്കാണ് പ്രധാനമന്ത്രി പദ്ധതി ഉദ്ഘാടനം ചെയ്യുക. ഗുജറാത്തിന്റെ സമഗ്ര ആരോഗ്യ വികസനമാണ് പദ്ധതിയുടെ ലക്ഷ്യം.

പദ്ധതിക്കായി 201 ഏക്കർ ഭൂമിയാണ് ഗുജറാത്ത് സർക്കാർ എറ്റെടുത്തിരിക്കുന്നത്. 1195 കോടി രൂപയാണ് പദ്ധതിക്കായി ചിലവ് വരുന്നത്. 2022ൽ പണി പൂർത്തിയാക്കും.

750 കിടക്കകളുള്ള ആശുപത്രിയിൽ 30 കിടക്കകളോട് കൂടിയ ആയുഷ് ബ്ലോക്കും ഉണ്ടാകും. 125 എം ബി ബി എസ് സീറ്റുകളും 60 നഴ്സിംഗ് സീറ്റുകളും ഉണ്ടാകും.

ഗുജറാത്ത് ഗവർണ്ണർ ആചാര്യ ദേവവ്രത്, മുഖ്യമന്ത്രി വിജയ് രൂപാണി, കേന്ദ്ര ആരോഗ്യ സഹമന്ത്രി അശ്വനി കുമാർ ചൗബെ എന്നിവർ ചടങ്ങിൽ സംബന്ധിക്കും.



from ബ്രേവ് ഇന്ത്യ ന്യൂസ് https://ift.tt/34Ykq4H
Share:

യെമനിലെ ഏദൻ വിമാനത്താവളത്തിൽ ഭീകരാക്രമണം : 25 പേർ കൊല്ലപ്പെട്ടു

ഏദൻ: യെമനിലെ ഏദൻ വിമാനത്താവളത്തിൽ സ്ഫോടനം. സ്ഫോടനത്തിൽ 25 -ലേറെയാളുകൾ കൊല്ലപ്പെട്ടതായാണ് ലഭ്യമായ വിവരങ്ങൾ.

ആക്രമണമുണ്ടായത് പുതിയതായി രൂപീകരിച്ച ഗവണ്മെന്റിലെ അംഗങ്ങൾ സൗദി അറേബ്യയിൽ നിന്നുമെത്തിയതിന് പിന്നാലെയാണ്. അൽ അറബിയ ചാനലാണ് ഇക്കാര്യം റിപ്പോർട്ട് ചെയ്തിരിക്കുന്നത്. ആദ്യം പുറത്തുവന്നത് സ്ഫോടനത്തിൽ 5 പേർ കൊല്ലപ്പെട്ടുവെന്ന വാർത്തയാണ്.

പിന്നീടാണ് മരണ സംഖ്യ 25-ലുമധികമാണെന്ന് സ്ഥിരീകരിച്ചത്. അതേസമയം, സർക്കാർ പ്രതിനിധികൾക്ക് പരിക്കില്ലെന്ന് പ്രധാനമന്ത്രി മഈൻ അബ്ദുൾ മാലിക്ക് അറിയിച്ചിട്ടുണ്ട്.



from ബ്രേവ് ഇന്ത്യ ന്യൂസ് https://ift.tt/2X0cWdf
Share:

സംസ്ഥാനത്ത് പുതുവത്സര ആഘോഷങ്ങൾക്ക് കടുത്ത നിയന്ത്രണം; ആഘോഷങ്ങൾ പത്ത് മണിയോടെ അവസാനിപ്പിക്കണം

തിരുവനന്തപുരം: കൊവിഡ് വ്യാപനത്തിന്റെ പശ്ചാത്തലത്തിൽ സംസ്ഥാനത്ത് പുതുവത്സര ആഘോഷങ്ങൾക്ക് കടുത്ത നിയന്ത്രണം ഏർപ്പെടുത്തി. ഇന്ന് രാത്രി പത്തു മണിക്ക് എല്ലാ പുതുവത്സര പരിപാടികളും അവസാനിപ്പിക്കണമെന്നാണ് നിർദ്ദേശം. കൊവിഡ് പ്രോട്ടോക്കോൾ അനുസരിച്ച് മാത്രമേ ആഘോഷങ്ങൾ സംഘടിപ്പിക്കാൻ പാടുള്ളൂ. പൊതുസ്ഥലത്ത് കൂട്ടായ്മകൾ പാടില്ല.

സംസ്ഥാനത്തെ ബീച്ചുകളിലും ആഘോഷങ്ങൾക്ക് നിയന്ത്രണമുണ്ട്. ആഘോഷാവസരങ്ങളിൽ ആളുകൾ കൂടുന്നത് രോഗവ്യാപനത്തിന് ഇടയാക്കുമെന്നതിനാൽ പുതുവത്സര വേളയിൽ കർശന നിരീക്ഷണത്തിന് അധികൃതർക്ക് നിർദ്ദേശമുണ്ട്. കോഴിക്കോട് ജില്ലയിലെ ബീച്ചുകളിൽ ഡിസംബർ 31 മുതൽ ജനുവരി നാല് വരെ പ്രവേശനം 6 മണി വരെ മാത്രമാക്കി ചുരുക്കി. ബീച്ചുകളിൽ എത്തുന്നവർ 7 മണിക്ക് മുൻപ് തിരിച്ചു പോകണം.

സംസ്ഥാനത്തെ എല്ലാ ജില്ലകളിലും പൊലിസിന്റെയും മറ്റ് വകുപ്പുകളുടെയും കർശന നിരീക്ഷണം ഉണ്ടായിരിക്കും.



from ബ്രേവ് ഇന്ത്യ ന്യൂസ് https://ift.tt/37YJyu2
Share:

മുൻ ഇന്ത്യന്‍ ക്രിക്കറ്റ് താരം ലക്ഷ്മണ്‍ ശിവരാമകൃഷ്ണന്‍ ബിജെപിയില്‍ ചേര്‍ന്നു

ചെന്നൈ : ഇന്ത്യന്‍ ക്രിക്കറ്റ് താരമായിരുന്ന ലക്ഷ്മണ്‍ ശിവരാമകൃഷ്ണന്‍ ബിജെപിയില്‍ ചേര്‍ന്നു. അടുത്ത വര്‍ഷം തമിഴ്നാട്ടില്‍ നടക്കുന്ന നിയമസഭാ തിരഞ്ഞെടുപ്പിന് മുന്നോടിയായാണ് ശിവരാമകൃഷ്ണന്‍ ബിജെപിയില്‍ ചേര്‍ന്നത്.

സി.ടി രവിയുടെ സാന്നിധ്യത്തില്‍ ചെന്നൈയില്‍ നടന്ന ചടങ്ങിലാണ് മുന്‍ ഇന്ത്യന്‍ ക്രിക്കറ്റ് താരമായിരുന്ന ശിവരാമകൃഷ്ണന്‍ പാര്‍ട്ടി അംഗത്വം സ്വീകരിച്ചത്.

ക്രിക്കറ്റില്‍ നിന്നും വിരമിച്ച താരം പിന്നീട് ക്രിക്കറ്റ് കമന്ററി രംഗത്ത് ശ്രദ്ധേയ സാന്നിധ്യമായി. കഴിഞ്ഞ 20 വര്‍ഷങ്ങളായി ശിവരാമകൃഷ്ണന്‍ കമന്റേറ്ററായി പ്രവര്‍ത്തിക്കുകയാണ്. ദേശീയ ക്രിക്കറ്റ് അക്കാദമിയില്‍ ബൗളിങ് കോച്ചായും അദ്ദേഹം പ്രവര്‍ത്തിച്ചിട്ടുണ്ട്. തന്റെ 17-ാം വയസ്സിലാണ് അദ്ദേഹം ഇന്ത്യയ്ക്ക് വേണ്ടി അരങ്ങേറ്റം കുറിച്ചത്. ഒന്‍പത് ടെസ്റ്റ് മത്സരങ്ങളില്‍ നിന്നും 26 വിക്കറ്റുകള്‍ നേടിയിട്ടുണ്ട്. ലെഗ്സ്പിന്നറായ ശിവരാമകൃഷ്ണന്റെ പേരില്‍ 15 ഏകദിന വിക്കറ്റുകളുമുണ്ട്.



from ബ്രേവ് ഇന്ത്യ ന്യൂസ് https://ift.tt/3hsgLRP
Share:

‘പുതുവത്സര ആഘോഷങ്ങള്‍ക്ക് നിയന്ത്രണങ്ങള്‍ പരിഗണിക്കണം’; സംസ്ഥാന സര്‍ക്കാരുകളോടാവശ്യപ്പെട്ട് കേന്ദ്രസർക്കാർ

ഡൽ‌ഹി: പുതുവത്സരവുമായി ബന്ധപ്പെട്ട ആഘോഷങ്ങള്‍ക്ക് നിയന്ത്രണങ്ങള്‍ പരിഗണിക്കണമെന്ന് സംസ്ഥാന സര്‍ക്കാരുകളോട് ആവശ്യപ്പെട്ട് കേന്ദ്ര സര്‍ക്കാര്‍. യൂറോപ്യന്‍ രാജ്യങ്ങളില്‍ നിന്ന് ഇന്ത്യയിലേക്ക് മടങ്ങിവരുന്ന പൗരന്മാരിലൂടെ ജനിതക വ്യതിയാനം സംഭവിച്ച പുതിയ കൊറോണ വൈറസ് വ്യാപിക്കുന്ന പശ്ചാത്തലത്തിലാണ് നിര്‍ദ്ദേശം.

കഴിഞ്ഞ മൂന്നര മാസമായി രാജ്യത്ത് കോവിഡ് 19 കേസുകളുടെ എണ്ണം ക്രമാതീതമായി കുറഞ്ഞു. യൂറോപ്പിലും അമേരിക്കയിലും കോവിഡ് 19 കേസുകളുടെ പെട്ടന്നുണ്ടായ കുതിച്ചുചാട്ടം കണക്കിലെടുക്കുമ്പോള്‍ സമഗ്രമായ മുന്‍കരുതലും നിയന്ത്രണങ്ങളും കര്‍ശനമായ നിരീക്ഷണവും നമ്മുടെ രാജ്യത്തിനുള്ളില്‍ നടത്തേണ്ടതുണ്ട് എന്ന് കേന്ദ്ര സര്‍ക്കാര്‍ സംസ്ഥാനങ്ങള്‍ക്ക് അയച്ച കത്തില്‍ പറയുന്നു.

പുതുവത്സരവും അതിനോടനുബന്ധിച്ചുള്ള വിവിധ ആഘോഷവേളകളും, ശൈത്യകാലവും പരിഗണിച്ച്‌ നിയന്ത്രണങ്ങള്‍ പരിഗണിക്കണമെന്നാണ് കത്തില്‍ പറയുന്നത്.



from ബ്രേവ് ഇന്ത്യ ന്യൂസ് https://ift.tt/2WUEVeb
Share:

‘മതപരിവര്‍ത്തനത്തിനെതിരെ കര്‍ശനവും ശാശ്വതവുമായ നിയമനിര്‍മ്മാണം വേണം’; പ്രലോഭിപ്പിച്ചോ, ഭയപ്പെടുത്തിയോ, വാഗ്ദാനം നല്‍കിയോ, വഞ്ചിച്ചോ മതപരിവര്‍ത്തനം നടത്തുന്നതിന് പിന്നില്‍ ഗൂഢാലോചനയുണ്ടെന്ന് കേന്ദ്രമന്ത്രി പ്രഹ്ലാദ് സിങ് പട്ടേല്‍

ഡല്‍ഹി: നിര്‍ബന്ധിത മതപരിവര്‍ത്തനത്തിനെതിരെ കര്‍ശനവും ശാശ്വതവുമായ നിയമനിര്‍മ്മാണം വേണമെന്ന് കേന്ദ്ര സാംസ്‌കാരികമന്ത്രി പ്രഹ്ലാദ് സിങ് പട്ടേല്‍. പ്രലോഭിപ്പിച്ചോ, ഭയപ്പെടുത്തിയോ, വാഗ്ദാനം നല്‍കിയോ, വഞ്ചിച്ചോ മതപരിവര്‍ത്തനം നടത്തുന്നതിന് പിന്നില്‍ ഗൂഢാലോ ചനയുണ്ടെന്നും, അത് ശാശ്വതമായി നിരോധിക്കേണ്ടതാണെന്നും അദ്ദേഹം പറഞ്ഞു. ലൗ ജിഹാദിനെതിരെ മധ്യപ്രദേശ് സര്‍ക്കാര്‍ പുറത്തിറക്കിയ ധര്‍മ്മ സ്വതന്ത്രത ( മത സ്വാതന്ത്ര്യം) ഓര്‍ഡിനന്‍സിനെപ്പറ്റി സംസാരിക്കുമ്പോഴാണ് മന്ത്രി നിലപാട് വ്യക്തമാക്കിയത്.

സംഭാഷണത്തിലൂടെ കാര്യങ്ങള്‍ പരിഹരിക്കപ്പെടാത്തപ്പോള്‍, നിയമം നിര്‍മ്മിക്കേണ്ടത് സ്വാഭാവികമാണ്. നിര്‍ബന്ധിതമോ വഞ്ചനാപരമോ ആയ പരിവര്‍ത്തനത്തിനെതിരെ കര്‍ശനവും ശാശ്വതവുമായ നിയമനിര്‍മ്മാണം ആവശ്യമാണ്. പതിറ്റാണ്ടുകളായി ചര്‍ച്ച നടക്കുന്നു.ആളുകളോട് ചോദി ച്ചാല്‍ അവരും ഈ നിയമത്തെ അനുകൂലിക്കുമെന്ന് ഞാന്‍ മനസ്സിലാക്കുന്നുവെന്നും മന്ത്രി പറഞ്ഞു.



from ബ്രേവ് ഇന്ത്യ ന്യൂസ് https://ift.tt/37XnCzn
Share:

ബിജെപി നേതാവ് മഠത്തില്‍ ശശി അന്തരിച്ചു; അന്ത്യം ഹൃദയസംബന്ധമായ അസുഖത്തെ തുടർന്ന്

കൊല്ലം: കൊല്ലം ജില്ലയിലെ ബിജെപിയുടെ മുതിര്‍ന്ന നേതാവ് മഠത്തില്‍ ശശി (58) അന്തരിച്ചു. ഹൃദയസംബന്ധമായ അസുഖത്തിന് ചികില്‍സയിലായിരുന്നു. സംസ്കാരം ഡിസംബര്‍ 31 ന് നാളെ പകല്‍ 10 മണി കഴിഞ്ഞ് കൊട്ടാരക്കര പള്ളിക്കല്‍ കിഴക്കുള്ള വീട്ടുവളപ്പില്‍ നടക്കും.

കൊട്ടാരക്കര നിയോജക മണ്ഡലത്തിലും കൊല്ലം ജില്ലയിലും യുവമോര്‍ച്ചയുടെ പ്രധാന ചുമതലക്കാരില്‍ ഒരാളായി തുടക്കം കുറിച്ച അദ്ദേഹം ബിജെപി കൊട്ടാരക്കര മണ്ഡലം സെക്രട്ടറി, വൈസ് പ്രസിഡന്റ്, കൊല്ലം ജില്ല സെക്രട്ടറി, വൈസ് പ്രസിഡന്റ്, സംസ്ഥാന കൗണ്‍സില്‍ അംഗം, പട്ടികജാതി മോര്‍ച്ച ജില്ലാ ജന.സെക്രട്ടറി, ജില്ലാ പ്രസിഡന്‍റ്, സംസ്ഥാന സെക്രട്ടറി, സംസ്ഥാന വൈസ് പ്രസിഡന്റ് തുടങ്ങിയ ചുമതലകള്‍ വഹിച്ചിരുന്നു.



from ബ്രേവ് ഇന്ത്യ ന്യൂസ് https://ift.tt/3nYN11u
Share:

കോവിഡ് വ്യാപനം; യുകെയില്‍ നിന്ന് ഇന്ത്യയിലേക്കും തിരിച്ചുമുള്ള വിമാന സര്‍വീസുകള്‍ക്ക് ഒരാഴ്ച കൂടി വിലക്ക് നീട്ടി

ഡല്‍ഹി: ജനിക മാറ്റം വന്ന കോവിഡ് അതിവേഗം വ്യാപിക്കുന്നതിന്റെ പശ്ചാത്തലത്തില്‍ യുകെയില്‍ നിന്ന് ഇന്ത്യയിലേക്കും തിരിച്ചുമുള്ള വിമാന സര്‍വീസുകള്‍ക്ക് വിലക്കേര്‍പ്പെടുത്തിയത് ഒരാഴ്ച കൂടി നീട്ടി. ജനുവരി ഏഴ് വരെ വിലക്ക് തുടരുമെന്ന് കേന്ദ്ര വ്യോമയാന മന്ത്രി ഹര്‍ദീപ് സിങ് പുരി അറിയിച്ചു.

നേരത്തെ ഡിസംബര്‍ 22 മുതൽ ഡിസംബര്‍ 31 വരെയായിരുന്നു യുകെ-ഇന്ത്യ വിമാന സര്‍വീസുകള്‍ക്ക് താത്കാലിക വിലക്കേര്‍പ്പെടുത്തിയത്. ഇത് ജനുവരി ഏഴ് വരെ നീട്ടുകയാണ്. തുടര്‍ നടപടികള്‍ സാഹചര്യങ്ങള്‍ വിലയിരുത്തിയ ശേഷം പ്രഖ്യാപിക്കുമെന്ന് കേന്ദ്ര സര്‍ക്കാര്‍ വ്യക്തമാക്കി.

യുകെയില്‍ ആദ്യമായി റിപ്പോര്‍ട്ട് ചെയ്ത ജനിതക മാറ്റം വന്ന കോവിഡ് ഇന്ത്യയില്‍ 20 പേര്‍ക്ക് സ്ഥിരീകരിച്ചിട്ടുണ്ട്.

കോവിഡിനു കാരണമായ സാര്‍സ് കോവ്-2 വൈറസിന്റെ ബ്രിട്ടനില്‍ കണ്ടെത്തിയ പുതിയ വകഭേദമാണ് ഇവരില്‍ കണ്ടെത്തിയത്. പുതിയ വൈറസ് വകഭേദം ബ്രിട്ടനു പുറമേ ഇന്ത്യ, ഡെന്‍മാര്‍ക്ക്, നെതര്‍ലാന്‍ഡ്‌സ്, ഓസ്‌ട്രേലിയ, ഇറ്റലി, സ്വീഡന്‍, ഫ്രാന്‍സ്, സ്പെയിന്‍, സ്വിറ്റ്‌സര്‍ലന്‍ഡ്, ജര്‍മനി, കാനഡ, ജപ്പാന്‍, ലെബനന്‍, സിംഗപ്പൂര്‍,യു.എ.ഇ എന്നീ രാജ്യങ്ങളിലാണ് ഇതുവരെ കണ്ടെത്തിയത്.



from ബ്രേവ് ഇന്ത്യ ന്യൂസ് https://ift.tt/3mYGW3Q
Share:

‘കേന്ദ്ര പദ്ധതിയുടെ ക്രെഡിറ്റ് അടിച്ചു മാറ്റി’; മുഖ്യമന്ത്രിക്കും സര്‍ക്കാരിനുമെതിരെ ആരോപണുമായി ബിജെപി

ഭുവനേശ്വര്‍: ഒഡീഷ സര്‍ക്കാരിനെതിരെ ആരോപണവുമായി ബിജെപി രംഗത്ത്. കേന്ദ്രസര്‍ക്കാരിന്‍റെ കീഴിലുള്ള ഭവന പദ്ധതി സംസ്ഥാന സര്‍ക്കാര്‍ ഹൈജാക്ക് ചെയ്തു എന്നാരോപിച്ചാണ് പരാതി. കേന്ദ്രസര്‍ക്കാരിന്‍റെ ‘പ്രധാന്‍മന്ത്രി ആവാസ് യോജന’ (PMAY) ‘ബിജു പക്കാ ഘര്‍ യോജന’ എന്ന പേരിലാക്കി ക്രെഡിറ്റ് സംസ്ഥാന സര്‍ക്കാര്‍ അടിച്ചു മാറ്റുന്നു എന്നാണ് ആരോപണം.

ബിജെപി മഹിളാ മോര്‍ച്ച അംഗങ്ങളാണ് മുഖ്യമന്ത്രിക്കും സംസ്ഥാന സര്‍ക്കാരിനുമെതിരെ പരാതി സമര്‍പ്പിച്ചത്. കേന്ദ്ര പദ്ധതി പ്രകാരം നിര്‍മ്മിച്ച വീടുകളില്‍ ബിജെഡി സര്‍ക്കാര്‍ സ്വന്തം ഭവനപദ്ധതിയായ ‘ബിജു പക്കാ ഘര്‍ യോജനടയുടെ ലോഗോ ഉപയോഗിക്കുന്നു എന്നാണ് ഇവര്‍ പരാതിയില്‍ പറയുന്നത്.

എന്നാല്‍ ‘ഇത്തരത്തില്‍ നല്‍കിയ വീടുകള്‍ക്ക് മുന്നില്‍ ‘പിഎംഎവൈ ‌’ എന്ന് ചെറിയ അക്ഷരങ്ങളില്‍ രേഖപ്പെടുത്തിയിട്ടുണ്ട് എന്നാല്‍ സംസ്ഥാന സര്‍ക്കാര്‍ ‘ബിജു പക്കാ ഘര്‍’എന്ന് വലിയ അക്ഷരത്തില്‍ രേഖപ്പെടുത്തുന്നതിനൊപ്പം ബിജു പട്നായിക്കിന്‍റെ ഒരു ചിത്രവും വീടുകള്‍ക്ക് മുന്നില്‍ രേഖപ്പെടുത്തി വയ്ക്കുന്നു എന്നാണ് ബിജെപി മഹിളാ മോര്‍ച്ച നേതാവ് സുഭാഷിണി പൃഷ്ടി അറിയിച്ചത്. നവീന്‍ പട്നായിക്കിന്‍റെ പിതാവും ഒഡീഷ മുന്‍ മുഖ്യമന്ത്രിയുമായ ബിജു പട്നായിക്കിന്‍റെ പേരിലാണ് സംസ്ഥാനത്ത് ഭവനപദ്ധതി നടപ്പിലാക്കിയിരിക്കുന്നത്.

അതേസമയം ഇതാദ്യമായല്ല ഒഡീഷ സര്‍ക്കാര്‍ കേന്ദ്ര പദ്ധതിയുടെ ക്രെഡിറ്റ് അടിച്ചുമാറ്റുന്നതെന്ന ആരോപണവും ഉയര്‍ന്നിട്ടുണ്ട്. നേരത്തെ കേന്ദ്ര സര്‍ക്കാരിന്‍റെ ആംബുലന്‍സ് പദ്ധതിയും ഇതുപോലെ സംസ്ഥാനത്തിന്‍റെ പേരിലാക്കിയെന്ന ആരോപണം ബിജെപി ജനറല്‍ സെക്രട്ടറി പൃഥ്വിരാജ് ഹരിചന്ദന്‍ ദാസ് ആണ് ഉന്നയിച്ചിരിക്കുന്നത്.



from ബ്രേവ് ഇന്ത്യ ന്യൂസ് https://ift.tt/3mWBjmx
Share:

അലസി പിരിഞ്ഞ് ഇന്ത്യ-ചൈന ചര്‍ച്ച; അതിർത്തിയിൽ സൈനികരെ പിന്‍വലിക്കില്ലെന്ന തീരുമാനത്തിൽ ഇന്ത്യയും

ഡല്‍ഹി∙ ലഡാക്കില്‍ നിയന്ത്രണരേഖയില്‍ ചൈന പ്രകോപനങ്ങളുണ്ടാക്കുകയും നുഴഞ്ഞ് കയറാന്‍ ശ്രമിക്കുന്നതുമായി ബന്ധപ്പെട്ട് ചൈനയുമായി നടത്തിയ നയതന്ത്ര, സൈനിക ചര്‍ച്ച പരിഹാരം കണ്ടെത്താതെ പിരിഞ്ഞതായി പ്രതിരോധ മന്ത്രി രാജ്‌നാഥ് സിംഗ്. ചര്‍ച്ച അലസി പിരിഞ്ഞതോടെ ഈ മേഖലയില്‍ സൈനികരുടെ എണ്ണം ഇന്ത്യ കുറക്കില്ലെന്ന് അദ്ദേഹം വ്യക്തമാക്കി.

അതിര്‍ത്തിയില്‍ പ്രശ്‌നങ്ങള്‍ ഉണ്ടാക്കാന്‍ ആരെയും അനുവദിക്കില്ലെന്നും ഇപ്പോള്‍ നിലവിലുള്ള സ്ഥിതി ലഡാക്കില്‍തുടരും എന്നും പറഞ്ഞ രാജ്നാഥ് സിംഗ് ചര്‍ച്ചകള്‍ വരും ദിവസങ്ങളില്‍ ഫലം കാണുമെന്നാണു പ്രതീക്ഷയെന്നും പ്രത്യാശ പ്രകടിപ്പിച്ചു. കഴിഞ്ഞ ഓഗസ്റ്റില്‍ ഇരു രാജ്യങ്ങളും തമ്മിലുള്ള ചര്‍ച്ചകളില്‍ ഉണ്ടാക്കിയ പിന്‍മാറ്റം സംബന്ധിച്ചുള്ള ധാരണ ചൈന ലംഘിച്ച്‌ പാന്‍ഗോങ് തടാകത്തിനു സമീപത്തു പലയിടങ്ങളിലും കടന്ന് കയറിയതായിട്ടാണ് പുതിയ റിപ്പോര്‍ട്ടുകള്‍.

കഴിഞ്ഞ ഏപ്രില്‍, മേയ് മാസങ്ങളിലാണ് കിഴക്കന്‍ ലഡാക്കില്‍ ചൈന നുഴഞ്ഞ് കയറാന്‍ ആരംഭിച്ചത്. ജൂണ്‍ 15ന് ഗല്‍വാന്‍ താഴ്‌വരയില്‍ ഉണ്ടായ സംഘര്‍ഷത്തില്‍ 20 ഇന്ത്യന്‍ ജവാന്മാര്‍ വീരമൃത്യു വരിച്ചു. ലഡാക്കില്‍ ഏപ്രിലിനു മുമ്പുള്ള അവസ്ഥ പുനസ്ഥാപിക്കണമെന്നും അവിടെ നിന്നും ചൈനീസ് സേന പൂര്‍ണ്ണമായും പിന്‍മാറണം എന്ന ആവശ്യത്തില്‍ നിന്നും ഇന്ത്യ പിന്നോട്ടില്ല എന്ന നിലപാടാണ് ഇന്ത്യയുടേത് .എട്ടു തവണ ഉന്നതതല ചര്‍ച്ചകള്‍ നടന്നെങ്കിലും ഫലമുണ്ടായില്ല. ഒമ്പതാംവട്ട ചര്‍ച്ച അടുത്തു തന്നെ ആരംഭിക്കും.



from ബ്രേവ് ഇന്ത്യ ന്യൂസ് https://ift.tt/2WWnEkY
Share:

വ​ര്‍​ക്ക​ല​യി​ല്‍ മ​ക​ന്‍ അ​മ്മ​യെ മ​ര്‍​ദി​ച്ച സംഭവം; അ​യി​രൂ​ര്‍ സ്വ​ദേ​ശി റ​സാ​ഖ് അ​റ​സ്റ്റി​ല്‍

തി​രു​വ​ന​ന്ത​പു​രം: വ​ര്‍​ക്ക​ല​യി​ല്‍ അ​മ്മ​യെ മ​ര്‍​ദി​ച്ച മ​ക​ന്‍ അ​റ​സ്റ്റി​ല്‍. അ​യി​രൂ​ര്‍ സ്വ​ദേ​ശി റ​സാ​ഖാ​ണ് അ​റ​സ്റ്റി​ലാ​യ​ത്. അ​മ്മ​യെ റ​സാ​ഖ് മ​ര്‍​ദി​ക്കു​ന്ന ദൃ​ശ്യ​ങ്ങ​ള്‍ പു​റ​ത്ത് വ​ന്നി​രു​ന്നു.

ഒ​രാ​ഴ്ച മു​ന്‍​പ് ന​ട​ന്ന സം​ഭ​വ​ത്തി​ന്‍റെ ദൃ​ശ്യ​ങ്ങ​ള്‍ ചൊ​വ്വാ​ഴ്ച​യാ​ണ് സാ​മൂ​ഹ്യ​മാ​ധ്യ​മ​ങ്ങ​ളി​ലൂ​ടെ പ്ര​ച​രി​ച്ച​ത്. അ​മ്മ​യെ മ​ര്‍​ദ്ദി​ക്കു​ന്ന മ​ക​ന്‍ റ​സാ​ക്കി​ന്‍റെ ചി​ത്ര​ങ്ങ​ള്‍ സ​ഹോ​ദ​രി​യാ​ണ് കാ​മ​റ​യി​ല്‍ പ​ക​ര്‍​ത്തി​യ​ത്. സം​ഭ​വ​ത്തി​ന് ശേ​ഷം റ​സാ​ഖ് ഒ​ളി​വി​ലാ​യി​രു​ന്നു.

നി​ല​ത്തി​രി​ക്കു​ന്ന അ​മ്മ​യെ മ​ക​ന്‍ ച​വി​ട്ടു​ന്ന​തും മ​ര്‍​ദ്ദി​ക്കു​ന്ന​തും ദൃ​ശ്യ​ങ്ങ​ളി​ല്‍ കാ​ണാം. മ​ക​ന്‍ മ​ദ്യ​ല​ഹ​രി​യി​ലാ​യി​രു​ന്നു​വെ​ന്നാ​ണ് പോ​ലീ​സ് പ​റ​യു​ന്ന​ത്.



from ബ്രേവ് ഇന്ത്യ ന്യൂസ് https://ift.tt/3o3HRRU
Share:

മഞ്ചേശ്വരം ഗ്രാമപഞ്ചായത്തില്‍ യുഡിഎഫിന് തിരിച്ചടി; ബിജെപി പിന്തുണയോടെ സ്വതന്ത്രന്‍ പ്രസിഡന്റ്

കാസര്‍​ഗോഡ്: മഞ്ചേശ്വരം ഗ്രാമപഞ്ചായത്തില്‍ ബിജെപി പിന്തുണയോടെ സ്വതന്ത്രന്‍ പ്രസിഡന്റായി. യുഡിഎഫിന് ഭരണം നഷ്ടമായി. 21 അംഗങ്ങളുള്ള പഞ്ചായത്തില്‍ എന്‍ഡിഎയ്ക്കും യുഡിഎഫിനും ആറുവീതം സീറ്റുകളാണുള്ളത്. ഇതോടെയാണ് സ്വതന്ത്രയായ ജീന്‍ ലവീന മൊന്തേരയെ ബിജെപി പിന്തുണ നല്‍കി പ്രസിഡന്റാക്കിയത്.

ബെള്ളൂര്‍, മധൂര്‍ പഞ്ചായത്തുകളില്‍ ബിജെപി ഭരണം നിലനിര്‍ത്തി. ഇതിനൊപ്പം കാറടുക്ക് പഞ്ചായത്തില്‍ ബിജെപി അധികാരം പിടിച്ചെടുക്കുകയും ചെയ്തിട്ടുണ്ട്. കാസര്‍​ഗോഡ് കുമ്പഡാജെ പഞ്ചായത്തില്‍ എല്‍ഡിഎഫ് സ്വാതന്ത്രന്റെ പിന്തുണയില്‍ യുഡിഎഫ് ഭരണത്തിലേറി. കുമ്പഡാജെയില്‍ സിപിഐ സ്വതന്ത്രന്‍ യുഡിഎഫിനെ പിന്തുണച്ചപ്പോള്‍ മീഞ്ചയില്‍ സിപിഐയുടെ പ്രസിഡന്റ് സ്ഥാനാര്‍ത്ഥിയെ യുഡിഎഫ് പിന്തുണച്ചു.



from ബ്രേവ് ഇന്ത്യ ന്യൂസ് https://ift.tt/3aTDdC0
Share:

‘മതം മാറി വിവാഹം ചെയ്യാന്‍ മുസ്‌ലിം സമുദായം അനുവദിക്കാറില്ലല്ലോ’; മത പരിവര്‍ത്തന നിരോധന നിയമത്തെ പിന്തുണച്ച് രാജ് നാഥ് സിംഗ്

ഡല്‍ഹി: മതപരിവര്‍ത്തന നിയമത്തിനെതിരെ വ്യാപകമായി പ്രതിഷേധം ഉയര്‍ന്നുവരുന്നതിനിടെ നിയമത്തിന് പൂര്‍ണ പിന്തുണയുമായി കേന്ദ്രപ്രതിരോധമന്ത്രി രാജ് നാഥ് സിംഗ്. വിവാഹത്തിന് വേണ്ടിയുള്ള മതം മാറ്റത്തെ വ്യക്തപരമായി താന്‍ അംഗീകരിക്കുന്നില്ലെന്നും രാജ് നാഥ് സിംഗ് പറഞ്ഞു.എ. എന്‍.ഐയ്ക്ക് നല്‍കിയ അഭിമുഖത്തിലായിരുന്നു പ്രതികരണം.

‘എനിക്കറിയാവുന്നിടത്തോളം, മുസ്ലിം മതത്തില്‍ ഒരാള്‍ക്ക് മറ്റൊരു മതത്തില്‍ നിന്നുള്ള ഒരാളെ വിവാഹം കഴിക്കാന്‍ കഴിയില്ല. വിവാഹത്തിനുള്ള മതപരിവര്‍ത്തനത്തെ ഞാന്‍ വ്യക്തിപരമായി അംഗീകരിക്കുന്നില്ല,’ അദ്ദേഹം കൂട്ടിച്ചേര്‍ത്തു.

യു.പിയില്‍ നടപ്പാക്കിയ മത പരിവര്‍ത്തന നിരോധന നിയമത്തെ പിന്തുണച്ചു കൊണ്ടാണ് രാജ് നാഥ് സിംഗ് സംസാരിച്ചത്.

നിയമവിരുദ്ധമായ മതം മാറ്റം തടയുന്നതിന് വേണ്ടിയാണ് നിയമമെന്നാണ് രാജ് നാഥ് സിംഗ് വ്യക്തമാക്കി.

 



from ബ്രേവ് ഇന്ത്യ ന്യൂസ് https://ift.tt/2WRNxSS
Share:

‘എല്‍ഡിഎഫിന്റെ അടിമകളോ യുഡിഎഫ്?പിണറായിയുടെ ബി ടീം ആയി യുഡിഎഫ് മാറി’; ധാര്‍മ്മികതയില്ലാത്ത രാഷ്ട്രിയത്തിനെതിരെ ആഞ്ഞടിച്ച്‌ കെ സുരേന്ദ്രന്‍

തിരുവനന്തപുരം: യുഡിഎഫ് എല്‍ഡിഎഫിന്റെ അടിമകളെന്ന് ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍. പഞ്ചായത്തുകളില്‍ അധ്യക്ഷന്മാരെ തെരഞ്ഞെടുക്കുന്നതിന് മുന്നോടിയായി സംസ്ഥാനത്തെമ്പാടും യുഡിഎഫും എല്‍ഡിഎഫും തമ്മില്‍ സഖ്യം വ്യാപകമാണെന്ന് കെ സുരേന്ദ്രന്‍ വ്യക്തമാക്കി. ചെന്നിത്തല പഞ്ചായത്ത് ഉദാഹരണം. ബിജെപി അധികാരത്തില്‍ വരുന്നത് തടയാനാണ് കൂട്ടുകെട്ട്. യുഡിഎഫിനെ പൂര്‍ണമായും എല്‍ഡിഎഫിന് മുന്നില്‍ ചെന്നിത്തല അടിയറവ് പറയിച്ചു. പിണറായിയുടെ ബി ടീം ആയി യുഡിഎഫ് മാറിയെന്ന് അദ്ദേഹം കുറ്റപ്പെടുത്തി.

എന്നാല്‍ സാമന്ത പ്രതിപക്ഷമാണിത്. എല്‍ഡിഎഫിന്റെ അടിമകളാണ് യുഡിഎഫ്. യുഡിഎഫ് പിരിച്ചുവിട്ട് എല്‍ഡിഎഫില്‍ ലയിക്കണം. രാഷ്ട്രീയ നൈതികത, ധാര്‍മിക മൂല്യങ്ങള്‍ മറന്നുകൊണ്ടുള്ള കൂട്ടുകെട്ടാണിത്. മഹാസഖ്യം കേരളത്തിലേക്ക് വ്യാപിപ്പിക്കാന്‍ ചെന്നിത്തല നോക്കണം. നിയമസഭാ തെരഞ്ഞെടുപ്പില്‍ പരാജയ ഭീതി കൊണ്ടാണ് ചെന്നിത്തലയുടെ ഈ നിലപാട്. എല്‍ഡിഎഫ് – യുഡിഎഫ് കൂട്ടുകെട്ടിനെതിരെ പ്രചാരണം തുടങ്ങും. നിയമസഭാ തെരഞ്ഞെടുപ്പിലും ഈ ബാന്ധവം ആവര്‍ത്തിക്കുമെന്നും അദ്ദേഹം വ്യക്തമാക്കി.



from ബ്രേവ് ഇന്ത്യ ന്യൂസ് https://ift.tt/37W9qH8
Share:

മദ്യലഹരിയിൽ അമ്മയെ ക്രൂരമായി മര്‍ദ്ദിച്ച് മകൻ; പാറപ്പുറത്തുകാരന്‍ റസാഖിനെ തിരഞ്ഞ് പൊലീസ്

തിരുവനന്തപുരം: മദ്യലഹരിയിൽ അമ്മയെ മകന്‍ അടിക്കുന്ന ക്രൂര ദൃശ്യങ്ങള്‍ സോഷ്യല്‍ മീഡിയയില്‍ വൈറല്‍. കേസെടുക്കാതെ അന്വേഷണം തുടങ്ങി പൊലീസും. സമൂഹ മാധ്യമങ്ങളില്‍ ദൃശ്യങ്ങള്‍ പ്രചരിച്ചതോടെയാണ് അന്വേഷണം തുടങ്ങിയത്.

എന്നെ ഇനി നോക്കരുതെന്ന് പറഞ്ഞാണ് അമ്മയെ തല്ലുന്നത്. ചവിട്ടുകയും തൊഴിക്കുകയും ചെയ്യുന്നു. അതി ക്രൂരമാണ് മര്‍ദ്ദനം. എന്ന കൊല്ലരുതെടാ എന്ന് പറഞ്ഞ് അമ്മ കരയുന്നു… എന്റെ പൊന്നോ… എന്നും വിളിക്കുന്നു… കവിളിലും തല്ലുന്നു. ഇത്ര ക്രൂരത കാട്ടിയിട്ടും വീഡിയോ എടുക്കുന്നവര്‍ ഒന്നും ചെയ്യുന്നില്ല. നീ അവന്റെ കൈക്കൊണ്ട് തന്നെ ചാവൂ എന്ന് പറയുന്ന മകളുടെ ശബ്ദവും കേള്‍ക്കാം. എനിക്കൊന്നും ചെയ്യാനാകില്ലെന്ന് അവര്‍ പറയുന്നുണ്ട്.

എന്റെ കൈയില്‍ പണമില്ല… പണമുള്ളവരുടെ കൂടെ പോകൂ. എന്നെല്ലാം പറഞ്ഞ് ആക്രോശിക്കുന്നുണ്ട്. എന്നെ നോക്കുകയും വേണ്ട. നീ നിന്റെ കാര്യം നോക്കിയാല്‍ മതിയെന്ന് സഹോദരിയോടും പറയുന്നു. നടു വിരല്‍ ഉയര്‍ത്തിക്കാട്ടുന്ന ഒരാളേയും ഇതില്‍ കാണാം. അങ്ങനെ എല്ലാ അര്‍ത്ഥത്തിലും അമ്മയെ തല്ലുന്ന സഹോദരനെ തടയാതെ സഹോദരിയും വിവാദത്തിലാകുന്നു.

സ്വന്തം മാതാവിനെ അതിക്രൂരമായി മര്‍ദിക്കുന്ന മകന്‍ റസാഖ് ഇടവ പാറപ്പുറം സ്വദേശിയാണെന്നാണ് സൂചന. വര്‍ക്കല അയിരൂര്‍ പൊലീസ് സ്റ്റേഷന്‍ പരിധിയില്‍ പ്പെടുന്ന സ്ഥലം ആണ് ഇടവ പാറപ്പുറം. വീഡിയോ പ്രചരിച്ചതോടെ അന്വേഷിച്ച്‌ പൊലീസ് എത്തി. എന്നാല്‍ മകനോട് പരാതിയില്ലെന്നാണ് അമ്മ പറയുന്നത്.

സഹോദരിയും പരാതി കൊടുക്കുന്നില്ല. എന്നാല്‍ പൊലീസ് സ്വമേധയാ ഇടപെടും. വനിതാ കമ്മീഷനും അന്വേഷണം നടത്തും.

 

 



from ബ്രേവ് ഇന്ത്യ ന്യൂസ് https://ift.tt/2KKU4MM
Share:

‘രാ​ഹു​ല്‍ ഗാ​ന്ധി​യ്ക്ക് കൃ​ഷി​യെ​ക്കു​റി​ച്ച്‌ എന്തറിയാം, ഒ​രു ക​ര്‍​ഷ​ക​ന്‍റെ മ​ക​നാ​ണ് ഞാൻ’; ക​ര്‍​ഷ​ക​ര്‍​ക്കെ​തി​രേ ഒ​രു തീ​രു​മാ​ന​ങ്ങ​ളും കൈ​ക്കൊ​ള്ളി​ല്ലെന്ന് രാ​ജ്നാ​ഥ് സിം​ഗ്

​ഡ​ല്‍​ഹി: കോണ്‍ഗ്രസ് നേതാവ് രാ​ഹു​ല്‍ ഗാ​ന്ധി​യ്ക്കെതിരെ പരസ്യ പരാമര്‍ശവുമായി കേന്ദ്ര രാ​ജ്നാ​ഥ് സിം​ഗ്. രാ​ഹു​ല്‍ ചെ​റു​പ്പ​മാ​ണ്. രാ​ഹു​ല്‍ സ​മ്പ​ന്ന കു​ടും​ബ​ത്തി​ലാ​ണു പി​റ​ന്ന​തെ​ന്നും അ​ദ്ദേ​ഹ​ത്തി​ന് കൃ​ഷി​യെ​ക്കു​റി​ച്ചു യാ​തൊ​ന്നും അ​റി​യി​ല്ലെ​ന്നും രാ​ജ്നാ​ഥ് സിം​ഗ് പ​റ​ഞ്ഞു. അ​ദ്ദേ​ഹ​ത്തേ​ക്കാ​ള്‍ കൂ​ടു​ത​ല്‍ ത​നി​ക്കു കൃ​ഷിയെക്കു​റി​ച്ച്‌ അ​റി​യാമെന്നും അദ്ദേഹം പറഞ്ഞു.

ഒ​രു കൃ​ഷി​ക്കാ​രി​യു​ടെ വ​യ​റ്റി​ലാ​ണു താ​ന്‍ പി​റ​ന്ന​ത്. താ​ന്‍ ഒ​രു ക​ര്‍​ഷ​ക​ന്‍റെ മ​ക​നാ​ണ്. അ​തു​കൊ​ണ്ടു​ത​ന്നെ ത​ങ്ങ​ള്‍ ക​ര്‍​ഷ​ക​ര്‍​ക്കെ​തി​രേ ഒ​രു തീ​രു​മാ​ന​ങ്ങ​ളും കൈ​ക്കൊ​ള്ളി​ല്ല. ഒ​രു പാ​വ​പ്പെ​ട്ട അ​മ്മ​യു​ടെ വ​യ​റ്റി​ലാ​ണ് ന​മ്മു​ടെ പ്ര​ധാ​ന​മ​ന്ത്രി​യും പി​റ​ന്ന​തെ​ന്നും രാ​ജ്നാ​ഥ് സിം​ഗ് എ​എ​ന്‍​ഐ വാ​ര്‍​ത്താ ഏ​ജ​ന്‍​സി​ക്കു ന​ല്‍​കി​യ അ​ഭി​മു​ഖ​ത്തി​ല്‍ പ​റ​ഞ്ഞു.



from ബ്രേവ് ഇന്ത്യ ന്യൂസ് https://ift.tt/3huKauQ
Share:

ജാതിപ്പേര് സമ്പ്രദായത്തിനെതിരെ നടപടി; ജാതിപ്പേര് വെച്ച വാഹനങ്ങളുടെ പിടിച്ചെടുക്കല്‍ നടപടി ആരംഭിച്ച് ഉത്തര്‍പ്രദേശ്‌ മോട്ടോര്‍ വാഹന വകുപ്പ്

കണ്‍പൂര്‍‍: ഉത്തര്‍പ്രദേശില്‍ സമാജ്‌വാദി പാര്‍ട്ടി ഭരണകാലത്ത് തുടങ്ങിയ വാഹനങ്ങളിലെ ജാതിപ്പേര് സമ്പ്രദായത്തിനെതിരെ നടപടി. ജാതിപ്പേര് എഴുതിവച്ച വാഹനങ്ങള്‍ പിടിച്ചെടുക്കുന്ന നടപടി ഉത്തര്‍പ്രദേശ് മോട്ടോര്‍ വാഹന വകുപ്പ് ആരംഭിച്ചു. പ്രധാനമന്ത്രിയുടെ ഓഫീസിന്‍റെ നിര്‍ദേശ പ്രകാരമാണ് ഇത്തരം ഒരു നടപടി എന്നാണ് കണ്‍പൂരില്‍ നിന്നും ഹിന്ദുസ്ഥാന്‍ ടൈംസ് റിപ്പോര്‍ട്ട് ചെയ്യുന്നത്.

ഉത്തര്‍പ്രദേശില്‍ വാഹനങ്ങളില്‍ പ്രധാനമായും കാറുകളില്‍ ഉടമയുടെ ജാതി എഴുതി വയ്ക്കുന്നത് പതിവാണ്. ഇത് സമാജ്‌വാദി പാര്‍ട്ടി ഭരണകാലത്ത് തുടങ്ങിയ പതിവാണ്. വാഹനങ്ങളിലെ ഇത്തരം ജാതി സ്റ്റിക്കറുകള്‍ സംബന്ധിച്ച്‌ പ്രധാനമന്ത്രിയുടെ ഓഫീസില്‍ പരാതി ലഭിച്ചിരുന്നു. ഇതേതുടര്‍ന്ന് പരാതിയില്‍ നടപടി എടുക്കാന്‍ ഉത്തര്‍പ്രദേശ് സര്‍ക്കാറിനോട് ആവശ്യപ്പെടുകയായിരുന്നു. ഇത്തരം വണ്ടികള്‍ പിടിച്ചെടുക്കുന്നത് അടക്കമുള്ള നടപടികളിലേക്ക് നീങ്ങാനാണ് ഉത്തര്‍പ്രദേശ് എംവിഡിക്ക് ലഭിച്ച നിര്‍ദേശം എന്നാണ് റിപ്പോര്‍ട്ട്.

ജാട്ട്, ഗുജ്ജര്‍, തുടങ്ങിയ ഉയര്‍ന്ന ജാതിക്കാരുടെ വിവിധ സ്റ്റിക്കറുകള്‍ കാറുകളില്‍ കാണാം. ഇത്തരം സ്റ്റിക്കറുകള്‍ പതിക്കുന്നത് ശിക്ഷ ലഭിക്കാവുന്ന കുറ്റമാണ്. കാണ്‍പൂരിലെ ട്രാഫിക്ക് പൊലീസിന്‍റെ കണക്ക് അനുസരിച്ച്‌ കാണ്‍പൂരിലെ ഒരോ 20 വാഹനത്തിലും ഒന്ന് എന്ന കണക്കില്‍ ഇത്തരം സ്റ്റിക്കറുകള്‍ പതിച്ചിട്ടുണ്ട്. അതിനാല്‍ തന്നെ ഇതിനെതിരെ ശക്തമായ നടപടി എടുക്കും – കണ്‍പൂര്‍ ഡെപ്യൂട്ടി ട്രാന്‍സ്പോര്‍ട്ട് കമ്മീഷണര്‍ ഡികെ ത്രിപാഠി പ്രതികരിച്ചു.

 

 



from ബ്രേവ് ഇന്ത്യ ന്യൂസ് https://ift.tt/3aTW8MY
Share:

രാജ്യത്ത് കൊവിഡ് വാക്‌സിന്‍ വിതരണം ഉടന്‍; ഇത് പുതിയ വകഭേദത്തേയും പ്രതിരോധിക്കുമെന്ന് കേന്ദ്രസർക്കാർ

ഡല്‍ഹി : ജനിതക മാറ്റം സംഭവിച്ച കൊവിഡ് വൈറസ് ഇന്ത്യയില്‍ റിപ്പോര്‍ട്ട് ചെയ്തെങ്കിലും നിലവില്‍ ആശങ്കപ്പെടേണ്ട സാഹചര്യം ഇന്ത്യയില്‍ ഇല്ലെന്ന് കേന്ദ്ര ആരോഗ്യമന്ത്രാലയം. കൊവിഡ് വാക്‌സിന്‍ നല്‍കാനുള്ള തയ്യാറെടുപ്പുകള്‍ ഇപ്പോള്‍ പൂര്‍ത്തിയായിവരികയാണ്. വാക്‌സിന് പുതിയ വകഭേദത്തെയും പ്രതിരോധിക്കാന്‍ കഴിയും എന്നാണ് ആരോഗ്യമന്ത്രാലയം അറിയിച്ചത്. രാജ്യത്ത് 10 ലാബുകളുടെ ഒരു കണ്‍സോര്‍ഷ്യം രൂപീകരിക്കുകയും യുകെയില്‍ നിന്ന് തിരിച്ചെത്തുന്ന എല്ലാവര്‍ക്കും പരിശോധന നടത്താനും തീരുമാനിച്ചിട്ടുണ്ട്.

അതേസമയം ജനിതക മാറ്റം സംഭവിച്ച കൊവിഡ് വൈറസ് ഇന്ത്യയില്‍ റിപ്പോര്‍ട്ട് ചെയ്യുന്നവരുടെ എണ്ണം 20 ആയി. ബ്രിട്ടണില്‍ കണ്ടെത്തിയ ഈ വൈറസ് പുതിയതായി 14 പേര്‍ക്ക് കൂടി കണ്ടെത്തിയതോടെയാണ് രോഗബാധിതരുടെ എണ്ണം ഇത്രയും ഉയര്‍ന്നത്. കേന്ദ്ര ആരോഗ്യമന്ത്രാലയമാണ് ഇതുസംബന്ധിച്ച കണക്ക് പുറത്തുവിട്ടത്. ബ്രിട്ടണില്‍ നിന്നുവന്ന ആറ് പേര്‍ക്ക് രോഗബാധയുള്ളതായി ആദ്യം തന്നെ സ്ഥിരീകരിച്ചതാണ്.

എന്‍സിഡിസി ഡല്‍ഹിയില്‍ നടത്തിയ പരിശോധനയില്‍ എട്ട് പേര്‍ക്കും, ബെംഗളൂരു നിംഹാന്‍സില്‍ നടത്തിയ പരിശോധനയില്‍ ഏഴ് പേര്‍ക്കും, ഹൈദരാബാദ് സിസിഎംബിയില്‍ നടത്തിയ പരിശോധനയില്‍ രണ്ട് പേര്‍ക്കുമാണ് പുതിയതായി രോഗബാധ കണ്ടെത്തിയിരിക്കുന്നത്. എന്‍ഐജിബി കൊല്‍ക്കത്ത, എന്‍ഐവി പൂനെ, ഐജിഐബി ദല്‍ഹി എന്നിവിടങ്ങളില്‍ നടത്തിയ പരിശോധനകളില്‍ ഒരാള്‍ക്കുമാണ് ഈ രോഗബാധ സ്ഥിരീകരിച്ചിരിക്കുന്നത്. കോവിഡിനുകാരണമായ സാര്‍സ് കോവ്-2 വൈറസിന്റെ ബ്രിട്ടനില്‍ കണ്ടെത്തിയ പുതിയ വകഭേദമാണ് ഇവരിലുള്ളത്.

രോഗം സ്ഥിരീകരിച്ചവരില്‍ ഉത്തര്‍പ്രദേശില്‍ നിന്നുള്ള രണ്ട് വയസ്സുകാരിയും ഉള്‍പ്പെടും. മീററ്റിലാണ് രണ്ടുവയസ്സുകാരിയില്‍ കൊറോണയുടെ പുതിയ വകഭേദം കണ്ടെത്തിയിരിക്കുന്നത്. യുകെയില്‍ നിന്ന് മടങ്ങിയെത്തിയ കുടുംബമാണ്. കുട്ടിയുടെ അച്ഛനും അമ്മയ്ക്കും കൊവിഡിന്റെ പഴയ വകഭേദം തന്നെയാണ് കണ്ടെത്തിയിരിക്കുന്നത്.

ജനിതക മാറ്റം വന്ന കൊറോണ വൈറസ് രോഗബാധ സ്ഥിരീകരിച്ചിട്ടുള്ളവരെ വെവ്വേറെ മുറികളിലാണ് പാര്‍പ്പിച്ചിരിക്കുന്നത്. ഇവര്‍ക്ക് പ്രത്യേകം സമ്പര്‍ക്കവിലക്ക് ഏര്‍പ്പെടുത്തിയിട്ടുണ്ടെന്നും സ്ഥിതി ജാഗ്രതയോടെ നിരീക്ഷിക്കുകയാണെന്നും കേന്ദ്രസര്‍ക്കാര്‍ അറിയിച്ചു. ഇവരുമായി സമ്പര്‍ക്കമുണ്ടായ സഹയാത്രികര്‍, കുടുംബാംഗങ്ങള്‍ തുടങ്ങിയവരെ കണ്ടെത്താന്‍ ശ്രമം തുടങ്ങിയിട്ടുണ്ട്. അതത് സംസ്ഥാനസര്‍ക്കാരുകളുടെ നേതൃത്വത്തില്‍ പ്രത്യേക മുറികളില്‍ ഒറ്റയ്ക്കാണ് സമ്പര്‍ക്കവിലക്കിലാക്കിയത്. ഇത് കൂടാതെ സാധാരണ വൈറസ് ബാധ സ്ഥിരീകരിച്ചവരുടെ ജനിതകഘടനാപരിശോധനയും നടത്തുന്നുണ്ട്.

നവംബര്‍ 25-നുശേഷം 33,000 പേരാണ് ബ്രിട്ടനില്‍നിന്നെത്തിയത്. ഇവരെ മുഴുവന്‍ ആര്‍ടി-പിസിആര്‍ പരിശോധനയ്ക്ക് വിധേയമാക്കിയതില്‍ 114 പേര്‍ക്കാണ് കോവിഡ് സ്ഥിരീകരിച്ചത്. ഈ സാംപിളുകള്‍ ജനിതകഘടനാശ്രേണി നിര്‍ണയത്തിനായി രാജ്യത്തെ പത്ത് പ്രമുഖ ലാബുകളുടെ കണ്‍സോര്‍ഷ്യത്തിന് അയച്ചുകൊടുത്തു. അതിലാണ് 20 പേരില്‍ പുതിയതരം വൈറസ് ബാധ കണ്ടെത്തിയത്.

വകഭേദം വന്ന വൈറസിന് പഴയതിനെ അപേക്ഷിച്ച്‌ വ്യാപനശേഷി 70 ശതമാനം കൂടുതലാണ്. ഒരാളില്‍നിന്ന് വളരെവേഗം മറ്റൊരാളിലേക്ക് പകരും. എന്നാല്‍, ഈ ഇനം വൈറസ് കൂടുതല്‍ മാരകമാണെന്നതിന് തെളിവുകളില്ലെന്ന് കേന്ദ്രസര്‍ക്കാര്‍ പറഞ്ഞു.

പുതിയ വൈറസ് വകഭേദം ബ്രിട്ടനുപുറമേ ഇന്ത്യ, ഡെന്‍മാര്‍ക്ക്, നെതര്‍ലാന്‍ഡ്‌സ്, ഓസ്‌ട്രേലിയ, ഇറ്റലി, സ്വീഡന്‍, ഫ്രാന്‍സ്, സ്പെയിന്‍, സ്വിറ്റ്‌സര്‍ലന്‍ഡ്, ജര്‍മ്മനി, കാനഡ, ജപ്പാന്‍, ലെബനന്‍, സിംഗപ്പൂര്‍, യുഎഇ എന്നീ രാജ്യങ്ങളിലും ഇതുവരെ കണ്ടെത്തിയിട്ടുണ്ട്. ബ്രിട്ടനില്‍ പുതിയ വൈറസ് വകഭേദം കണ്ടെത്തിയ സാഹചര്യത്തില്‍ വിദേശത്തു നിന്നുവരുന്നവര്‍ക്കായി കേന്ദ്ര ആരോഗ്യമന്ത്രാലയം പുതിയ മാര്‍ഗരേഖയിറക്കിയിരുന്നു. ബ്രിട്ടനില്‍നിന്നുള്ള വിമാനസര്‍വീസുകള്‍ നിര്‍ത്തിയിട്ടുമുണ്ട്.

 

 



from ബ്രേവ് ഇന്ത്യ ന്യൂസ് https://ift.tt/2JsRzhp
Share:

‘ഈ സംഭവം നടന്നത് ഉത്തർ പ്രദേശിൽ എങ്ങാനും ആയിരുന്നെങ്കില്‍ കേരളത്തിലെ സാംസ്കാരിക നായകന്മാർ ഉണ൪ന്നേനെ’; സാംസ്കാരിക നായകരുടെ ഇരട്ടത്താപ്പ് പൊളിച്ചടുക്കി സന്തോഷ് പണ്ഡിറ്റ്

നെയ്യാറ്റിന്‍കരയില്‍ കുടിയൊഴിപ്പിക്കലിനിടെ ദമ്പതികള്‍ പൊള്ളലേറ്റ് മരിച്ച സംഭവത്തില്‍ പ്രതികരണവുമായി നടനും സംവിധായകനുമായ സന്തോഷ് പണ്ഡിറ്റ്. ഈ സംഭവം ഉത്തര്‍ പ്രദേശില്‍ ആയിരുന്നു നടന്നതെങ്കില്‍ കേരളത്തിലെ സാംസ്കാരിക നായകന്മാര്‍ എല്ലാവരും ഉണര്‍ന്നേനെയെന്ന് സന്തോഷ് ഫേസ്ബുക്കില്‍ കുറിച്ചു. സാംസ്കാരിക നായകരുടെ അടക്കം ഇരട്ടത്താപ്പ് പൊളിച്ചടുക്കുകയാണ് താരം

സന്തോഷ് പണ്ഡിറ്റിന്റെ ഫേസ്ബുക്ക് പോസ്റ്റിന്റെ പൂർണരൂപം:

പണ്ഡിറ്റിന്ടെ സാമൂഹ്യ നിരീക്ഷണം
നെയ്യാറ്റി൯കരയില് മൂന്ന് സെന്റിൽ ഒരു കൂര ജപ്തി ചെയ്യുന്നതിനിടയില് ഒരു പാവപ്പെട്ടവനും ഭാര്യയും ദാരുണമായ് മരിച്ച വാ൪ത്ത വായിച്ച് വേദനയുണ്ട്. അവരുടെ മക്കളുടെ അവസ്ഥ ആലോചിക്കുമ്പോള് വലിയ ആശങ്കയും തോന്നുന്നു.
ഈ വിഷയത്തില് സോഷ്യൽ മീഡിയയിൽ ഇരുന്ന് കൊണ്ട് മാത്രം പലരും വിപ്ളവം എഴുതുന്നത് ശ്രദ്ധയില് പെട്ടു. അതോടൊപ്പം ജനങ്ങളുടെ ഇടയിൽ ഇറങ്ങി അവർക്ക് വേണ്ടത് വല്ലതും ചെയ്തുകൊടുക്കാൻ ഉള്ള മനസ്സു കൂടി (പണമുള്ളവര്) കാണിച്ചാല് നന്നായിരുന്നു. മണ്ണില് ഇറങ്ങി നിന്ന് ചെയ്യുന്നതിനാണ് വിപ്ളവം എന്നു പറയുന്നത്.
2011 മുതല് കേരളത്തിലെ നിരവധി വനവാസി മേഖലകളിലും, കുഗ്രാമങ്ങളിലെ കോളനികളിലും എല്ലാം മാസത്തില് ഒരിക്കലെങ്കിലും സന്ദ൪ശനം നടത്താറുള്ള എന്ടെ അനുഭവത്തില് നമ്പ൪ 1 കേരളമെന്ന് നാം കരുതുന്ന ഈ കേരളത്തില് എത്രയോ കുടുംബങ്ങള് സ്വന്തമായ് വീടോ, മിനിമം സൗകര്യങ്ങള് പോലും ഇല്ലാതെ ജീവിക്കുന്നവരുണ്ട്. എന്തെങ്കിലും ഒക്കെ ദുരന്തങ്ങള് സംഭവിച്ചാലേ ചില കാര്യങ്ങള് ചെയ്യൂ, അഥവാ ചിന്തിക്കു എന്ന നിലപാട് ശരിയല്ല.
മൂന്ന് സെന്റിലെ കൂര ജപ്തി ചെയ്യുന്നതിനോടൊപ്പം , മലയും, പുഴയും വനവും കയ്യേറുന്ന രാഷ്ട്രീയക്കാരുടെ സ്വത്തുകളും മതം, രാഷ്ട്രിയം, സാമ്പത്തിക ശേഷി etc നോക്കാതെ ഇതുപോലെ ഉടനെ ജപ്തി ചെയ്യും എന്നു വിശ്വസിക്കുന്നു.
(ഈ സംഭവം നടന്നത് ഉത്ത൪ പ്രദേശില് എങ്ങാനും ആയിരുന്നെങ്കില് കേരളത്തിലെ സാംസ്കാരിക നായകന്മാ൪ ഉണ൪ന്നേനെ..
ഇതിപ്പോള് എല്ലാവരും ഉറക്കത്തിലാണ്. )
ദമ്പതികൾക്ക് ആദരാജ്ഞലികൾ….

പണ്ഡിറ്റിന്ടെ സാമൂഹ്യ നിരീക്ഷണംനെയ്യാറ്റി൯കരയില് മൂന്ന് സെന്റിൽ ഒരു കൂര ജപ്തി ചെയ്യുന്നതിനിടയില് ഒരു പാവപ്പെട്ടവനും…

Posted by Santhosh Pandit on Tuesday, December 29, 2020



from ബ്രേവ് ഇന്ത്യ ന്യൂസ് https://ift.tt/3pM0hqP
Share:

അതിർത്തിയിൽ സൈനിക സന്നാഹം കൂട്ടി ചൈന; ‘ഇന്ത്യ ചൈന ചർച്ചകൾ ഇതുവരെ വിജയിച്ചിട്ടില്ല’, ആത്മാഭിമാനം സംരക്ഷിക്കുന്നതിൽ വിട്ടുവീഴ്ചയില്ലെന്ന് രാജ്നാഥ് സിംഗ്

ഡൽഹി: ഇന്ത്യ-ചൈന അതിർത്തിയിൽ സൈനിക സന്നാഹം കൂട്ടി ചൈന. വ്യോമസേനയെ ചൈന യഥാർത്ഥ നിയന്ത്രണ രേഖയിലാകെ വിന്യസിച്ചു. ഇന്ത്യൻ വ്യോമസേന മേധാവി എയർ ചീഫ് മാർഷൽ ആർകെഎസ് ബദൗരിയ ആണ് ഇക്കാര്യം അറിയിച്ചത്. മിസൈലുകളും ചൈന വിന്യസിച്ചു.

അതിനിടെ, ഇന്ത്യ ചൈന ചർച്ചകൾ ഇതുവരെ വിജയിച്ചിട്ടില്ലെന്ന് കേന്ദ്ര പ്രതിരോധമന്ത്രി രാജ്നാഥ് സിംഗ് പറഞ്ഞു. ആത്മാഭിമാനം സംരക്ഷിക്കുന്നതിൽ വിട്ടുവീഴ്ചയില്ല. അതിർത്തിയിൽ ഇന്ത്യയും അടിസ്ഥാനസൗകര്യം കൂട്ടിയിട്ടുണ്ടെന്നും അദ്ദേഹം പറഞ്ഞു.



from ബ്രേവ് ഇന്ത്യ ന്യൂസ് https://ift.tt/3aSJAFV
Share:

കര്‍ണാടക പഞ്ചായത്ത് തിരഞ്ഞെടുപ്പ് വോട്ടെണ്ണല്‍ ആരംഭിച്ചു: ബിജെപിക്ക് ഉജ്ജ്വല മുന്നേറ്റം

ബെംഗളൂരു: രണ്ട് ഘട്ടങ്ങളായി വോട്ടെടുപ്പ് നടന്ന കര്‍ണാടകയിലെ 5,728 ഗ്രാമപഞ്ചായത്തുകളുടെ വോട്ടെണ്ണല്‍ കോവിഡ് പാന്‍ഡെമിക്കിനിടെ ഇന്ന് രാവിലെ എട്ടിന് ആരംഭിച്ചു. ആദ്യ ലീഡ് ഫലങ്ങള്‍ വരുമ്പോള്‍ ബിജെപി 2627 സീറ്റിലും കോണ്‍ഗ്രസ് 1385 സീറ്റിലും ജെഡിഎസ് 531 സീറ്റിലും മുന്നിട്ടു നില്‍ക്കുകയാണ്. സ്വതന്ത്രരുടെ വോട്ടു നില 359 ആണ്. ഇതിനകം തന്നെ 8,074 സ്ഥാനാര്‍ത്ഥികളെ രണ്ട് ഘട്ടങ്ങളിലും എതിരില്ലാതെ തിരഞ്ഞെടുത്തു.

ഇവിഎമ്മുകള്‍ ഉപയോഗിച്ച ബീദാര്‍ ജില്ല ഒഴികെയുള്ള വോട്ടെടുപ്പുകളില്‍ ബാലറ്റ് പേപ്പറുകള്‍ ഉപയോഗിച്ചതിനാല്‍ ഫലങ്ങളുടെ പ്രഖ്യാപനം വൈകിയേക്കുമെന്ന് വോട്ടെടുപ്പ് അധികൃതര്‍ അറിയിച്ചു. കൂടാതെ തിരഞ്ഞെടുപ്പ് കമ്മീഷന്റെ ഔദ്യോഗിക വെബ്‌സൈറ്റായ karsec.gov.in, ceokarnataka.kar.nic.in എന്നിവയില്‍ കൃത്യമായ ഇടവേളകളില്‍ ഫലങ്ങള്‍ അപ്‌ഡേറ്റ് ചെയ്യും.

സംസ്ഥാനത്തെ 226 താലൂക്കുകളിലായി 5,728 ഗ്രാമപഞ്ചായത്തുകളിലായി ആകെ 91,339 സീറ്റുകളിലേക്കും 2,22,814 സ്ഥാനാര്‍ത്ഥികളിലേക്കും തെരഞ്ഞെടുപ്പ് നടന്നു. ഡിസംബര്‍ 22 ന് ആദ്യ ഘട്ടത്തില്‍ 43,238 സീറ്റുകളിലേക്ക് തിരഞ്ഞെടുപ്പ് നടന്നതായും രണ്ടാം ഘട്ടത്തില്‍ 39,378 സീറ്റുകളിലേക്ക് ഡിസംബര്‍ 27 ന് വോട്ടെടുപ്പ് നടന്നതായും പോള്‍ അധികൃതര്‍ അറിയിച്ചു. ആദ്യ ഘട്ടത്തില്‍ 82 ശതമാനം പോളിംഗ് രേഖപ്പെടുത്തിയപ്പോള്‍ രണ്ടാം ഘട്ടത്തില്‍ ഇത് 81 ശതമാനത്തില്‍ കുറവാണ്.



from ബ്രേവ് ഇന്ത്യ ന്യൂസ് https://ift.tt/2JA0AWc
Share:

രാജ്യത്ത് അതിതീവ്ര വൈറസ് ബാധിച്ചവരുടെ എണ്ണം 20 ആയി; രാജ്യം അതീവ ജാഗ്രതയില്‍

ഡല്‍ഹി: രാജ്യത്ത് അതിതീവ്ര വൈറസ് ബാധിച്ചവരുടെ എണ്ണം 20 ആയി. 14പേരില്‍ കൂടി ബ്രിട്ടണില്‍ കണ്ടെത്തിയ ജനിതക വ്യതിയാനം സംഭവിച്ച കൊവിഡ് വൈറസ് സ്ഥിരീകരിച്ചു. ഇതില്‍ ഉത്തര്‍പ്രദേശിലെ രണ്ടു വയസുകാരിയും രോ​ഗബാധിതരിൽ ഉള്‍പ്പെടും.

സെപ്റ്റംബറിലാണ് ബ്രിട്ടണില്‍ ജനിതക വ്യതിയാനം സംഭവിച്ച കൊവിഡിനെ കണ്ടെത്തിയത്. കഴിഞ്ഞ ദിവസം ഇന്ത്യയില്‍ ആറു അതിതീവ്ര വൈറസ് കേസുകള്‍ കണ്ടെത്തിയിരുന്നു. ഇതിന് പിന്നാലെ കൂടുതല്‍ കേസുകള്‍ കണ്ടെത്തിയതോടെ രാജ്യം അതീവ ജാഗ്രതയിലാണ്.

ബ്രിട്ടണില്‍ നിന്ന് കുടുംബത്തോടൊപ്പം മീററ്റില്‍ മടങ്ങിയെത്തിയ രണ്ടു വയസുകാരിക്കാണ് പുതിയ വൈറസ് കണ്ടെത്തിയത്. കുട്ടിയുടെ മാതാപിതാക്കളിലും കോവിഡ് സ്ഥിരീകരിച്ചിട്ടുണ്ട്. എന്നാല്‍ പുതിയ വൈറസാണോ എന്ന് സ്ഥിരീകരിച്ചിട്ടില്ല.

ബ്രിട്ടണില്‍ നിന്നെത്തിയ കുടുംബത്തിന് നേരത്തെ തന്നെ കോവിഡ് സ്ഥിരീകരിച്ചിരുന്നു. എന്നാല്‍ ജനിതക വ്യതിയാനം സംഭവിച്ച പുതിയ വൈറസാണോ എന്ന് കണ്ടെത്താന്‍ സാമ്പിളുകള്‍ ഡല്‍ഹിക്ക് അയക്കുകയായിരുന്നു. ഇതിലാണ് രണ്ടു വയസുകാരിക്ക് പുതിയ വൈറസ് ബാധയേറ്റതായി കണ്ടെത്തിയത്.



from ബ്രേവ് ഇന്ത്യ ന്യൂസ് https://ift.tt/3rGD8Ye
Share:

സ്വര്‍ണക്കടത്ത് കേസ്; ശിവശങ്കറിന്റെ ജാമ്യാപേക്ഷയില്‍ വിധി ഇന്ന്

കൊച്ചി: സ്വര്‍ണക്കടത്തുമായി ബന്ധപ്പെട്ട കസ്റ്റംസ് കേസില്‍ മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം ശിവശങ്കര്‍ നല്‍കിയ ജാമ്യാപേക്ഷയില്‍ വിധി ഇന്ന്. സാമ്പത്തിക കുറ്റകൃത്യങ്ങള്‍ക്കായുള്ള പ്രത്യേക കോടതിയാണ് വിധി പറയുന്നത്. തനിക്കെതിരെ തെളിവുകളില്ലെന്നാണ് ശിവശങ്കറിന്റെ വാദം.

ജാമ്യാപേക്ഷ പരിഗണിക്കവെ എം ശിവശങ്കറിന് ഗുരുതരമായ ആരോഗ്യ പ്രശ്‌നം ഉണ്ടെന്ന് അഭിഭാഷകന്‍ കോടതിയെ അറിയിച്ചിരുന്നു. അതേസമയം ജാമ്യാപേക്ഷയെ എതിര്‍ത്ത കസ്റ്റംസ് കേസില്‍ എം ശിവശങ്കറിന് കേസില്‍ പങ്കുണ്ടെന്ന വാദമാണ് കോടതിയില്‍ ഉന്നയിച്ചത്.

ഏഴ് തവണ സ്വപ്‌നയുമൊത്ത് ശിവശങ്കര്‍ വിദേശയാത്ര നടത്തി. മുഴുവന്‍ ചെലവും വഹിച്ചത് താനെന്ന് ശിവശങ്കര്‍ സമ്മതിച്ചിട്ടുണ്ട്. ഒരു സീനിയര്‍ ഐ എ എസ് ഉദ്യോഗസ്ഥന്‍ എന്തിനിത് ചെയ്യണമെന്ന് കസ്റ്റംസ് കോടതിയില്‍ ചോദിച്ചു. യാത്രകള്‍ക്ക് പിന്നില്‍ ഗൂഢലക്ഷ്യങ്ങള്‍ ഉണ്ടെന്നും കസ്റ്റംസ് വാദിച്ചു. ഗുരുതരമായ ആരോഗ്യ പ്രശ്‌നം ഉണ്ടെന്ന എം ശിവശങ്കറിന്റെ വാദത്തേയും കസ്റ്റംസ് കോടതിയില്‍ എതിര്‍ത്തു. 2015 മുതല്‍ രോഗം ഉണ്ടെന്നാണ് പറയുന്നത്. എന്നാല്‍ വിദേശ യാത്രകള്‍ക്കൊന്നും രോഗം തടസമായില്ലേ എന്നാണ് കസ്റ്റംസ് ചോദിക്കുന്നത്.



from ബ്രേവ് ഇന്ത്യ ന്യൂസ് https://ift.tt/2MmCMGp
Share:

ചികിത്സ ലഭിച്ചില്ല, വനത്തിനുള്ളില്‍ പ്രസവിച്ച ആദിവാസി യുവതിയും കുഞ്ഞും മരിച്ചു; സർക്കാരിനെതിരെ വിമർശനവുമായി പ്രദേശവാസികള്‍

നിലമ്പൂര്‍: കാടിനുള്ളില്‍ ചികിത്സകിട്ടാതെ പ്രസവിച്ചതിനെ തുടര്‍ന്ന് ചോലനായ്ക്ക വിഭാഗത്തില്‍ പെട്ട ആദിവാസി യുവതിക്കും പിഞ്ചു കുഞ്ഞിനും ദാരുണാന്ത്യം. മോഹനന്റെ ഭാര്യ നിഷ (38)യും അവരുടെ ആണ്‍കുഞ്ഞുമാണ് മരിച്ചത്. കരുളായിയില്‍ നെടുങ്കയത്തു നിന്ന് 20 കിലോമീറ്റര്‍ ഉള്‍കാടിനുള്ളിലെ മണ്ണളയിലാണ് സംഭവം.വ്യാഴാഴ്ച പുലര്‍ച്ചെ പ്രസവത്തിന് ശേഷം കുഞ്ഞിന് പാലു നല്‍കിയതിന് പിന്നാലെ നിഷ മരിക്കുകയായിരുന്നുവെന്ന് ബന്ധുക്കള്‍ പറയുന്നു.

‘അമ്മ മരിച്ചു രണ്ടു ദിവസം കുഞ്ഞിനെ നോക്കിയെങ്കിലും ശനിയാഴ്ച വൈകുന്നേരത്തോടെ കുഞ്ഞും മരിക്കുകയായിരുന്നു.നിഷയ്ക്ക് ഗര്‍ഭകാലത്ത് വേണ്ടത്ര മരുന്നുകളൊ പരിചരണങ്ങളൊ ലഭിക്കാതിരുന്നതാണ് മരണകാരണമെന്ന് ബന്ധുക്കള്‍ പറയുന്നു. കുട്ടിയുടെ മൂക്കില്‍ നിന്ന് രക്തം വന്നിരുന്നുവെന്ന് കുടുംബാംഗങ്ങള്‍ പറഞ്ഞു.നിഷയുടെ മൂന്നാമത്തെ പ്രസവമായിരുന്നു ഇത്. നേരത്തെ ഒരു പ്രസവവും കാട്ടില്‍ തന്നെയായിരുന്നു.

ഉള്‍ വനത്തിലേയ്ക്ക് എത്തിപ്പെടുന്നതിനുള്ള ബുദ്ധിമുട്ടുകള്‍ ഉള്ളതിനാല്‍ ഇവര്‍ക്കായുള്ള മിക്ക സര്‍ക്കാര്‍ പദ്ധതികളും പാതിവഴിയില്‍ മുടങ്ങുകയോ നടപ്പാകാതെ പോകുകയോ ചെയ്യുന്നതാണ് പതിവ്. പദ്ധതികള്‍ കാര്യക്ഷമമല്ല എന്നതിന്റെ സൂചനയാണ് ആദിവാസി യുവതിയുടെ മരണത്തിലൂടെ വ്യക്തമാകുന്നതെന്നാണ് കരുളായി പ്രദേശവാസികള്‍ കുറ്റപ്പെടുത്തുന്നത്.

 



from ബ്രേവ് ഇന്ത്യ ന്യൂസ് https://ift.tt/37ZTzXO
Share:

മഹാരാഷ്ട്രയില്‍ ത്രികക്ഷി സഖ്യസര്‍ക്കാരില്‍ ഭിന്നത രൂക്ഷം; ശിവസേനയ്ക്കെതിരെ രൂക്ഷ വിമര്‍ശനവുമായി കോണ്‍ഗ്രസ്

മുംബൈ: മഹാരാഷ്ട്രയില്‍ ത്രികക്ഷി സഖ്യസര്‍ക്കാരില്‍ ഭിന്നത രൂക്ഷമാകുന്നു. ശിവസേനയ്ക്കെതിരെ രൂക്ഷ വിമര്‍ശനവുമായി സംസ്ഥാനത്തെ കോണ്‍ഗ്രസ് നേതൃത്വം രംഗത്തെത്തി. കോണ്‍ഗ്രസിന്റെ ആഭ്യന്തരകാര്യങ്ങളില്‍ ഇടപെടാന്‍ ശിവസേന ധൈര്യം കാണിക്കരുതെന്ന് കോണ്‍ഗ്രസ് സംസ്ഥാന അദ്ധ്യക്ഷനും മന്ത്രിയുമായ ബാലാ സാഹേബ് തോറാട്ട് പറഞ്ഞു.

ശിവസേനയ്‌ക്കെതിരെ ആദ്യം കരുതലോടെ പ്രതികരിച്ച മുതിര്‍ന്ന നേതാക്കളും ഇപ്പോള്‍ സ്വരം കടുപ്പിച്ചിരിക്കുകയാണ്. സോണിയാഗാന്ധിക്ക് പകരം ശരദ് പവാറിനെ യു.പി.എ അദ്ധ്യക്ഷ സ്ഥാനത്തേക്ക് കൊണ്ടുവരണമെന്നും രാഹുല്‍ ഗാന്ധിക്ക് കോണ്‍ഗ്രസിനെ നയിക്കാനാകില്ലെന്നും മുഖപത്രമായ സാമ്‌നയിലൂടെ ശിവസേന പറഞ്ഞിരുന്നു. ഇതേത്തുടര്‍ന്ന് മുംബൈയില്‍ പാര്‍ട്ടി സ്ഥാപക ദിനത്തില്‍ നടന്ന പൊതുയോഗത്തില്‍ കോണ്‍ഗ്രസ് സംസ്ഥാന നേതൃത്വം ശിവസേനയ്ക്കെതിരെ രൂക്ഷ വിമര്‍ശനം ഉന്നയിക്കുകയായിരുന്നു.

രാഹുലിന് സ്ഥിരതയില്ലെന്ന് ശരദ്പവാര്‍ നടത്തിയ പ്രസ്‌താവനയും കോണ്‍ഗ്രസിനെ ചൊടിപ്പിച്ചിരുന്നു. ആ പ്രസ്‌താവന ഉപദേശമായി കണ്ടാല്‍ മതിയെന്നായിരുന്നു പവാറിന്റെ വിശദീകരണം.



from ബ്രേവ് ഇന്ത്യ ന്യൂസ് https://ift.tt/2KBYR3b
Share:

1195 കോടി മുതല്‍ മുടക്ക്; ഗുജറാത്തിലെ എയിംസിന് പ്രധാനമന്ത്രി നാളെ തറക്കല്ലിടും

അഹമ്മദാബാദ്: ഗുജറാത്തിലെ രാജ്കോട്ടിലുള്ള എയിംസിന് പ്രധാനമന്ത്രി നരേന്ദ്ര മോദി തറക്കല്ലിടും. ഡിസംബർ 31 ന് രാവിലെ 11 മണിയ്ക്ക് വീഡിയോ കോണ്‍ഫറന്‍സിലൂടെയാണ് പ്രധാനമന്ത്രി തറക്കല്ലിടുക. ഗുജറാത്ത് ഗവര്‍ണര്‍ ആചാര്യ ദേവ്‌രാത്, മുഖ്യമന്ത്രി വിജയ് രൂപാണി, കേന്ദ്ര ആരോഗ്യമന്ത്രി ഹര്‍ഷ വര്‍ധന്‍ എന്നിവരും ചടങ്ങില്‍ പങ്കെടുക്കും.

പദ്ധതിക്ക് വേണ്ടി 201 ഏക്കര്‍ ഭൂമിയാണ് നല്‍കിയിട്ടുള്ളത്. ഇതിന്റെ നിര്‍മ്മാണത്തിന് 1195 കോടി രൂപയുടെ ചെലവാണ് കണക്കാക്കിയിരിക്കുന്നത്. 2022 മധ്യത്തോടെ പദ്ധതി പൂര്‍ത്തിയാക്കാനാണ് ലക്ഷ്യം. 750 കിടക്കകളുള്ള അത്യാധുനിക ആശുപത്രിയില്‍ 30 കിടക്കകളുള്ള ഒരു ആയുഷ് ബ്ലോക്കും ഉണ്ടാകും. ഇവിടെ 125 എംബിബിഎസ് സീറ്റുകളും 60 നഴ്സിംഗ് സീറ്റുകളുമാണ് ഉണ്ടാകുക.

കേന്ദ്ര പൊതുമേഖല സ്ഥാപനമായ എച്ച്‌എസ്‌സിസിയാണ് 9 കെട്ടിടങ്ങള്‍ ഉള്‍പ്പെടുന്ന ക്യാമ്പസ് നിര്‍മ്മിക്കുക. രാജ്‌കോട്ട് എയിംസിലെ ആദ്യ ബാച്ചിന്റെ അക്കാദമിക് സെഷന്‍ ഡിസംബര്‍ 21ന് ആരംഭിച്ചിരുന്നു. മുഖ്യമന്ത്രിയും കേന്ദ്ര ആരോഗ്യമന്ത്രിയും ചേര്‍ന്നാണ് ആദ്യ അക്കാദമിക് സെഷന്റെ ഉദ്ഘാടനം നിര്‍വഹിച്ചത്. 50 എംബിബിഎസ് വിദ്യാര്‍ത്ഥികളാണ് ബാച്ചിലുള്ളത്.



from ബ്രേവ് ഇന്ത്യ ന്യൂസ് https://ift.tt/2KKFftD
Share:

വിസ്മയം സൃഷ്ടിച്ച് കേരളത്തിലെ ഏറ്റവും വലിയ ശിവരൂപം : നിർമാണം പൂർത്തിയാക്കിയത് 6 വർഷം കൊണ്ട്

തിരുവനന്തപുരം: വിസ്മയം സൃഷ്ടിച്ച് വിഴിഞ്ഞം ആഴിമല കടൽതീരത്തെ ശിവരൂപം. 6 വർഷം കൊണ്ടാണ് കേരളത്തിലെ ഏറ്റവും വലിയ ശിവരൂപത്തിന്റെ നിർമാണം പൂർത്തിയായത്. ശിവരൂപം പണികഴിപ്പിച്ചിട്ടുള്ളത് പുളിങ്കുടി ആഴിമല ശിവ ക്ഷേത്ര ദേവസ്വം ട്രസ്റ്റിന്റെ നേതൃത്വത്തിലാണ്.

ആഴിമല ശിവക്ഷേത്രത്തിനും കടൽ തീരത്തിനും മധ്യേയുള്ള പാറക്കൂട്ടങ്ങളുടെ മുകളിലാണ് ശിവരൂപം സ്ഥാപിച്ചിരിക്കുന്നത്. ശിവരൂപം നിർമ്മിച്ചത് പ്രദേശവാസിയും ശിൽപകലയിൽ ബിരുദധാരിയുമായ ദേവദത്തനാണ്. 50 അടിയുള്ള ശിവരൂപം ജഡ അഴിച്ചിട്ട് മുഖമുയർത്തി പാറയുടെ പുറത്തിരിക്കുന്ന രീതിയിലാണ്. ജഡയിൽ ഗംഗാ ദേവിയെ കുടിയിരുത്തിയിട്ടുണ്ട്. നാലു കൈകളിലൊന്നിൽ ത്രിശൂലവും വലംകയ്യിൽ ഉടുക്കുമുണ്ട്. മറ്റൊരു കൈ തുടയിൽ വച്ചിരിക്കുന്ന നിലയിലും മറ്റൊന്ന് ജഡയിൽ ചൂടിയുമാണ് കാണപ്പെടുന്നത്. കഴുത്തിൽ നാഗവും രുദ്രാക്ഷവും തലയോട്ടികളിലുമുള്ള മാലകളുമുണ്ട്.

കാറ്റിന്റെ ഗതി മനസ്സിലാക്കി ഈ ശിവരൂപം കോൺക്രീറ്റിലാണ് നിർമ്മിച്ചിരിക്കുന്നത്. അർധനാരീശ്വര രൂപവും ശിവന്റെ ശയന രൂപവും ഇതിൽ കാണാം. ശിവരൂപത്തിൽ ക്ഷേത്ര ഐതിഹ്യവും ആലേഖനം ചെയ്തിട്ടുണ്ട്. ധ്യാന മണ്ഡപം മുതൽ ശിവരൂപം വരെ തറ നിരപ്പിൽ നിന്നുള്ള ഉയരം 78 അടിയാണ്.



from ബ്രേവ് ഇന്ത്യ ന്യൂസ് https://ift.tt/34RwHI5
Share:

14-കാരിയെ നിർബന്ധിച്ച് ഇസ്ലാമാക്കി മധ്യവയസ്കനെ കൊണ്ട് വിവാഹം കഴിപ്പിച്ചു : പാകിസ്ഥാനിൽ പെൺകുട്ടികളെ മതപരിവർത്തനം നടത്തുന്നത് തുടർകഥയാവുന്നു

ഇസ്ലാമാബാദ്: പാകിസ്ഥാനിൽ ഒരു വർഷം ആയിരത്തിലേറെ പെൺകുട്ടികളെ ഇസ്ലാമിലേക്ക് മതം മാറ്റുന്നുണ്ടെന്ന് റിപ്പോർട്ടുകൾ. നേഹയെന്ന 14 വയസുള്ള ക്രിസ്ത്യൻ പെൺകുട്ടിയെ നിർബന്ധിച്ച് മതംമാറ്റി ഇസ്ലാമാക്കി, മധ്യവയസ്കനെക്കൊണ്ട് വിവാഹം കഴിപ്പിച്ചുവെന്ന വിവരങ്ങളാണ് ഇപ്പോൾ പുറത്തു വരുന്നത്.

നേഹയുടെ വേദന നിറഞ്ഞ, ഇടറിയ ശബ്ദത്തിലുള്ള സന്ദേശം സാമൂഹ്യമാധ്യമങ്ങളിലെല്ലാം വൈറലായി കൊണ്ടിരിക്കുകയാണ്‌. 14 വയസ്സുകാരി നേഹയെ വിവാഹം കഴിച്ച മധ്യവയസ്‌കൻ ഇപ്പോൾ ബലാത്സംഗക്കേസിൽ ജയിലിലാണ്. മത തീവ്രവാദികളെ ഭയന്ന് ഒളിച്ചു ജീവിക്കുകയാണ് നേഹ. നിർബന്ധിത മതം മാറ്റങ്ങളും പ്രായപൂർത്തിയാകാത്ത പെൺകുട്ടികളെ തന്നെക്കാൾ രണ്ടും മൂന്നും ഇരട്ടി പ്രായമുള്ളവരെ കൊണ്ട് നിർബന്ധിച്ചും ഭീഷണിപ്പെടുത്തിയും വിവാഹം കഴിപ്പിക്കുന്നതും പാകിസ്ഥാനിൽ പതിവായിക്കൊണ്ടിരിക്കുകയാണ്‌.

ഒരു വർഷം ആയിരത്തിലേറെ പെൺകുട്ടികളെയാണ്‌ ഇത്തരത്തിൽ മതം മാറ്റി വിവാഹം കഴിപ്പിക്കുന്നത്. ഈ പ്രവർത്തികൾക്ക് കൂടുതലായും ഇരയാവുന്നത് ഹിന്ദു പെൺകുട്ടികളാണ്. പരാതി നൽകിയാലും പൊലീസോ മനുഷ്യാവകാശ കമ്മീഷനോ നടപടിയെടുക്കാറില്ലെന്ന് റിപ്പോർട്ടുകൾ വ്യക്തമാക്കുന്നു.



from ബ്രേവ് ഇന്ത്യ ന്യൂസ് https://ift.tt/3pwrKfY
Share:

‘അച്ഛനെ അടക്കിയതിന്റെ അടുത്ത് അമ്മയെയും അടക്കും‘; മൂന്ന് സെന്റിന്റെ പേരിൽ മാതാപിതാക്കളെ നഷ്ടമായ വേദനയിൽ ഹൃദയം നുറുങ്ങി രാജന്റെ മക്കൾ

തിരുവനന്തപുരം: നെയ്യാറ്റിൻകരയിൽ മൂന്ന് സെന്റ് ഭൂമിയുടെ പേരിലുള്ള തർക്കത്തിൽ ജീവൻ നഷ്ടമായ രാജന്റെ മക്കൾ കേരളത്തിന്റെ വേദനയാകുന്നു. അച്ഛനെ അടക്കിയതിന്റെ അടുത്ത്  തന്നെ അമ്മയെയും അടക്കം ചെയ്യുമെന്ന് രാജന്റെ മക്കൾ പറഞ്ഞു.

ഈ ഭൂമിയിൽ തന്നെ വീട് വേണമെന്നും കുട്ടികൾ ആവശ്യപ്പെട്ടു. അതേസമയം രണ്ട് കുട്ടികളുടെയും സംരക്ഷണം ഏറ്റെടുക്കുമെന്ന് മുഖ്യമന്ത്രി വ്യക്തമാക്കി. സംഭവത്തിൽ സാഹചര്യത്തിന് അനുസരിച്ച് പെരുമാറാത്ത പോലീസുദ്യോഗസ്ഥരുടെ ഭാഗത്ത് ഗുരുതര വീഴ്ചയുണ്ടെന്ന ആരോപണം അന്വേഷിക്കാൻ സംസ്ഥാന മനുഷ്യാവകാശ കമ്മീഷൻ ഉത്തരവിട്ടു.

കോടതി ഉത്തരവ് നടപ്പിലാക്കേണ്ടതാണെങ്കിലും ആത്മാഭിമാനത്തിന് പോറലേറ്റ ഒരു സാധാരണ പൗരനെ  ആത്മഹത്യയിലേക്ക് തള്ളിവിടാതിരിക്കാൻ സ്ഥലത്തുണ്ടായിരുന്ന പോലീസുദ്യോഗസ്ഥർ ശ്രമിക്കേണ്ടതായിരുന്നുവെന്ന് മനുഷ്യാവകാശ പ്രവർത്തകയായ അശ്വതി ജ്വാല അഭിപ്രായപ്പെട്ടു. നിയമപാലകരുടെ മുന്നിൽ രണ്ട് ജീവനുകൾ ഇല്ലാതായ സംഭവം പോലീസിന്റെ ഭാഗത്ത് നിന്നുള്ള ഗുരുതര വീഴചയാണെന്നും അശ്വതി പറഞ്ഞു.

കുട്ടികളുടെ സംരക്ഷണം ഏറ്റെടുക്കുമെന്ന് ഇപ്പോൾ പറയുന്നവർ ആവശ്യമുള്ള സമയത്ത് ഉണർന്ന് പ്രവർത്തിച്ചിരുന്നെങ്കിൽ ഈ ദുരന്തം സംഭവിക്കില്ലായിരുന്നെന്നും കുട്ടികൾക്ക് അവരുടെ മാതാപിതാക്കളെ നഷ്ടമാകില്ലായിരുന്നെന്നും നാട്ടുകാർ അഭിപ്രായപ്പെട്ടു.



from ബ്രേവ് ഇന്ത്യ ന്യൂസ് https://ift.tt/3pwRM2B
Share:

ഹരിദ്വാർ കുംഭമേള അടുത്ത വർഷം ഫെബ്രുവരിയിൽ നടക്കും : കോവിഡിനെ തുടർന്ന് ആഘോഷ പരിപാടികൾ 48 ദിവസങ്ങളിലാക്കി ചുരുക്കാൻ തീരുമാനം

ഉത്തരാഖണ്ഡിലെ ഹരിദ്വാറിൽ 12 വർഷത്തിലൊരിക്കൽ നടക്കാറുള്ള കുംഭമേള അടുത്ത വർഷം ഫെബ്രുവരിയിൽ 48 ദിവസങ്ങളിലായി നടക്കും. പൊതുവെ മൂന്നര മാസം നീണ്ടുനിൽക്കുന്ന ആഘോഷ പരിപാടികൾ കോവിഡ് മഹാമാരിയെ തുടർന്നാണ് 48 ദിവസങ്ങളിലാക്കി ചുരുക്കാൻ ഉത്തരാഖണ്ഡ് ഭരണകൂടം തീരുമാനിച്ചിരിക്കുന്നത്.

കുംഭമേളയുമായി ബന്ധപ്പെട്ട കാര്യങ്ങൾ അറിയിച്ചുകൊണ്ടുള്ള വിജ്ഞാപനം ജനുവരി ഒന്നിന് പുറപ്പെടുവിക്കുമെന്നാണ് നേരത്തെ അറിയിച്ചിരുന്നത്. എന്നാൽ, സംസ്ഥാന സർക്കാർ ഫെബ്രുവരിയിലായിരിക്കും ഇതു സംബന്ധിച്ച വിജ്ഞാപനം പുറപ്പെടുവിക്കുകയെന്ന് ഉത്തരാഖണ്ഡ് നഗര വികസന വകുപ്പ് മന്ത്രി മദൻ കൗശിക് വ്യക്തമാക്കി.

അതേസമയം, കുംഭമേളയുടെ ഒരുക്കങ്ങളുടെ ഭാഗമായി വിവിധ പദ്ധതികൾ നടപ്പിലാക്കുന്നതിന് ഉത്തരാഖണ്ഡ് മുഖ്യമന്ത്രി ത്രിവേന്ദ്ര സിംഗ് റാവത്ത് ഫണ്ട് അനുവദിച്ചിട്ടുണ്ട്. സർവൈലൻസ് സിസ്റ്റത്തിന് മാത്രം 17.34 കോടി രൂപയാണ് മുഖ്യമന്ത്രി അനുവദിച്ചിട്ടുള്ളത്. കുംഭ മേളയുടെ ഭാഗമായി ട്രെയിൻ സർവീസുകൾ പുനരാരംഭിക്കാൻ റെയിൽവേ ആലോചിച്ചു വരികയാണ്. ഇതിന്റെ ഭാഗമായി മോർദാബാദ് റെയിൽവേ ഡിവിഷൻ റെയിൽവേ ബോർഡിന് 20 ട്രെയിനുകൾ സർവീസ് നടത്താൻ അനുവദിക്കണമെന്നാവശ്യപ്പെട്ട് കത്തയച്ചിട്ടുണ്ട്.



from ബ്രേവ് ഇന്ത്യ ന്യൂസ് https://ift.tt/3hpcUoB
Share:

സഭാതർക്കത്തിൽ നിർണ്ണായക നീക്കവുമായി പ്രധാനമന്ത്രി; സ്വാഗതം ചെയ്ത് മുഖ്യമന്ത്രി

ഡൽഹി: കേരളത്തിലെ ഓർത്തഡോക്സ്- യാക്കോബായ സഭാ തർക്കത്തിൽ നിർണ്ണായക നീക്കവുമായി പ്രധാനമന്ത്രി നരേന്ദ്ര മോദി. സഭാതർക്കം പരിഹരിക്കുന്നതിനായി ഓർത്തഡോക്സ്, യാക്കോബായ സഭാപ്രതിനിധികളുമായുള്ള കൂടിക്കാഴ്ച അദ്ദേഹം പൂർത്തിയാക്കി. പ്രശ്നത്തിൽ തുടർ ചർച്ചകൾക്കായി മിസോറം ഗവർണർ പി എസ് ശ്രീധരൻപിള്ളയെയും കേന്ദ്ര വിദേശകാര്യ സഹമന്ത്രി വി മുരളീധരനെയും അദ്ദേഹം ചുമതലപ്പെടുത്തി.

ഭൂരിപക്ഷത്തിന്‍റെ അവകാശങ്ങൾ ഹനിക്കപ്പെട്ടെന്നും, കോടതി വിധികളിലെ നീതി നിഷേധത്തിൽ ഇടപെടണമെന്നും യാക്കോബായ സഭാ പ്രതിനിധികൾ പ്രധാനമന്ത്രിയോട് അഭ്യർത്ഥിച്ചു. ഭൂരിപക്ഷത്തിന്‍റെ അവകാശങ്ങൾ ഹനിക്കപ്പെട്ടു. പള്ളിപിടുത്തം അവസാനിപ്പിക്കാൻ പ്രധാനമന്ത്രിയുടെ  ഇടപെടൽ വേണം. തുല്യനീതി കിട്ടുമെന്നാണ് പ്രതീക്ഷയെന്നും, പ്രധാനമന്ത്രിയുടേത് തുറന്ന സമീപനമാണെന്നും യാക്കോബായ പ്രതിനിധികൾ ചർച്ചയ്ക്ക് ശേഷം അഭിപ്രായപ്പെട്ടു. ചർച്ച ഫലപ്രദമായിരുന്നുവെന്ന് കഴിഞ്ഞ ദിവസം ഓർത്തഡോക്സ് സഭാ നേതാക്കളും അറിയിച്ചിരുന്നു.

സഭാതർക്കത്തിലെ പ്രധാനമന്ത്രിയുടെ ഇടപെടൽ മുഖ്യമന്ത്രി പിണറായി വിജയനും സ്വാഗതം ചെയ്തു. വലിയ ക്രമസമാധാന പ്രശ്നമായി വരുന്ന കാര്യമാണ് സഭാ തർക്കം. അതിലെ പ്രധാനമന്ത്രിയുടെ ഇടപെടലിൽ രാഷ്ട്രീയമുണ്ടെന്ന് കരുതുന്നില്ലെന്നും മുഖ്യമന്ത്രി പറഞ്ഞു.



from ബ്രേവ് ഇന്ത്യ ന്യൂസ് https://ift.tt/38HLOFk
Share:

അസമിൽ കോൺഗ്രസിന് വീണ്ടും തിരിച്ചടി; പാർട്ടി വിട്ട മുൻ മന്ത്രിയും എം എൽ എയും ബിജെപിയിൽ ചേർന്നു

ഗുവാഹത്തി: അസമിൽ കോൺഗ്രസിന് കനത്ത തിരിച്ചടി നൽകിക്കൊണ്ട് പാർട്ടി വിട്ട രണ്ട് പ്രമുഖ നേതാക്കൾ ബിജെപിയിൽ ചേർന്നു. മുൻ മന്ത്രിയും നിലവിൽ എം എൽ എയുമായ അജന്ത നിയോഗും രാജ്ദീപ് ഗൊവാല എം എൽ എയുമാണ് ബിജെപിയിൽ ചേർന്നത്. അസം വിദ്യാഭ്യാസ മന്ത്രി ഹിമന്ത ബിശ്വ ശർമ്മയുടെ സാന്നിദ്ധ്യത്തിൽ ഗുവാഹത്തിയിൽ വെച്ചാണ് ഇവർ ബിജെപി അംഗത്വം സ്വീകരിച്ചത്.

അടുത്ത വർഷം നിയമസഭാ തെരഞ്ഞെടുപ്പ് നടക്കാനിരിക്കെ അസമിൽ കോൺഗ്രസിന് ശക്തമായ തിരിച്ചടിയാണ് മുൻനിര നേതാക്കളെ നഷ്ടമായതിലൂടെ സംഭവിച്ചിരിക്കുന്നത്. നേരത്തെ അസമിൽ സന്ദർശനം നടത്തിയ കേന്ദ്ര ആഭ്യന്തര മന്ത്രി അമിത് ഷായുമായി നേതാക്കൾ കൂടിക്കാഴ്ച നടത്തിയിരുന്നു. ഇതിന് ശേഷമാണ് ഇവർ ബിജെപിയിൽ ചേരാൻ തീരുമാനിച്ചത്. കോൺഗ്രസിൽ ഉൾപാർട്ടി ജനാധിപത്യമില്ലെന്നും ഹൈക്കമാൻഡിന്റെ പാദസേവകരാണ് പാർട്ടി സംസ്ഥാന നേതാക്കളെന്നും അവർ പറഞ്ഞു. പ്രവർത്തന സ്വാതന്ത്ര്യമില്ലായ്മ് പൊതു പ്രവർത്തകർക്ക് അംഗീകരിക്കാൻ കഴിയുന്നതല്ലെന്നും അവർ വ്യക്തമാക്കി.

കോൺഗ്രസ് വിട്ടപ്പോൾ സ്വാതന്ത്ര്യം ലഭിച്ചുവെന്ന് ഇരു നേതാക്കളും അറിയിച്ചു. ഇവർ നേരത്തെ അസം മുഖ്യമന്ത്രി സർബാനന്ദ സോനോവാളുമായും കൂടിക്കാഴ്ച നടത്തിയിരുന്നു.



from ബ്രേവ് ഇന്ത്യ ന്യൂസ് https://ift.tt/3rCLKiQ
Share:

ഗുരുതര രോഗിയാണെന്ന് ജാമ്യാപേക്ഷയിൽ ശിവശങ്കർ; സ്വപ്നയോടൊത്ത് 7 തവണ വിദേശത്ത് പോയപ്പോൾ രോഗമില്ലായിരുന്നോ എന്ന് കസ്റ്റംസ്

കൊച്ചി: തനിക്ക് ഗുരുതരമായ ആരോഗ്യപ്രശ്നങ്ങളുണ്ടെന്ന് കോടതിയിൽ വിശദീകരിച്ച് മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം ശിവശങ്കർ. ജാമ്യാപേക്ഷയിലാണ് ശിവശങ്കറിന് ഗുരുതരമായ ആരോഗ്യ പ്രശ്നം ഉണ്ടെന്ന് അഭിഭാഷകൻ കോടതിയെ അറിയിച്ചത്.

എന്നാൽ 7 തവണ സ്വപ്നയുമൊത്ത് ശിവശങ്കർ വിദേശയാത്ര നടത്തിയതായി കസ്റ്റംസ് കോടതിയിൽ അറിയിച്ചു. മുഴുവൻ ചെലവും വഹിച്ചത് താനാണെന്ന് ശിവശങ്കർ സമ്മതിച്ചിട്ടുമുണ്ട്. ഗരുതരമായ ആരോഗ്യ പ്രശ്നം ഉണ്ടെന്ന എം ശിവശങ്കറിന്റെ വാദത്തേയും കസ്റ്റംസ് കോടതിയിൽ എതിര്‍ത്തു. 2015 മുതൽ രോഗം ഉണ്ടെന്നാണ് പറയുന്നത്. എന്നാൽ വിദേശ യാത്രകൾക്കൊന്നും രോഗം തടസമായില്ലേ എന്നും കസ്റ്റംസ് ചോദിച്ചു.

യാത്രകൾക്ക് പിന്നിൽ ഗൂഢലക്ഷ്യങ്ങൾ ഉണ്ടെന്നും കസ്റ്റംസ് വാദിച്ചു. ഒരു മുതിർന്ന ഐ എ എസ് ഉദ്യോഗസ്ഥൻ എന്തിനിത് ചെയ്യണമെന്ന് കസ്റ്റംസ് കോടതിയിൽ ചോദിച്ചു. ലക്ഷക്കണക്കിന് മലയാളികൾ ജോലി ചെയ്യുന്ന സ്ഥലമാണ് യു എ ഇ എന്ന് കോടതി ഓർക്കണമെന്നും കസ്റ്റംസ് പറഞ്ഞു. യു എ ഇ യുമായുള്ള ബന്ധത്തെ പോലും ഈ കേസ് ബാധിച്ചുവെന്നും കസ്റ്റംസ് കോടതിയെ അറിയിച്ചു. നാളെയാണ് ശിവശങ്കറിന്റെ ജാമ്യഹർജിയിൽ കോടതി വിധി പറയുന്നത്.



from ബ്രേവ് ഇന്ത്യ ന്യൂസ് https://ift.tt/37XFyu2
Share:

Follow by Email

LATEST POSTS

Featured Post

വ്യാഴത്തിന്റെ ഉപഗ്രഹത്തിൽ നിന്ന് റേഡിയോ സിഗ്നലുകൾ ;  പിന്നിൽ അന്യഗ്രഹ ജീവികളോ ? സത്യമിതാണ്

‌ന്യൂയോർക്ക് : വ്യാഴത്തിന്റെ ഉപഗ്രഹത്തിൽ നിന്ന് റേഡിയോ സിഗ്നലുകൾ ലഭിച്ചെന്ന് നാഷണൽ എയറോനോട്ടിക്സ് ആൻഡ് സ്പേസ് അഡ്മിനിസ്ട്രേഷൻ. വാഴത്തിന്റെ ...

Sports

Categories

Blog archive