‘പിണറായി വിജയൻ ഇന്ത്യ കണ്ട ഏറ്റവും വലിയ അഴിമതിക്കാരനായ മുഖ്യമന്ത്രി’; സി.പി.എം തിരഞ്ഞെടുപ്പ് കമ്മീഷനെ ഉപയോഗിച്ച് ജനാധിപത്യം അട്ടിമറിക്കുന്നുവെന്ന് കെ സുരേന്ദ്രൻ

തിരുവനന്തപുരം: ഇന്ത്യ കണ്ട ഏറ്റവും വലിയ അഴിമതിക്കാരനായ മുഖ്യമന്ത്രി പിണറായി വിജയനാണെന്ന് ബി.ജെ.പി സംസ്ഥാന പ്രസിഡന്റ് കെ.സുരേന്ദ്രൻ തിരുവനന്തപുരത്ത് നടന്ന വാർത്താസമ്മേളനത്തിൽ ആരോപിച്ചു. വലിയ അഴിമതി നടന്നതു കൊണ്ടാണ് കിഫ്ബിയുടെ കാര്യത്തിൽ മുഖ്യമന്ത്രി ജനങ്ങളെ ആവർത്തിച്ച് തെറ്റിദ്ധരിപ്പിക്കുന്നത്. കേന്ദ്ര സർക്കാർ സി.എ.ജിയെ ഉപയോഗിച്ച് രാഷ്ട്രീയം കളിക്കുകയാണെന്ന മുഖ്യമന്ത്രിയുടെ ആരോപണം ഭരണഘടനയെ കുറിച്ചുള്ള അജ്ഞതയാണെന്നും കെ സുരേന്ദ്രൻ പറഞ്ഞു.

. ഇതുവരെ ഒരു പ്രതിപക്ഷവും ഉന്നയിക്കാത്ത കാര്യങ്ങൾ പിണറായി വിജയൻ പറയുന്നത് പരിഹാസ്യമാണ്. കരടിലില്ലാത്ത കാര്യങ്ങൾ റിപ്പോർട്ടിൽ ഉണ്ടെന്നാണ് മുഖ്യമന്ത്രി പറയുന്നത്. നിയമസഭയിൽ വെക്കേണ്ട സി.എ.ജി റിപ്പോർട്ട് എങ്ങനെയാണ് മുഖ്യമന്ത്രി കാണുക? അങ്ങനെ കണ്ടെങ്കിൽ അത് സത്യപ്രതിജ്ഞാലംഘനമാണെന്നും സുരേന്ദ്രൻ ചൂണ്ടിക്കാട്ടി.

കിഫ്ബി ഓഡിറ്റിംഗിൽ പ്രശ്നമില്ലെങ്കിൽ ഇപ്പോൾ എന്തിനാണ് മുഖ്യമന്ത്രിയും ധനമന്ത്രിയും ഉറഞ്ഞു തുള്ളുന്നത്. മുഖ്യമന്ത്രി സംസ്ഥാന സർക്കാർ പദ്ധതികളെല്ലാം അഴിമതി നടത്താനുള്ള ഉപാധിയാക്കുകയാണ്. സി.എം രവീന്ദ്രനെയും പുത്തലത്ത് ദിനേശനെയും അന്വേഷണ ഏജൻസികൾ ചോദ്യം ചെയ്താൽ കേരളത്തിലെ പല അഴിമതികളും പുറത്തുവരുമെന്നും അദ്ദേഹം പറഞ്ഞു.

മുഖ്യമന്ത്രിയുടെ ഓഫീസ് കേന്ദ്രീകരിച്ചാണ് വലിയ അഴിമതികളെല്ലാം നടന്നത്. സിഎജിയുടെ ചോദ്യങ്ങൾക്ക് ഭരണഘടനാപരമായി മറുപടി നൽകുകയാണ് സംസ്ഥാനം ചെയ്യേണ്ടത്. എന്നാൽ റിപ്പോർട്ട് പൊളിച്ചുനോക്കി അത് രാഷ്ട്രീയ പ്രചരണമാക്കുന്നത് അഴിമതി നടന്നതു കൊണ്ടാണെന്നും സുരേന്ദ്രൻ ചൂണ്ടിക്കാട്ടി.

കിഫ്ബിയെ അല്ല ബി.ജെ.പി എതിർക്കുന്നത്. കിഫ്ബിയിൽ ഐസക്ക് അഴിമതി നടത്തിയെന്നും മസാല ബോണ്ടിൽ ക്രമക്കേട് നടന്നുവെന്നുമാണ് ബിജെപി ചൂണ്ടിക്കാണിച്ചത്. തിരഞ്ഞെടുപ്പ് കാലത്തെ മുഖ്യമന്ത്രിയുടെ വാർത്താസമ്മേളനത്തിന് മാദ്ധ്യമങ്ങൾ അമിതപ്രാധാന്യം നൽകുന്നത് ശരിയല്ലെന്നും സുരേന്ദ്രൻ പറഞ്ഞു.

കൊവിഡിന്റെ മറവിൽ മുഖ്യമന്ത്രി രാഷ്ട്രീയമാണ് പറയുന്നത്. കേന്ദ്രസർക്കാർ സി.എ.ജിയെ ഉപയോ​ഗിച്ച് കേരളത്തിന്റെ വികസനം അട്ടിമറിക്കുകയാണെന്നാണ് മുഖ്യമന്ത്രി പറയുന്നത്. കഴിഞ്ഞ മാസം 50,000 കോടി രൂപ ദേശീയപാത വികസനത്തിന് നിതിൻ ഗഡ്ക്കരി തന്നെന്നു പറഞ്ഞ പിണറായി ഇപ്പോൾ മാറ്റി പറയുന്നുത് വെറും രാഷ്ട്രീയമാണ്.

ഏത് കാര്യത്തിലാണ് കേന്ദ്രം കേരളത്തെ അവഗണിച്ചതെന്ന് പിണറായി വിജയൻ വ്യക്തമാക്കണം. 8 മന്ത്രിമാർ കേരളത്തിൽ നിന്നുണ്ടായിരുന്ന യു.പി.എ സർക്കാരിനേക്കാൾ കേരളത്തെ സഹായിക്കുന്നത് മോദി സർക്കാരാണെന്ന് പറഞ്ഞത് മന്ത്രി ജി.സുധാകരനാണ്. കേരളത്തിന്റെ വികസനത്തിന് എത്ര പണം കേന്ദ്രം തന്നെന്ന് മുഖ്യമന്ത്രി പറയണമെന്നും അദ്ദേഹം ആവശ്യപ്പെട്ടു.

ബിജെപിയുടെ മുന്നേറ്റത്തിൽ പരിഭ്രാന്തരായ സി.പി.എം തിരഞ്ഞെടുപ്പ് കമ്മീഷനെ ഉപയോഗിച്ച് ജനാധിപത്യവിരുദ്ധ സമീപനം സ്വീകരിക്കുകയാണെന്ന് കെ. സുരേന്ദ്രൻ പറഞ്ഞു. തിരുവനന്തപുരം കോർപ്പറേഷനിൽ ബിജെപിയുടെ അപരൻമാർക്ക് താമര ചിഹ്നത്തിന്റെ തൊട്ടടുത്ത് സമാനതയുള്ള റോസാപൂവ് കൊടുത്തിരിക്കുന്നത് ജനാധിപത്യ മര്യാദയുടെ ലംഘനമാണ്. തിരഞ്ഞെടുപ്പിൻ്റെ സാമാന്യ മര്യാദകൾ അറിയുന്ന ആരെങ്കിലും ഇത് ചെയ്യുമോയെന്ന് കെ സുരേന്ദ്രൻ ചോദിച്ചു.

കോർപ്പറേഷനിൽ ഏഴു സ്ഥലത്താണ് ഇത്തരത്തിൽ ക്രമക്കേടുള്ളത്. തിരഞ്ഞെടുപ്പ് ഉദ്യോഗസ്ഥരെ കൊണ്ട് ക്രമക്കേട് നടത്തുന്നു. ബി.ജെ.പിക്ക് ജയസാധ്യതയുള്ള ആര്യനാട് ജില്ലാ പഞ്ചായത്തിൽ ബിജെപി സ്ഥാനാർത്ഥിക്ക് ചിഹ്നം നിഷേധിച്ചു. ഇതുകൊണ്ടൊന്നും എൻ.ഡി.എയുടെ മുന്നേറ്റം തടയാനാവില്ലെന്നും സുരേന്ദ്രൻ കൂട്ടിച്ചേർത്തു.

from ബ്രേവ് ഇന്ത്യ ന്യൂസ് https://ift.tt/2J7Cy4j

Share:

Read More

ബിജെപിക്കാർ ടെൻഷൻ കുറയ്ക്കാൻ ബീഫ് ബിരിയാണി കഴിയ്ക്കാനുപദേശിച്ച് ഒവൈസി : പകരം പോർക്ക് ബിരിയാണി വാങ്ങിത്തരാമെന്ന് തിരിച്ചടിച്ച് ബിജെപി

ഹൈദരാബാദ്: നിരാശയകറ്റാൻ ബിജെപി നേതാക്കൾ ബീഫ് ബിരിയാണി കഴിക്കണമെന്ന് പരിഹസിച്ച അസദുദ്ദീൻ ഒവൈസിക്ക് ചുട്ടമറുപടി നൽകി ബിജെപി നേതാവ് രാജ സിംഗ്. ഞങ്ങളുടെ പ്രദേശത്ത് വാല്മീകി വിഭാഗത്തിൽപ്പെട്ടവർ മികച്ച ബിരിയാണിയുണ്ടാക്കുമെന്നും താങ്കൾ ബിരിയാണി പ്രിയനാണെങ്കിൽ രുചികരമായ ബിരിയാണി ഞങ്ങൾ നല്കാമെന്നുമാണ് രാജ സിംഗ് പറഞ്ഞത്.

രാജസിംഗ് പ്രതിനിധീകരിക്കുന്ന മണ്ഡലത്തിൽ പോർക്ക് ബിരിയാണി സുലഭമാണ്. അതുകൊണ്ട് തന്നെ, പേരെടുത്ത് പറഞ്ഞില്ലെങ്കിലും രാജ സിംഗ് ഉദേശിച്ചത് ഇതുതന്നെയാണെന്ന് വ്യക്തമാണ്. ഗ്രേറ്റർ ഹൈദരാബാദ് മുൻസിപ്പൽ കോർപ്പറേഷൻ തിരഞ്ഞെടുപ്പ് പ്രചാരണത്തിനിടെ നടത്തിയ പ്രസംഗത്തിലാണ് ഒവൈസി ബിജെപി പ്രവർത്തകർക്കെതിരെയുള്ള പരാമർശം നടത്തിയത്. ഹൈദരാബാദിലേക്ക് വരികയാണെങ്കിൽ ബീഫ് വിഭവങ്ങൾ നല്കുന്ന അൽഹംദുല്ല ഹോട്ടലിൽ നിന്നും ബിരിയാണി വാങ്ങി നൽകാമെന്നായിരുന്നു ഒവൈസിയുടെ പ്രസ്താവന.

ആരുടേയും വികാരങ്ങൾക്ക് വിരുദ്ധമായി ബിജെപി പ്രവർത്തിക്കാറില്ലെന്നും എന്നാൽ, ഒവൈസി അതിനായി പ്രേരിപ്പിക്കുകയാണെന്നും ഇതിനു മറുപടിയായി രാജ സിംഗ് പറഞ്ഞു. മാത്രമല്ല, പഴയ ഹൈദരാബാദിലെ മുസ്ലീംങ്ങൾക്ക് ഒവൈസിയോടും അദ്ദേഹത്തിന്റെ പാർട്ടിയോടും അതൃപ്‌തിയുണ്ടെന്നും രാജ സിംഗ് ചൂണ്ടിക്കാട്ടി.

from ബ്രേവ് ഇന്ത്യ ന്യൂസ് https://ift.tt/3pTcJWm

Share:

Read More

ജയിലിൽ കിടന്നും ജനാധിപത്യത്തെ അട്ടിമറിക്കാൻ ശ്രമിച്ച് ലാലു പ്രസാദ് യാദവ്; മകനെ മുഖ്യമന്ത്രിയാക്കാൻ ബിജെപി എം എൽ എമാർക്ക് കോഴ വാഗ്ദാനം ചെയ്യുന്ന ശബ്ദരേഖ പുറത്ത്

പട്ന: ജനാധിപത്യത്തെ അട്ടിമറിക്കാനുള്ള ആർജെഡി നേതാവ് ലാലു പ്രസാദ് യാദവിന്റെ ശ്രമങ്ങൾ തെളിവ് സഹിതം പുറത്തു വിട്ട് ബിജെപി. മകൻ തേജസ്വി യാദവിനെ ബിഹാറിന്റെ മുഖ്യമന്ത്രിയാക്കുന്നതിന് വേണ്ടി നിതീഷ് കുമാർ സർക്കാരിനെ കാലുവാരാൻ എൻഡിഎ പക്ഷത്തെ എം എൽ എമാർക്ക് കോഴ വാഗ്ദാനം ചെയ്യുന്ന ലാലുവിന്റെ ശബ്ദരേഖയാണ് ദേശീയ മാധ്യമങ്ങൾ പുറത്ത് വിട്ടിരിക്കുന്നത്. സ്പീക്കർ തെരഞ്ഞെടുപ്പിൽ നിന്ന് വിട്ടു നിൽക്കാൻ ബിജെപി എം എൽ എ ലലൻ യാദവിനോട് ലാലു ആവശ്യപ്പെടുന്നത് ശബ്ദരേഖയിൽ വ്യക്തമാണ്.

നിലവിൽ കാലിത്തീറ്റ കുംഭകോണ കേസിൽ ജയിൽ ശിക്ഷ അനുഭവിക്കുകയാണ് ലാലു പ്രസാദ് യാദവ്. ഇന്ന് നടക്കുന്ന സ്പീക്കർ തെരഞ്ഞെടുപ്പിൽ നിന്ന് വിട്ടു നിൽക്കുകയും നിതീഷ് കുമാർ സർക്കാരിനെ അട്ടിമറിക്കാൻ സഹായിക്കുകയും ചെയ്താൽ മന്ത്രി പദവി നൽകാമെന്നാണ് ലാലുവിന്റെ വാഗ്ദാനം. ഞാൻ പാർട്ടി അംഗമാണെന്ന് മറക്കരുതെന്ന പവൻ യാദവിന്റെ മറുപടിക്ക്, കൊറോണ വന്നാൽ അവധിയെടുക്കില്ലേയെന്നും അത് പോലെ അവധി എടുത്താൽ മതിയെന്നുമാണ് ലാലു പറയുന്നത്.

അതേസമയം ബിജെപി എം എൽ എമാരെ സ്വാധീനിക്കാൻ ലാലു പ്രസാദ് യാദവ് ശ്രമിക്കുന്നതായി ബിജെപി നേതാവ് സുശീൽ കുമാർ മോദി നേരത്തെ ആരോപിച്ചിരുന്നു. ഇതിനായി ലാലു ഉപയോഗിക്കുന്ന 8051216302 എന്ന മൊബൈൽ നമ്പരും അദ്ദേഹം പുറത്തു വിട്ടിരുന്നു. ലാലു തന്നെ വിളിച്ചിരുന്നുവെന്നും എന്നാൽ അദ്ദേഹത്തിന്റെ വാഗ്ദാനം താൻ പുച്ഛിച്ചു തള്ളിയെന്നും ബിജെപി എം എൽ എ ലലൻ യാദവ് സ്ഥിരീകരിച്ചു.

ജയിൽ ശിക്ഷ അനുഭവിക്കുന്ന ലാലു പ്രസാദ് യാദവ് നിലവിൽ റാഞ്ചിയിലെ ആശുപത്രിയിൽ ചികിത്സയിൽ കഴിയുകയാണ്. ഇവിടെ നിന്നാണ് ലാലു ഫോൺ ചെയ്തിരിക്കുന്നത്. അതേസമയം ലാലു അങ്ങനെ ചെയ്തെങ്കിൽ അതിൽ തെറ്റൊന്നും കാണാൻ കഴിയില്ലെന്നും രാഷ്ട്രീയത്തിൽ ഇതൊക്കെ പതിവാണെന്നുമായിരുന്നു ആർജെഡി നേതാവ് നിർമ്മൽ കുമാറിന്റെ പ്രതികരണം. ലാലു പ്രസാദ് യാദവിന്റെ ബുദ്ധി ഇപ്പോഴും പഴയ കാട്ടു ഭരണത്തിന്റെ ഓർമ്മയിലാണെന്നും അത് അങ്ങനെയല്ലെന്ന് വൈകാതെ അദ്ദേഹത്തിനും പാർട്ടിക്കും ബോധ്യമാകുമെന്നും ബിജെപി നേതാവ് ഗൗരവ് ഭാട്ടിയ വ്യക്തമാക്കി.

from ബ്രേവ് ഇന്ത്യ ന്യൂസ് https://ift.tt/3fvCbwi

Share:

Read More

ജലീലിന്റെ പ്രബന്ധത്തിൽ നിറയെ അക്ഷരത്തെറ്റുകളും വ്യാകരണ പിശകുകളും; മന്ത്രിയുടെ പ്രബന്ധം പരിശോധിക്കാതെ ക്ലീൻ ചിറ്റ് നൽകിയ സർവ്വകലാശാല നടപടി വിവാദത്തിൽ

തിരുവനന്തപുരം: മന്ത്രി കെ ടി ജലീലിന്റെ ഗവേഷണ പ്രബന്ധത്തിൽ നിറയെ അക്ഷരത്തെറ്റുകളും വ്യാകരണ പിശകുകളുമാണെന്ന സേവ് യൂണിവേഴ്‌സിറ്റി ക്യാംപയിന്‍ കമ്മിറ്റിയുടെ പരാതി പരിശോധിക്കാതെ മന്ത്രിക്ക് ക്ലീൻ ചിറ്റ നൽകിയ കേരള സർവ്വകലാശാലയുടെ നടപടി വിവാദത്തിൽ. പരാതി പരിശോധിക്കാൻ പോലും തയ്യാറാകാതെ ഗവേഷണ ബിരുദം ചട്ടപ്രകാരം നല്‍കിയതാണെന്ന നിഗമനത്തിൽ മന്ത്രിയ്ക്ക് ക്ലീൻ ചിറ്റ് നൽകിയ വിസിയുടെ നടപടിയാണ് വിവാദത്തിലായിരിക്കുന്നത്.

മന്ത്രിയുടെ പ്രബന്ധം സംബന്ധിച്ച് ലഭിച്ച പരാതി ഗവര്‍ണര്‍, കേരളാ വിസിയുടെ പരിശോധനക്ക് കൈമാറിയിരുന്നു. തുടര്‍ന്നാണ് ബിരുദം ചട്ടപ്രകാരമാണ് നല്‍കിയിട്ടുള്ളതെന്ന വിശദീകരണം വിസി നല്‍കിയിരിക്കുന്നത്. എന്നാൽ ബിരുദം ചട്ടപ്രകാരമല്ല നല്‍കിയതെന്ന ആക്ഷേപം പരാതിയില്‍ ഉന്നയിച്ചിരുന്നില്ല എന്നതാണ് വസ്തുത. മന്ത്രിയുടെ പ്രബന്ധത്തില്‍ മുഴുവനും അക്ഷരത്തെറ്റുകളും വ്യാകരണ പിശകുകളുമാണെന്നും പ്രബന്ധവിഷയത്തില്‍ ഗവേഷകന്റെ മൗലിക സംഭാവനകള്‍ ഒന്നുമില്ലെന്നുമായിരുന്നു പരാതി. പരാതിയിൽ ഉന്നയിച്ചിരുന്ന ആക്ഷേപങ്ങള്‍ അന്വേഷിക്കുവാന്‍ വിസി തയാറായില്ല എന്നതാണ് വാസ്തവം.

ജലീല്‍ കേരളസര്‍വകലാശാലയില്‍നിന്നും ഡോക്ടറേറ്റ് ബിരുദം നേടിയത് 2006ൽ ആയിരുന്നു. മലബാര്‍ ലഹളയില്‍ വാരിയംകുന്നത്ത് കുഞ്ഞഹമ്മദ് ഹാജിയുടെയും ആലിമുസലിയാരുടെയും പങ്കിനെ അധികരിച്ചായിരുന്നു ഗവേഷണ പ്രബന്ധം തയ്യാറാക്കിയത്. പ്രബന്ധത്തില്‍  തെറ്റുകളുണ്ടെങ്കില്‍ പൂര്‍ണമായും തിരുത്തിയതിനുശേഷം മാത്രമേ സര്‍വകലാശാല ബിരുദം നല്‍കുവാൻ പാടുള്ളൂ എന്നതാണ് ചട്ടം. എന്നാല്‍ ജലീലിന്റെ പ്രബന്ധത്തില്‍ ഇത് പാലിച്ചിട്ടില്ലെന്നു മാത്രമല്ല പരാതി പരിശോധിക്കാനോ പ്രബന്ധത്തിലെ തെറ്റുകൾ ഒഴിവാക്കാനോ സർവ്വകലാശാല തയ്യാറായിട്ടില്ല. അക്കാദമിക് രംഗത്ത് ഇത് ഗുരുതരമായ പിഴവാണെന്ന് വിദ്യാഭ്യാസ വിദഗ്ധർ ചൂണ്ടിക്കാണിക്കുന്നു. ഈ പ്രബന്ധങ്ങള്‍ പില്‍ക്കാലത്ത് ഗവേഷണവിദ്യാര്‍ത്ഥികള്‍ റഫറന്‍സിന് ഉപയോഗിക്കുമ്പോള്‍ പ്രസ്തുത തെറ്റുകൾ ആവർത്തിക്കപ്പെടാനുള്ള സാധ്യതയാണ് പരാതിക്കാരെ പ്രധാനമായും ആശങ്കപ്പെടുത്തുന്നത്.

മന്ത്രിയുടെ പ്രബന്ധം ഇതുവരെ കേരള സർവ്വകലാശാലയുടെ വെബ്സൈറ്റിൽ അപ്ലോഡ് ചെയ്തിട്ടില്ല. ഇതും യുജിസി മാനദണ്ഡങ്ങളുടെ ലംഘനമാണ്. അപ്‌ലോഡ് ചെയ്യുന്നതിന് മുന്‍പ് തെറ്റുകള്‍ തിരുത്തിയില്ലെങ്കില്‍ സര്‍വകലാശാലയുടെ നിലവാരത്തെ അത് ബാധിക്കുമെന്ന കാരണത്താലാവാം അധികൃതർ അത് ചെയ്യാത്തത്. ഉന്നതവിദ്യാഭ്യാസ മന്ത്രിയുടെ പ്രബന്ധം  പരിശോധിക്കുവാന്‍ അദ്ദേഹം തന്നെ പ്രോ ചാന്‍സിലറായ സര്‍വകലാശാലയിലെ വൈസ് ചാൻസലർ നിയോഗിക്കപ്പെട്ടതിലെ യുക്തി രാഹിത്യവും പരാതിക്കാർ ഉന്നയിക്കുന്നു.

ഇതിനാൽ ജലീലിന്റെ പ്രബന്ധം പരിശോധിക്കാൻ നിഷ്പക്ഷമായ ഒരു വിദഗ്ധ സമിതിയെ നിയോഗിക്കണമെന്നതാണ് സേവ് യൂണിവേഴ്‌സിറ്റി ക്യാംപയിന്‍ കമ്മറ്റിയുടെ ആവശ്യം.

from ബ്രേവ് ഇന്ത്യ ന്യൂസ് https://ift.tt/3fy4lH3

Share:

Read More

ബൈഡന്റെ പുതിയ ദേശീയ സുരക്ഷാ ഉപദേഷ്ടാവ് ചൈനീസ് അനുകൂല നിലപാടുകൾക്ക് പ്രശസ്തൻ : യു.എസിന്റെ നയങ്ങൾ മാറുന്നു

ബൈഡന്റെ പുതിയ ദേശീയ സുരക്ഷാ ഉപദേഷ്ടാവ് ജേക്ക് സള്ളിവൻ ചൈനീസ് അനുകൂല നിലപാടുകൾക്ക് പ്രശസ്തനാണെന്ന് റിപ്പോർട്ടുകൾ. ചൈനയുടെ വളർച്ചയ്ക്ക് വഴിവെയ്ക്കുന്ന വിദേശനയങ്ങൾ അമേരിക്കയിൽ നടപ്പിലാക്കുമെന്ന് ലോവി ഇൻസ്റ്റിറ്റ്യൂട്ടിൽ 2017-ൽ നടന്ന ഒരു പൊതുപരിപാടിയിൽ ജേക്ക് സള്ളിവൻ പ്രഖ്യാപിച്ചിരുന്നു. മാത്രമല്ല, അതിലൂടെ ആഗോള സമ്പദ്‌വ്യവസ്ഥ കൂടുതൽ മെച്ചപ്പെടുത്താൻ സാധിക്കുമെന്നും ജേക്ക് അഭിപ്രായപ്പെടുന്നു.

അതുകൊണ്ട് തന്നെ, ചൈനയോടുള്ള യുഎസിന്റെ സമീപനങ്ങൾക്ക് ജേക്ക് സള്ളിവന്റെ നിയമനത്തോടെ വലിയ രീതിയിലുള്ള മാറ്റങ്ങളായിരിക്കും സംഭവിക്കുക. ചൈനയെ പിന്തുണച്ചാൽ ഉഭയകക്ഷി ബന്ധത്തെക്കാൾ ഉപരിയായി സമാധാനപരമായ മാർഗത്തിലൂടെ ഇരുരാജ്യങ്ങൾക്കും കൂടുതൽ അനുയോജ്യമായ ഒരു അന്തരീക്ഷം സൃഷ്ടിക്കാൻ സാധിക്കുമെന്നാണ് ജേക്ക് സള്ളിവൻ അവകാശപ്പെടുന്നത്. ട്രംപ് ഭരണകൂടം സ്വീകരിച്ചിരുന്ന നിലപാടുകളേക്കാൾ തീർത്തും വ്യത്യസ്തമായ നിലപാടുകളായിരിക്കും ജേക്ക് സള്ളിവനെ ദേശീയ ഉപദേഷ്ട്ടാവായി നിയമിച്ചതിനു ശേഷം യുഎസ് സ്വീകരിക്കുകയെന്നാണ് റിപ്പോർട്ടുകൾ. അമേരിക്കയുടെ നല്ല നാളേക്കു വേണ്ടി പ്രവർത്തിക്കുന്നതിലും ആത്മാർത്ഥമായി ചൈനയുടെ അഭിവൃദ്ധിക്കുവേണ്ടി പ്രവർത്തിക്കുന്ന വ്യക്തിയാണ് ബൈഡൻ നിയമിച്ചിട്ടുള്ള ജേക്ക് സള്ളിവൻ എന്ന വസ്തുതയിലേക്കാണ് ഇവയെല്ലാം വിരൽ ചൂണ്ടുന്നത്.

ബൈഡൻ അമേരിക്കയുടെ വൈസ് പ്രസിഡന്റായിരുന്ന കാലത്ത് ദേശീയ സുരക്ഷാ ഉപദേഷ്ട്ടാവായിരുന്ന വ്യക്തിയാണ്‌ ജേക്ക് സള്ളിവൻ. ഹിലരി ക്ലിന്റൺ അമേരിക്കൻ സെക്രട്ടറിയായിരുന്ന സമയത്ത് ജേക്ക് രാഷ്ട്രീയ ഉപദേഷ്ടാവായും പ്രവർത്തിച്ചിട്ടുണ്ട്.

from ബ്രേവ് ഇന്ത്യ ന്യൂസ് https://ift.tt/363i8Cn

Share:

Read More

സ്വർണ്ണക്കടത്ത് കേസ്; ശിവശങ്കറെ 5 ദിവസത്തേക്ക് കസ്റ്റംസ് കസ്റ്റഡിയിൽ വിട്ടു, സ്വപ്നയ്ക്കൊപ്പം ഇരുത്തി ചോദ്യം ചെയ്യും

കൊച്ചി: സ്വർണ്ണക്കടത്ത് കേസിൽ മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം ശിവശങ്കറിനെ കസ്റ്റംസ് കസ്റ്റഡിയിൽ വിട്ടു. സാമ്പത്തിക കുറ്റകൃത്യങ്ങൾ പരിഗണിക്കുന്ന കൊച്ചിയിലെ അഡീഷണൽ ചീഫ് ജുഡീഷ്യൽ മജിസ്ട്രേറ്റ് കോടതിയാണ് ശിവശങ്കറെ കസ്റ്റഡിയിൽ എടുക്കാൻ കസ്റ്റംസിന് അനുമതി നൽകിയത്. അഞ്ച് ദിവസത്തേക്കാണ് ശിവശങ്കറെ കസ്റ്റംസ് കസ്റ്റഡിയിൽ വിട്ടിരിക്കുന്നത്.

സ്വർണ്ണക്കടത്ത് കേസിലെ പ്രതികളായ സ്വപ്ന സുരേഷ് ഉൾപ്പെടെയുള്ളവരുടെ മൊഴിയുടെ അടിസ്ഥാനത്തിൽ വിശദമായ ചോദ്യം ചെയ്യലിന് വേണ്ടിയാണ് ശിവശങ്കറെ കസ്റ്റംസ് കസ്റ്റഡിയിൽ ആവശ്യപ്പെട്ടത്. സ്വപ്ന, സരിത്ത് എന്നിവരെയും അഞ്ച് ദിവസത്തേക്ക് കസ്റ്റംസ് കസ്റ്റഡിയിൽ വിട്ടിട്ടുണ്ട്. മൂവരെയും ഒരുമിച്ചിരുത്തി കസ്റ്റംസ് ചോദ്യം ചെയ്യും.

സ്വര്‍ണക്കടത്ത് കേസില്‍ 23-ാം പ്രതിയായാണ് ശിവശങ്കറിനെ ഉള്‍പ്പെടുത്തിയിരിക്കുന്നത്. അന്വേഷണം വേഗത്തിലാക്കി കുറ്റപത്രം നല്‍കാനാണ് കസ്റ്റംസ് ശ്രമിക്കുന്നത്. ചൊവ്വാഴ്ചയാണ് ജയിലിലെത്തി കസ്റ്റംസ് സംഘം ശിവശങ്കറുടെ അറസ്റ്റ് രേഖപ്പെടുത്തിയത്.

from ബ്രേവ് ഇന്ത്യ ന്യൂസ് https://ift.tt/3lcpjwB

Share:

Read More

ട്വിറ്ററിന് വെല്ലുവിളിയുമായി ഇന്ത്യൻ ‘ശംഖുനാദം‘; ടൂട്ടർ അക്കൗണ്ട് തുടങ്ങി പ്രധാനമന്ത്രി നരേന്ദ്ര മോദി

ഡൽഹി: സാമൂഹിക മാധ്യമ ഭീമൻ ട്വിറ്ററിന് വെല്ലുവിളിയുമായി ഒരു ഇന്ത്യൻ ആപ്. ടൂട്ടർ (Tooter) എന്ന പേരിലാണ് ഇന്ത്യൻ സാമൂഹിക മാധ്യമ ആപ് പുറത്തിറങ്ങിയിരിക്കുന്നത്. ശംഖുനാദം എന്നാണ് ടൂട്ടർ എന്ന പദത്തിന്റെ അർത്ഥം.

തദ്ദേശീയമായി വികസിപ്പിച്ച ഇന്ത്യയുടെ സാമൂഹിക മാധ്യമ ആപാണ് ടൂട്ടർ എന്ന് വെബ്സൈറ്റിൽ വിവരിച്ചിരിക്കുന്നു. അമേരിക്കൻ കമ്പനിയായ ട്വിറ്ററിന്റെ ഡിജിറ്റൽ കോളനി ആവേണ്ട ആവശ്യം ഇന്ത്യക്കില്ലെന്നും ബ്രിട്ടീഷ് ഈസ്റ്റ് ഇന്ത്യാ കമ്പനിക്ക് കീഴിലായിരുന്നതിന് സമാനമായ ചരിത്രം ഇനി നമുക്ക് വേണ്ടെന്നും അതിനായി എല്ലാവരും ടൂട്ടറിൽ അംഗമാവണമെന്നും കമ്പനി അഭ്യർത്ഥിക്കുന്നു.

ട്വിറ്ററിൽ ട്വീറ്റുകൾ പങ്കു വെക്കുന്നതിന് സമാനമായി ടൂട്ടുകളാണ് ടൂട്ടറിൽ പങ്ക് വെക്കുന്നത്. ജൂലൈ മുതൽ ആപ് നിലവിലുണ്ട്. പ്രധാനമന്ത്രി നരേന്ദ്ര മോദി, കേന്ദ്ര ആഭ്യന്തര മന്ത്രി അമിത് ഷാ, രാജ്യരക്ഷാ മന്ത്രി രാജ്നാഥ് സിംഗ്, സദ്ഗുരു ജഗ്ഗി വാസുദേവ് എന്നിവർക്ക് ടൂട്ടറിൽ ഔദ്യോഗിക അക്കൗണ്ടുകൾ ഉണ്ട്. ബിജെപിക്കും ടൂട്ടറിൽ വെരിഫൈഡ് അക്കൗണ്ട് ഉണ്ട്.

ശംഖ് ആണ് ടൂട്ടറിന്റെ ഔദ്യോഗിക ലോഗോ. ട്വിറ്ററിലെ പക്ഷിയുടെ ചിഹ്നത്തിന് സമാനമാണ് ഇത്. ടൈം ലൈനും ഫോളോയിംഗും മറ്റ് എല്ലാ സവിശേഷതകളും ട്വിറ്ററിന് സമാനമാണ്. tooter.in എന്ന വെബ്സൈറ്റും മൊബൈൽ ആപ്ലിക്കേഷനും ടൂട്ടറിനുണ്ട്. നിലവിൽ ആൻഡ്രോയിഡ് ആപ്ലിക്കേഷൻ മാത്രമുള്ള ടൂട്ടറിന്റെ ഐ ഓ എസ് ആപ്ലിക്കേഷൻ ഉടൻ ലഭ്യമാകുമെന്നാണ് സൂചന.

ഇന്ത്യയുടെ ഭൂപടം തെറ്റായി അവതരിപ്പിച്ചതിന് ട്വിറ്ററിനോട് കേന്ദ്ര സർക്കാർ അടുത്തയിടെ വിശദീകരണം തേടിയിരുന്നു. അത് സാങ്കേതിക പിഴവായിരുന്നു എന്ന മറുപടി നൽകിയ ട്വിറ്റർ വിവാദ ഭൂപടത്തിന് മേൽ നടപടി സ്വീകരിച്ചിരുന്നു. ഈ പശ്ചാത്തലത്തിൽ നിരവധി പേർ ടൂട്ടർ ആപ് ഡൗൺലോഡ് ചെയ്തിരുന്നു.

from ബ്രേവ് ഇന്ത്യ ന്യൂസ് https://ift.tt/3m3z5lD

Share:

Read More

സ്‌കൂള്‍ കോഴ; രേഖകളില്‍ വ്യക്തത തേടി കെ. എം ഷാജിയെ വീണ്ടും ചോദ്യം ചെയ്യാനൊരുങ്ങി എന്‍ഫോഴ്‌സ്‌മെന്റ് ഡയറക്ടറേറ്റ്

സ്‌കൂള്‍ കോഴയുമായി ബന്ധപ്പെട്ട പരാതിയില്‍ കെ.എം. ഷാജി എം.എല്‍.എയെ എന്‍ഫോഴ്‌സ്‌മെന്റ് ഡയറക്ടറേറ്റ് വീണ്ടും ചോദ്യം ചെയ്‌തേക്കും. രേഖകളില്‍ വ്യക്തത തേടിയാണ് എന്‍ഫോഴ്‌സ്‌മെന്റിന്റെ നടപടി. കഴിഞ്ഞ ദിവസം ചാര്‍ട്ടേഡ് അക്കൗണ്ടന്റ് വഴി ഷാജി രേഖകള്‍ സമര്‍പ്പിച്ചിരുന്നു.

വീട് നിര്‍മാണത്തിന് ചെലവഴിച്ച പണം, ഭൂമിയിടപാട്, തെരഞ്ഞെടുപ്പ് ഫണ്ട് വിനിയോഗം, കുടുംബാംഗങ്ങളുടെ അക്കൗണ്ടിലേക്ക് വന്ന പണം തുടങ്ങിയവയുടെ വിവരം നല്‍കാന്‍ ഇ.ഡി ആവശ്യപ്പെട്ടിരുന്നു. ഈ വിവരങ്ങളാണ് കഴിഞ്ഞ ദിവസം കൈമാറിയത്.

എന്നാല്‍, നേരത്തെ നല്‍കിയ കണക്കുകളുടെ അനുബന്ധ വിവരങ്ങള്‍ മാത്രമാണെന്നും കൂടുതല്‍ കാര്യങ്ങള്‍ ചോദിച്ചറിയേണ്ടതുണ്ടെന്നുമാണ് ഇ.ഡി നിലപാട്. നേരത്തേ രണ്ട് തവണയായി 25 മണിക്കൂറിലേറെ സമയം ഷാജിയെ ഇ.ഡി ചോദ്യംചെയ്തിരുന്നു.

from ബ്രേവ് ഇന്ത്യ ന്യൂസ് https://ift.tt/2UW1K0e

Share:

Read More

ഓഫിസ് സെക്രട്ടറിയുടെ അറസ്റ്റിൽ‍ അതൃപ്തി: ഇടതുമുന്നണിയെ പ്രതിഷേധം അറിയിച്ച്‌ ഗണേഷ്കുമാര്‍

കൊല്ലം: പേഴ്സണല്‍ സ്റ്റാഫ് അംഗം പ്രദീപ് കോട്ടത്തലയെ തന്‍റെ വീട്ടില്‍ നിന്ന് അറസ്റ്റ് ചെയ്തതില്‍ ഇടതു മുന്നണിയോട് അതൃപ്തി അറിയിച്ച്‌ കെ.ബി ​ഗണേഷ് കുമാര്‍ എം.എല്‍.എ. ചൊവ്വാഴ്ച പുലര്‍ച്ചെയാണ് ഗണേഷ് കുമാറിന്‍റെ പത്തനാപുരത്തെ വീട്ടില്‍ നിന്നും പ്രദീപിനെ പൊലീസ് അറസ്റ്റ് ചെയ്തത്.

പ്രദീപ് കോട്ടത്തലയുടെ മുന്‍കൂര്‍ ജാമ്യാപേക്ഷ കോടതി തള്ളിയതിന് തൊട്ടുപിന്നാലെ പൊലീസ് അറസ്റ്റിനുള്ള നീക്കം ആരംഭിച്ചിരുന്നു. അറസ്റ്റിനു സഹായം തേടി തിങ്കളാഴ്ച രാത്രി 10ന് പത്തനാപുരം ഇന്‍സ്പെക്ടര്‍ക്ക് ബേക്കല്‍ പൊലീസിന്‍റെ സന്ദേശം എത്തി. അറസ്റ്റിനായി നിയോഗിച്ച പ്രത്യേകസംഘം അര്‍ധരാത്രി ഒരുമണിയോടെ കൊല്ലത്തെത്തി. പുലര്‍ച്ചെ അഞ്ചിന് എം.എല്‍.എയുടെ വീട് പൊലീസ് വളഞ്ഞു. അന്വേഷണ സംഘത്തിലൊരാള്‍ വാതിലില്‍ മുട്ടി. ഏറെ നേരത്തിനു ശേഷമാണ് വാതില്‍ തുറന്നത്. തുടര്‍ന്ന് പൊലീസ് പ്രദീപിന്‍റെ അറസ്റ്റ് രേഖപ്പെടുത്തുകയായിരുന്നു.

മുന്‍കൂര്‍ ജാമ്യാപേക്ഷ ഹൈകോടതിയില്‍ സമര്‍പ്പിക്കാനിരിക്കെ ആയിരുന്നു പൊലീസിന്‍റെ അപ്രതീക്ഷിത നീക്കം. ഗണേഷ്കുമാറിന്‍റെ ഏറ്റവും വിശ്വസ്തനായി അറിയപ്പെടുന്ന ആളാണ് പ്രദീപ്കുമാര്‍. പൊലീസിന്‍റെ നീക്കം ഗണേഷ്കുമാര്‍ അറിഞ്ഞില്ല.

from ബ്രേവ് ഇന്ത്യ ന്യൂസ് https://ift.tt/2JaquiI

Share:

Read More

മുഖ്യമന്ത്രിയുടെ അഡീഷണല്‍ പ്രൈവറ്റ് സെക്രട്ടറി സിഎം രവീന്ദ്രന് ഇഡിയ്ക്ക് മുന്നില്‍ ഹാജരാകാന്‍ നിര്‍ദ്ദേശം

തിരുവനന്തപുരം: മുഖ്യമന്ത്രിയുടെ അഡീഷണല്‍ പ്രൈവറ്റ് സെക്രട്ടറി സിഎം രവീന്ദ്രന് വീണ്ടും എന്‍ഫോഴ്‌സ്‌മെന്റ് ഡയറക്ടറേറ്റ് നോട്ടീസ് നല്‍കി. വെള്ളിയാഴ്ച ചോദ്യം ചെയ്യലിന് ഹാജരാകാന്‍ ആവശ്യപ്പെട്ടുകൊണ്ടാണ് സ്വര്‍ണക്കടത്തുമായി ബന്ധപ്പെട്ട കളളപ്പണ ഇടപാട് അന്വേഷിക്കുന്ന ഇഡി സംഘം നോട്ടീസ് അയച്ചിരിക്കുന്നത്.

നേരത്തെ ഇഡി രവീന്ദ്രന് നോട്ടീസ് അയച്ചിരുന്നെങ്കിലും കൊവിഡ് ബാധിതനായതിനാല്‍ ഹാജരായിരുന്നില്ല. സ്വര്‍ണക്കടത്ത് കേസിലെ പ്രതിയായ സ്വപ്ന സുരേഷിന്റെ മൊഴിയുടെ കൂടി അടിസ്ഥാനത്തിലാണ് ഇഡി രവീന്ദ്രനെ ചോദ്യം ചെയ്യാന്‍ ഒരുങ്ങുന്നത്.

സ്വര്‍ണക്കടത്തില്‍ മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം ശിവശങ്കറിന് മാത്രമല്ല, മുഖ്യമന്ത്രിയുടെ ഓഫീസിലെ മറ്റ് ചിലര്‍ക്കുകൂടി അറിവുണ്ടായിരുന്നെന്നാണ് സ്വപ്‌ന സുരേഷിന്റെ മൊഴി. ഇതിന് പിന്നാലെയാണ് മുഖ്യമന്ത്രിയുടെ അഡീഷണല്‍ പ്രൈവറ്റ് സെക്രട്ടറിക്ക് കൂടി ഇഡി ഇപ്പോള്‍ നോട്ടീസ് നല്‍കിയിരിക്കുന്നത്.

from ബ്രേവ് ഇന്ത്യ ന്യൂസ് https://ift.tt/3fww3UE

Share:

Read More

ഡൽഹി കലാപത്തിന്റെ ഗൂഢാലോചന : ഉമർ ഖാലിദിനെതിരെ നടപടിയെടുക്കാൻ മതിയായ വിവരങ്ങൾ ലഭിച്ചിട്ടുണ്ടെന്ന് കോടതി

ന്യൂഡൽഹി: ഡൽഹി കലാപത്തിന്റെ ഗൂഢാലോചനയുമായി ബന്ധപ്പെട്ട് ഉമർ ഖാലിദ്, ഷർജീൽ ഇമാം എന്നിവരെ പ്രതികളാക്കി ഡൽഹി പോലീസ് സമർപ്പിച്ച കുറ്റപത്രം ഡൽഹി കോടതി അംഗീകരിച്ചു. ഇരുവർക്കെതിരെയും യു.എ.പി.എ പ്രകാരം നടപടികൾ സ്വീകരിക്കാനുള്ള മതിയായ വിവരങ്ങളുണ്ടെന്ന് കുറ്റപത്രം പരിഗണിച്ച കോടതി ചൂണ്ടിക്കാട്ടി.

കഴിഞ്ഞ ദിവസമാണ് ഡൽഹി കലാപക്കേസിന്റെ ഗൂഢാലോചനയിൽ ഉമർ ഖാലിദിനും ഷർജീൽ ഇമാമിനും പങ്കുണ്ടെന്ന് വ്യക്തമാക്കുന്ന കുറ്റപത്രം ഡൽഹി പോലീസ് സമർപ്പിച്ചത്. ഇരുവരെയും നേരത്തെ തന്നെ അറസ്റ്റ് ചെയ്തിരുന്നു. വടക്കു കിഴക്കൻ ഡൽഹിയിൽ പൊട്ടിപ്പുറപ്പെട്ട കലാപവുമായി ബന്ധപ്പെട്ട് 750-ലധികം കേസുകളാണ് രജിസ്റ്റർ ചെയ്തിട്ടുള്ളത്. കലാപത്തിൽ 53 പേർ മരിക്കുകയും നിരവധി പേർക്ക് പരിക്കേൽക്കുകയും ചെയ്തിരുന്നു.

ഡൽഹി കലാപവുമായി ബന്ധപ്പെട്ട് ഇതുവരെ 250-ലേറെ കുറ്റപത്രങ്ങൾ സമർപ്പിക്കുകയും 1,153 പേരെ പ്രതിചേർക്കുകയും ചെയ്തിട്ടുണ്ട്.

from ബ്രേവ് ഇന്ത്യ ന്യൂസ് https://ift.tt/2V136XC

Share:

Read More

സ്ഥാനാർത്ഥി നിർണയത്തെ ചൊല്ലി തർക്കം; സിപിഎം പ്രവർത്തകരും വിമതരും തമ്മിൽ ഏറ്റുമുട്ടി

കൊല്ലം: സ്ഥാനാർത്ഥി നിർണയത്തെ ചൊല്ലിയുള്ള തർക്കത്തിൽ സിപിഎം പ്രവർത്തകരും പാർട്ടി വിമത സ്ഥാനാർത്ഥിയുടെ അനുയായികളും തമ്മിൽ ഏറ്റുമുട്ടി. കൊല്ലം കൊട്ടാരക്കരയിൽ ഇന്നലെ അർദ്ധരാത്രിയോടെയാണ് സംഭവം.

വിമത സ്ഥാനാർത്ഥിയായി മൽസരിക്കുന്ന സിപിഎം മുൻ ലോക്കൽ കമ്മിറ്റി അംഗം ശ്രീകുമാറിൻ്റെ അനുയായികളും സിപിഎം പ്രവർത്തകരും തമ്മിലാണ് ഏറ്റുമുട്ടൽ ഉണ്ടായത്. എറ്റുമുട്ടലിൽ ഒരാളുടെ തലയ്ക്ക് പരുക്കേറ്റു.

സംഭവത്തിൽ ഏഴ് പേർക്കെതിരെ പൊലീസ് വധശ്രമത്തിന് കേസെടുത്തു. ശ്രീകുമാർ ഉൾപ്പെടെ നാലു പേരെ കഴിഞ്ഞ ദിവസം പാർട്ടിയിൽ നിന്ന് പുറത്താക്കിയിരുന്നു.

മൈലം പഞ്ചായത്തിലെ സ്ഥാനാർത്ഥി നിർണയത്തെ ചൊല്ലിയാണ് തർക്കം. മുൻ പഞ്ചായത്ത് പ്രസിഡൻ്റ് ഉൾപ്പെടെ 4 സിപിഎം പ്രവർത്തകരാണ് പാർട്ടി സ്ഥാനാർഥികൾക്കെതിരെ മൽസരിക്കുന്നത്.

from ബ്രേവ് ഇന്ത്യ ന്യൂസ് https://ift.tt/3l5IaJv

Share:

Read More

‘സാക്ഷരത ഉണ്ടായിട്ട് കാര്യമില്ല, ഏറ്റവും കൂടുതല്‍ ഐ എസ് ഭീകരരുള്ളത് കേരളത്തില്‍; ബിജെപി ഭരിക്കുന്ന ബീഹാറില്‍ ഐ.എ.എസുകാരും’; അജിത് ഡോവല്‍

ഇടതു സര്‍ക്കാര്‍ ഭരിക്കുന്ന കേരളത്തിലേയും ബിജെപി ഭരിക്കുന്ന ബീഹാറിലേയും അവസ്ഥകള്‍ താരതമ്യം ചെയ്ത് രംഗത്തെത്തിയിരിക്കുകയാണ് ദേശീയ സുരക്ഷാ ഉപദേഷ്ടാവ് അജിത് ഡോവല്‍.

‘കഴിഞ്ഞ ലോക്സഭ തെരഞ്ഞെടുപ്പില്‍ എന്‍ഡിഎക്കും ബിജെപിക്കും കേരളത്തില്‍ നിന്നും ഒരു സീറ്റ് പോലും നേടാനായില്ല. പക്ഷേ, സാക്ഷരത ഏറ്റവും അധികമുള്ള കേരളത്തിലാണ് ഏറ്റവും അധികം ഐ എസ് തീവ്രവാദികള്‍ ഉള്ളത്. അതേസമയം, ബീഹാറില്‍ നിന്നും ബിജെപിക്ക് ലഭിച്ചത് 40-ല്‍ 39 സീറ്റുകളാണ്. ഏറ്റവും കുറവ് സാക്ഷരതയുള്ള ബീഹാറില്‍ നിന്നുമാണ് ഏറ്റവും കൂടുതല്‍ ഐ എ എസ് ഓഫീസര്‍മാരുള്ളത്.’ അജിത് ഡോവല്‍ സോഷ്യല്‍ മീഡിയയില്‍ കുറിച്ചു.

ഇതോടെ നിരവധിയാളുകള്‍ അദ്ദേഹത്തിന്റെ അഭിപ്രായത്തോട് യോജിച്ച്‌ കൊണ്ട് രംഗത്തെത്തി. സാക്ഷരത ഉണ്ടായിട്ട് കാര്യമില്ലെന്നും തിരിച്ചറിവും മനുഷ്യത്വവും ഉണ്ടാകണമെന്നും ചിലര്‍ കുറിച്ചു. കേരളത്തില്‍ നിന്നുള്ള ഐ എസ് അംഗങ്ങളുടെ സാന്നിധ്യം പ്രബലമാണെന്ന് നേരത്തേ റിപ്പോര്‍ട്ടുകള്‍ ഉണ്ടായിരുന്നു. ഇസ്ലാമിക് സ്‌റ്റേറ്റ് ഭീകരര്‍ കേരളത്തില്‍ സജീവമെന്ന് നേരത്തേ കേന്ദ്ര ആഭ്യന്തര മന്ത്രാലയവും ഐക്യരാഷ്ട്ര സഭയും അറിയിച്ചിരുന്നു.

from ബ്രേവ് ഇന്ത്യ ന്യൂസ് https://ift.tt/373B9UF

Share:

Read More

പ്രളയബാധിതര്‍ക്കായി രാഹുല്‍ ഗാന്ധി നല്‍കിയ ഭക്ഷ്യക്കിറ്റുകള്‍ പുഴുവരിച്ച നിലയില്‍

മലപ്പുറം: നിലമ്പൂരിലെ പ്രളയ ബാധിതര്‍ക്കായി വയനാട് എം പി രാഹുല്‍ ഗാന്ധി നല്‍കിയ ഭക്ഷ്യകിറ്റുകള്‍ പുഴുവരിച്ച നിലയില്‍ കണ്ടെത്തി. കോണ്‍ഗ്രസ് മുനിസിപ്പല്‍ കമ്മിറ്റിയ്ക്ക് നല്‍കിയ ഭക്ഷണക്കിറ്റുകളാണ് പുഴുവരിച്ച നിലയില്‍ കണ്ടെത്തിയത്.

പഴയ നഗരസഭ ഓഫീസിന് മുന്നിലെ വാടക കെട്ടിടത്തില്‍ സൂക്ഷിച്ചിരുന്ന ഭക്ഷ്യധാന്യങ്ങളും പുതപ്പുകളും ഉള്‍പ്പെടെയുള്ള സാധനങ്ങളാണ് നശിച്ചനിലയില്‍ കണ്ടെത്തിയത്.

മാസങ്ങളായി ഇവ ഈ കെട്ടിടത്തിലായിരുന്നു സൂക്ഷിച്ചിരുന്നത്. കടമുറി വാടകയ്‌ക്കെടുക്കാന്‍ ആളുകള്‍ വന്നപ്പോഴാണ് സാധനങ്ങള്‍ നശിച്ച നിലയില്‍ കണ്ടെത്തിയത്.

from ബ്രേവ് ഇന്ത്യ ന്യൂസ് https://ift.tt/3636uax

Share:

Read More

‘ചൈന ലോകത്തോട് ചെയ്തത് കൊടും ക്രൂരത’; അമേരിക്കയുടെ ചൈനാ നയം കടുപ്പിക്കുമെന്ന് ചൈനീസ് ഭരണകൂടത്തിനെതിരെ ആഞ്ഞടിച്ച് മൈക്ക് പോംപിയോ

വാഷിംഗ്ടണ്‍ : കോവിഡ് ലോകത്ത് മുഴുവന്‍ വ്യാപകമാകാന്‍ കാരണം ചൈന വിവരങ്ങള്‍ ധരിപ്പിക്കാതിരുന്നതിനാലാണെന്ന് മൈക്ക് പോംപിയോ. അമേരിക്കയുടെ ചൈനാ നയം കടുപ്പിക്കുമെന്ന സൂചനകള്‍ക്ക് പിന്നാലെയാണ് സ്ഥാനം ഒഴിയും മുന്നേ മൈക്ക് പോംപിയോ ചൈനീസ് ഭരണകൂടത്തിനെതിരെ ആഞ്ഞടിച്ചത്.

ചൈന ലോകത്തോട് ചെയ്തത് മഹാപരാധമാണ്. മാരകമായ ഒരു വൈറസ് പടരുന്നതിനെ ലോകത്തെ അടിയന്തിരമായി അറിയിക്കേണ്ടതായിരുന്നു. അത് ചെയ്തില്ലെന്ന് മാത്രമല്ല വിവരം പുറത്തുപറയാന്‍ തയ്യാറായ ധീരന്മാരായ ചൈനീസ് പൗരന്മാരെ ഭരണകൂടം നിശബ്ദമാക്കിയെന്നും പോംപിയോ പറഞ്ഞു.

പൊതു ആരോഗ്യ സംവിധാനത്തിന്റെ അപാകതയും പരാജയവും ചൈന തുറന്നുസമ്മതിക്കാന്‍ ഇതുവരെ തയ്യാറായിട്ടില്ല. കോവിഡ് മൂലം ചൈനയിലുണ്ടായ മരണത്തിന്റെ കണക്കിലും തികഞ്ഞ അവ്യക്തതയാണെന്നും മൈക്ക് പോംപിയോ കുറ്റപ്പെടുത്തി.

from ബ്രേവ് ഇന്ത്യ ന്യൂസ് https://ift.tt/362hRPY

Share:

Read More

“മര്യാദ പുരുഷോത്തം ശ്രീറാം എയർപോർട്ട് ” : അയോദ്ധ്യ വിമാനത്താവളത്തിന്റെ പേര് അംഗീകരിച്ച് യു.പി മന്ത്രിസഭ

അയോദ്ധ്യ : ഉത്തർപ്രദേശിലെ അയോധ്യ വിമാനത്താവളത്തിനു ഭഗവാൻ ശ്രീരാമന്റെ പേര് നൽകാനുള്ള തീരുമാനം അംഗീകരിച്ച് ഉത്തർപ്രദേശ് മന്ത്രിസഭ. അയോധ്യ വിമാനത്താവളം, മര്യാദ പുരുഷോത്തം ശ്രീറാം എയർപോർട്ട് എന്നായിരിക്കും അറിയപ്പെടുക. പേര് മന്ത്രിസഭ അംഗീകരിച്ച പ്രമേയം വ്യോമയാന മന്ത്രാലയത്തിനു കൈമാറും.

അയോധ്യയിൽ യു.പി മുഖ്യമന്ത്രി യോഗി ആദിത്യനാഥ് വിമാനത്താവളം പ്രഖ്യാപിച്ചത് 2018-ലെ ദീപാവലി ഉത്സവ സമയത്താണ്. 2021 ഡിസംബറിനകം വിമാനത്താവളത്തിന്റെ നിർമ്മാണം പൂർത്തിയാക്കാനാണ് നിശ്ചയിച്ചിട്ടുള്ളത്. അയോധ്യയെ ലോകത്തിലെ ഏറ്റവും വലിയ തീർത്ഥാടന കേന്ദ്രമാക്കി മാറ്റുകയാണ് യു.പി സർക്കാരിന്റെ പ്രധാനലക്ഷ്യം. യുപിയിൽ രാജ്യാന്തര നിലവാരത്തിലാണ് വിമാനത്താവളം നിർമ്മിക്കാൻ ഉദ്ദേശിച്ചിട്ടുള്ളത്. രാമക്ഷേത്ര നിർമാണം പൂർത്തിയാകുമ്പോൾ അയോധ്യയിൽ ആഭ്യന്തര-അന്തർദേശീയ വിനോദസഞ്ചാരികളുടെ വലിയ തിരക്ക് അനുഭവപ്പെടുമെന്നാണ് സർക്കാർ പ്രതീക്ഷിക്കുന്നത്.

ഈ സാഹചര്യത്തിൽ വിമാനത്താവളം ഏറെ പ്രയോജനപ്രദമാകുമെന്നും ഇതിലൂടെ ഇന്ത്യയുടെയും ഉത്തർപ്രദേശിന്റെയും സാംസ്കാരിക പാരമ്പര്യം ഉയർത്തിക്കാട്ടാൻ സാധിക്കുമെന്നുമാണ് സർക്കാരിന്റെ വിലയിരുത്തൽ.

from ബ്രേവ് ഇന്ത്യ ന്യൂസ് https://ift.tt/2HyVBE1

Share:

Read More

കേരളത്തിലേത് എന്‍.ഡി.എയ്ക്ക് അനുകൂലമായ അന്തരീക്ഷം; തുഷാര്‍ വെള്ളാപ്പള്ളി

ചേര്‍ത്തല: കേരളത്തിലെ പുതിയ രാഷ്ട്രീയ അന്തരീക്ഷം എന്‍.ഡി.എയ്ക്കനുകൂലമാണെന്ന് ബി.ഡി.ജെ.എസ് സംസ്ഥാന പ്രസിഡന്റ് തുഷാര്‍ വെള്ളാപ്പള്ളി. തദ്ദേശ തിരഞ്ഞെടുപ്പിലെ സ്ഥാനാര്‍ത്ഥി നിര്‍ണയത്തില്‍ പിന്നാക്ക വിഭാഗങ്ങള്‍ക്ക് സീ​റ്റു നിഷേധിച്ചതിലൂടെ ആ വിഭാഗങ്ങള്‍ക്ക് കോണ്‍ഗ്രസ് ഉണ്ടാക്കിയ മുറിവ് ചെറുതല്ലെന്നും അദ്ദേഹം പറഞ്ഞു.

പിന്നാക്കക്കാര്‍ എന്തിനീ പാര്‍ട്ടിക്കുവേണ്ടി പ്രവര്‍ത്തിക്കണമെന്ന ചോദ്യം ഏറെ പ്രസക്തമാണ്. യു.ഡി.എഫില്‍ മുസ്ലീം ലീഗിനാണ് ആധിപത്യം. മദ്ധ്യകേരളം കോണ്‍ഗ്രസിന് ഇന്ന് അന്യമായിക്കഴിഞ്ഞു എന്നും അദ്ദേഹം വ്യക്തമാക്കി.

മുന്‍ അഴിമതിക്കഥകളുടെ കറമാറാത്ത പ്രതിപക്ഷത്തിന് ഭരണവിരുദ്ധവികാരം മുതലാക്കാന്‍ എങ്ങനെ കഴിയും. ഇടതു ഭരണപരാജയങ്ങളെ തുറന്നുകാട്ടിയതും, ദേശീയ തലത്തിലേക്ക് അതെല്ലാം എത്തിച്ചതും എന്‍.ഡി.എ ആണ്. പിന്നാക്കക്കാരെ ഒന്നടങ്കം ശത്രുവായി തുറന്ന പ്രഖ്യാപനം നടത്തിയതിലൂടെ കോണ്‍ഗ്രസിന്റെ ശേഷിച്ച സംഘടനാ പ്രസക്തി കൂടി കേരള രാഷ്ട്രീയത്തില്‍ നഷ്ടമായി. ലീഗിന് അപ്രമാദിത്വമുള്ള യു.ഡി.എഫ് വര്‍ഗീയ മുഖമായി മാറി. ഇത്തവണ തദ്ദേശതെരഞ്ഞെടുപ്പില്‍ മത്സരം എല്‍.ഡി.എഫും എന്‍.ഡി.എ യും തമ്മിലാണെന്നും വിജയം എന്‍.ഡി.എയ്ക്കാകുമെന്നും തുഷാര്‍ കൂട്ടിച്ചേർത്തു.

from ബ്രേവ് ഇന്ത്യ ന്യൂസ് https://ift.tt/33hNmE1

Share:

Read More

എയർ ഇന്ത്യ വൺ വിമാനത്തിന്റെ ഉദ്ഘാടനപ്പറക്കൽ നടന്നു; കന്നിപ്പറക്കൽ നടത്തിയത് രാഷ്ട്രപതിയുമായി

ഡൽഹി: ഇന്ത്യ പുതുതായി വാങ്ങിയ എയർ ഇന്ത്യ വൺ വിമാനത്തിന്റെ ഉദ്ഘാടനപ്പറക്കൽ നടന്നു. രാഷ്ട്രപതി, ഉപരാഷ്ട്രപതി, പ്രധാനമന്ത്രി എന്നിവരുടെ യാത്രകൾക്കായിട്ടാണ് ഇന്ത്യ എയർ ഇന്ത്യ വൺ വിമാനം വാങ്ങിയത്. ചൊവ്വാഴ്ച ഡൽഹിയിൽ നിന്ന് ചെന്നൈയിലേക്ക് രാഷ്ട്രപതി രാംനാഥ് കോവിന്ദുമായാണ് വിമാനം കന്നിപ്പറക്കൽ നടത്തിയത്‌.

ആന്ധ്രപ്രദേശിലെ തിരുപ്പതിയിലുള്ള വെങ്കിടേശ്വര സ്വാമി ക്ഷേത്രത്തിൽ ദർശനത്തിനായാണ് പ്രഥമവനിത സവിതാ കോവിന്ദിനൊപ്പം രാഷ്ട്രപതി യാത്രതിരിച്ചത്.

യാത്ര പുറപ്പെടുന്നതിനുമുമ്പ് ജീവനക്കാർക്കൊപ്പം വിമാനത്തിനു സമീപം നിൽക്കുന്ന ചിത്രം രാഷ്ട്രപതി തന്റെ ഔദ്യോഗിക ട്വിറ്റർ ഹാൻഡിലിൽ പങ്കുവെച്ചു.

വി.വി.ഐ.പി. യാത്രകൾക്കായി യു.എസിൽ നിന്ന് പ്രത്യേക രൂപകൽപ്പന ചെയ്ത രണ്ട് ബോയിങ്-777 വിമാനങ്ങളാണ് ഇന്ത്യ അടുത്തിടെ വാങ്ങിയത്. പ്രത്യേക പരിശീലനം നേടിയ വ്യോമസേനാ പൈലറ്റുമാരാണ് വിമാനം പറത്തുന്നത്. ആറ് പൈലറ്റുമാർ പരിശീലനം നേടിയിട്ടുണ്ട്.

from ബ്രേവ് ഇന്ത്യ ന്യൂസ് https://ift.tt/367pB3z

Share:

Read More

ഒരു വര്‍ഷകാലയളവിനുള്ളില്‍ ഒരു വിദേശരാജ്യവും സന്ദര്‍ശിക്കാത്ത ആദ്യ പ്രധാനമന്ത്രിയായി നരേന്ദ്ര മോദി

ഡല്‍ഹി: ഒരു വര്‍ഷക്കാലയളവിനുള്ളില്‍ ഒരു വിദേശയാത്ര പോലും നടത്താത്ത ആദ്യ പ്രധാനമന്ത്രി ആയിരിക്കുകയാണ് നരേന്ദ്രമോദി. കഴിഞ്ഞ നവംബറിന് ശേഷം പ്രധാനമന്ത്രി ഒരു വിദേശ യാത്ര പോലും നടത്തിയിട്ടില്ല. കോവിഡ് പശ്ചാത്തലത്തിലാണ് പ്രധാനമന്ത്രി നരേന്ദ്രമോദി ഈ വര്‍ഷത്തെ വിദേശ പര്യടനം മാറ്റി വച്ചത്.

അടുത്ത മാര്‍ച്ചോട് കൂടി നടക്കുന്ന അമേരിക്ക അടക്കമുള്ള ക്വാഡ് രാജ്യങ്ങളിലേയ്ക്കുള്ള സന്ദര്‍ശനമാകും പ്രധാനമന്ത്രിയുടെ അടുത്ത വിദേശയാത്രയെന്നാണ് സൂചന. എയര്‍ ഇന്ത്യ വണ്‍ എന്ന പേരില്‍ തയാറായ പുതിയ വിമാനത്തിലായിരിക്കും പ്രധാനമന്ത്രിയുടെ ഇനി മുതലുള്ള വിദേശയാത്രകള്‍.

പ്രധാനമന്ത്രി ആയതിന് ശേഷം വിദേശരാജ്യങ്ങളുമായുള്ള ബന്ധം മെച്ചപ്പെടുത്തുന്നതില്‍ വലിയ ശ്രദ്ധയാണ് നരേന്ദ്രമോദി നടത്തിയിരിക്കുന്നത്. 2014-ല്‍ അധികാരം ഏറ്റത് മുതല്‍ ഇതിന്റെ ഭാഗമായി നിരന്തര വിദേശയാത്രകള്‍ മോദി നടത്തിയിരുന്നു. 2014 ജൂണ്‍ 15 നും 2019 നവംബറിനും ഇടയില്‍ 96 രാജ്യങ്ങളില്‍ ഔദ്യോഗിക കണക്ക് അനുസരിച്ച പ്രധാനമന്ത്രി സന്ദര്‍ശനം നടത്തിയിട്ടുണ്ട്. 2014-ല്‍ 8 രാജ്യങ്ങള്‍ സന്ദര്‍ശിച്ച മോദി 2015-ല്‍ 23 ഉം 2016-ല്‍ 17 , 2017-ല്‍ 14 , 2018-ല്‍ 20 2019-ല്‍ 14 ഉം രാജ്യങ്ങളില്‍ നയതന്ത്ര ദൗത്യം നിര്‍വഹിച്ചു.

from ബ്രേവ് ഇന്ത്യ ന്യൂസ് https://ift.tt/3nP8s4k

Share:

Read More

‘കോണ്‍ഗ്രസിനെ ശക്തിപ്പെടുത്തുന്നതില്‍ അദ്ദേഹം വഹിച്ച പങ്ക് എന്നും ഓര്‍മ്മിക്കപ്പെടും; അഹമ്മദ് പട്ടേലിന്റെ മരണത്തില്‍ അനുശോചനം രേഖപ്പെടുത്തി‌ പ്രധാനമന്ത്രി നരേന്ദ്ര മോദി

ഡല്‍ഹി: മുതിര്‍ന്ന കോണ്‍ഗ്രസ് നേതാവ് അഹമ്മദ് പട്ടേലിന്റെ വിയോഗത്തില്‍ അനുശോചിച്ച്‌ പ്രധാനമന്ത്രി നരേന്ദ്ര മോദി. കോണ്‍ഗ്രസിനെ ശക്തിപ്പെടുത്തുന്നതില്‍ അദ്ദേഹം വഹിച്ച പങ്ക് എന്നും ഓര്‍മ്മിക്കപ്പെടുമെന്നും, അഹമ്മദ് പട്ടേലിന്റെ മകന്‍ ഫൈസലിനോട് സംസാരിക്കുകയും അനുശോചനം രേഖപ്പെടുത്തുകയും ചെയ്തുവെന്നും അദ്ദേഹം അറിയിച്ചു.

‘അഹമ്മദ് പട്ടേലിന്റെ വിയോഗത്തില്‍ ഖേദിക്കുന്നു. വര്‍ഷങ്ങളോളം അദ്ദേഹം സമൂഹത്തെ സേവിച്ചു. കോണ്‍ഗ്രസിനെ ശക്തിപ്പെടുത്തുന്നതില്‍ അദ്ദേഹം വഹിച്ച പങ്ക് എന്നും ഓര്‍മ്മിക്കപ്പെടും. അഹമ്മദ് പട്ടേലിന്റെ മകന്‍ ഫൈസലിനോട് സംസാരിക്കുകയും അനുശോചനം രേഖപ്പെടുത്തുകയും ചെയ്തു. അദ്ദേഹത്തിന്റെ ആത്മാവിന് ശാന്തി ലഭിക്കട്ടെ’-മോദി ട്വീറ്റ് ചെയ്തു.

Saddened by the demise of Ahmed Patel Ji. He spent years in public life, serving society. Known for his sharp mind, his role in strengthening the Congress Party would always be remembered. Spoke to his son Faisal and expressed condolences. May Ahmed Bhai’s soul rest in peace.

— Narendra Modi (@narendramodi) November 25, 2020

from ബ്രേവ് ഇന്ത്യ ന്യൂസ് https://ift.tt/2Hx9jqX

Share:

Read More

കള്ളപ്പണ കേസ്; ബിനീഷ് കോടിയേരിയുടെ റിമാന്‍ഡ് കാലാവധി ഇന്ന് അവസാനിക്കും

കള്ളപ്പണ കേസില്‍ അറസ്റ്റിലായ ബിനീഷ് കോടിയേരിയുടെ റിമാന്‍ഡ് കാലാവധി ഇന്ന് അവസാനിക്കും. ബിനീഷിനെ ബംഗളൂരു സിറ്റി സെഷന്‍സ് കോടതിയില്‍ ഹാജരാക്കും. ജാമ്യാപേക്ഷയില്‍ വെള്ളിയാഴ്ച കോടതി തുടര്‍വാദം കേള്‍ക്കും.

അതേസമയം, ബിനീഷിന്റെ ബിനാമികളെന്ന് സംശയിക്കുന്നവരില്‍ ചിലരെ വീണ്ടും ചോദ്യം ചെയ്യാന്‍ ഒരുങ്ങുകയാണ് എന്‍ഫോഴ്‌സ്‌മെന്റ്. ഇവരെ ബിനീഷിനൊപ്പമിരുത്തി ചോദ്യം ചെയ്യാനും നീക്കമുണ്ട്. ബിനീഷുമായി വന്‍ തുകയുടെ സാമ്പത്തിക ഇടപാട് നടത്തിയ എസ്. അരുണിനും ബിനീഷിന്റെ ഡ്രൈവറായ അനിക്കുട്ടനും എന്‍ഫോഴ്‌സ്‌മെന്റ് നോട്ടീസ് നല്‍കിയിട്ടുണ്ടെങ്കിലും ഇതുവരെ ഹാജരായിട്ടില്ല.

from ബ്രേവ് ഇന്ത്യ ന്യൂസ് https://ift.tt/2UXRV1V

Share:

Read More

‘നിവാര്‍’ ഇന്ന് തീരത്തേക്ക്; കനത്ത ജാഗ്രതയില്‍ തമിഴ്‌നാട്

ചെന്നൈ: ബംഗാള്‍ ഉള്‍ക്കടലില്‍ രൂപംകൊണ്ട നിവാര്‍ ചുഴലിക്കാറ്റ് ബുധനാഴ്ച ഉച്ചയ്ക്കുശേഷം കരയില്‍ കടക്കും. അടുത്ത ആറ് മണിക്കൂര്‍ പടിഞ്ഞാറ്-വടക്കുപടിഞ്ഞാറന്‍ ഭാഗത്തേക്കും പിന്നീട് വടക്കുപടിഞ്ഞാറന്‍ ഭാഗത്തേക്കും നീങ്ങാന്‍ സാധ്യതയുണ്ട്. അടുത്ത 12 മണിക്കൂറിനുള്ളില്‍ നിവാര്‍ ചുഴലിക്കാറ്റ് വളരെ ശക്തമായ ചുഴലി കൊടുങ്കാറ്റായി മാറാന്‍ സാധ്യതയുണ്ടെന്നും കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നല്‍കി. നിവാര്‍ 120 കിലോമീറ്റര്‍ വേഗതയില്‍ ഇന്ന് വൈകിട്ട് കാരക്കലിനും മാമല്ലപുരത്തിനും ഇടയില്‍ തമിഴ്‌നാട്, പുതുച്ചേരി തീരങ്ങളില്‍ കടക്കുമെന്നാണു കാലാവസ്ഥ വകുപ്പ് പറയുന്നത്. ചുഴലിക്കാറ്റ് 145 കിലോമീറ്റര്‍ വേഗത കൈവരിക്കും.

1,200 ഓളം ദേശീയ ദുരന്ത നിവാരണ (എന്‍‌ഡി‌ആര്‍‌എഫ്) രക്ഷാപ്രവര്‍ത്തകരെ തമിഴ്‌നാട്, ആന്ധ്രാപ്രദേശ്, പുതുച്ചേരി എന്നിവിടങ്ങളില്‍ വിന്യസിച്ചിട്ടുണ്ട്. ചെന്നൈയുടെ സമീപപ്രദേശമായ മഹാബലിപുരത്തിനും കാരയ്ക്കലിനും ഇടയിലാണ് കാറ്റ് കരയില്‍ കടക്കുക. പുതുച്ചേരി അടക്കം ഈഭാഗത്തെ 200 കിലോമീറ്റര്‍ ചുറ്റളവിലുള്ള സ്ഥലങ്ങളെയാകും കാറ്റ് കൂടുതലായി ബാധിക്കുക.

ആന്ധ്രാപ്രദേശിന്റെ തെക്കന്‍മേഖലമുതല്‍ തൂത്തുക്കുടിവരെ കാറ്റിന്റെ സ്വാധീനമുണ്ടാകും. പലഭാഗത്തും 80മുതല്‍ 100കിലോമീറ്റര്‍വരെ വേഗത്തില്‍ കാറ്റുവീശാന്‍ സാധ്യതയുണ്ട്.

മുന്‍കരുതല്‍ നടപടിയുടെ ഭാഗമായി തമിഴ്നാട്ടില്‍ ബുധനാഴ്ച പൊതു അവധി പ്രഖ്യാപിച്ചു. സംസ്ഥാനത്തിന്റെ വിവിധ ഭാഗങ്ങളില്‍നിന്ന് തെക്കന്‍ ജില്ലകളിലേക്കുള്ള 24 തീവണ്ടി സര്‍വീസുകള്‍ റദ്ദാക്കി. ഏഴു ജില്ലകളില്‍ പൊതുഗതാഗതം നിര്‍ത്തിവെച്ചിരിക്കുകയാണ്. ചെന്നൈയില്‍ ബുധനാഴ്ച രാവിലെ പത്തുമുതലുള്ള സബര്‍ബന്‍ തീവണ്ടി സര്‍വീസുകള്‍ റദ്ദാക്കി.

പുതുച്ചേരിയില്‍ നാളെ വരെ നിരോധനാജ്ഞ പ്രഖ്യാപിച്ചിരിക്കുകയാണ്. തീര മേഖലകളില്‍ നിന്ന് പരമാവധി ആളുകളെ മാറ്റിപ്പാര്‍പ്പിച്ചു. ദേശീയ ദുരന്ത നിവാരണ സേന, നേവി, കോസ്റ്റ് ഗാര്‍ഡ് സേനാംഗങ്ങളേയും ദുരന്ത സാധ്യത മേഖലകളില്‍ വിന്യസിച്ചു. ആശങ്ക വേണ്ടെന്നും എല്ലാ മുന്നൊരുക്കങ്ങളും നടത്തിയിട്ടുണ്ടെന്നും സര്‍ക്കാര്‍ അറിയിച്ചു.

from ബ്രേവ് ഇന്ത്യ ന്യൂസ് https://ift.tt/2J5MdbO

Share:

Read More

കോൺഗ്രസിനു തീരാനഷ്ട്ടം : മുതിർന്ന കോൺഗ്രസ്‌ നേതാവ് അഹമ്മദ് പട്ടേൽ അന്തരിച്ചു

മുതിർന്ന കോൺഗ്രസ്‌ നേതാവും രാജ്യസഭ എം.പിയുമായിരുന്ന അഹമ്മദ് പട്ടേൽ അന്തരിച്ചു. ഡൽഹിയിലെ ആശുപത്രിയിൽ പുലർച്ചെ 3.30-നായിരുന്നു അന്ത്യം. 77 വയസായിരുന്നു. മകൻ ഫൈസൽ ഖാനാണ് മരണ വിവരം ട്വിറ്ററിലൂടെ അറിയിച്ചത്.

കോവിഡ് ബാധയെ തുടർന്ന് ആരോഗ്യനില മോശമാവുകയായിരുന്നു. ഒക്ടോബർ -1 നാണ് അദ്ദേഹത്തിനു കോവിഡ് സ്ഥിരീകരിക്കുന്നത്. മൂന്നുതവണ ലോക്സഭയിലേക്കും അഞ്ചുതവണ രാജ്യസഭയിലേക്കും തെരഞ്ഞെടുക്കപ്പെട്ട അഹമ്മദ് പട്ടേൽ എ.ഐ.സി.സി ട്രഷററായി പ്രവർത്തിച്ചുവരികയായിരുന്നു. 1987 -ലാണ് ആദ്യമായി അദ്ദേഹം ലോക്സഭയിലേക്ക് തിരഞ്ഞെടുക്കപ്പെടുന്നത്.

ഈ പ്രതിസന്ധി കാലഘട്ടത്തിൽ പട്ടേലിന്റെ വിയോഗം കോൺഗ്രസിന് ഉണ്ടാക്കുന്ന നഷ്ടം ചെറുതായിരിക്കില്ല. കോൺഗ്രസിന്റെ ട്രബിൾഷൂട്ടർ എന്നായിരുന്നു അദ്ദേഹം അറിയപ്പെട്ടിരുന്നത്. ദക്ഷിണ ഗുജറാത്തിലെ ബറൂച്ചിൽ 1949 ഓഗസ്റ്റ് 21-നായിരുന്നു ജനനം.

from ബ്രേവ് ഇന്ത്യ ന്യൂസ് https://ift.tt/3pUI0Zf

Share:

Read More

കടുത്ത എതിര്‍പ്പിന് ഒടുവില്‍ പൊലീസ് നിയമ ഭേദഗതി പിന്‍വലിച്ചു; തീരുമാനം മന്ത്രിസഭായോഗത്തില്‍

വിവാദമായ പൊലീസ് നിയമ ഭേദഗതി പിന്‍വലിക്കാന്‍ മന്ത്രിസഭായോഗം തീരുമാനിച്ചു. സര്‍ക്കാര്‍ ഗസറ്റില്‍ വിജ്ഞാപനം വന്ന് 48 മണിക്കൂര്‍ തികയും മുമ്പാണ് പൊലീസ് നിയമ ഭേദഗതി പിന്‍വലിക്കാന്‍ ഇന്ന് ചേര്‍ന്ന മന്ത്രിസഭായോഗം തീരുമാനിച്ചത്.

തീരുമാനം ഗവര്‍ണറെ അറിയിക്കും. ഭേദഗതി റദ്ദാക്കാനുള്ള ഓര്‍ഡിനന്‍സ് ഗവര്‍ണറുടെ അംഗീകാരത്തിന് അയയ്ക്കും. മാധ്യമങ്ങളും പൊതുസമൂഹവും ഉയര്‍ത്തിയ പ്രതിഷേധം പരിഗണിച്ചാണ് തീരുമാനം.

സൈബര്‍‌ സുരക്ഷയ്ക്കായി പുതിയ ഭേദഗതി വിശദമായ ചര്‍ച്ചയ്ക്കു ശേഷം കൊണ്ടുവരാനും മന്ത്രിസഭ തീരുമാനിച്ചു. ഓര്‍ഡിനന്‍സ് വിഷയം ചര്‍ച്ച ചെയ്യാനാണ് 3.30-ന് പ്രത്യേക മന്ത്രിസഭായോഗം ചേര്‍ന്നത്.

നിലവിലുള്ള പൊലീസ് ആക്ടില്‍ 118 എ എന്ന വകുപ്പ് കൂട്ടിച്ചേര്‍ക്കാനാണ് ഒക്ടോബര്‍ 22-ന് ചേര്‍ന്ന മന്ത്രിസഭ ശിപാര്‍ശ ചെയ്തത്.

from ബ്രേവ് ഇന്ത്യ ന്യൂസ് https://ift.tt/2UXNST2

Share:

Read More

സംസ്ഥാനത്ത് ഇന്ന് 5420 പേർക്ക് കൊവിഡ്; 24 മരണം കൂടി സ്ഥിരീകരിച്ചു

സംസ്ഥാനത്ത് ഇന്ന് 3757 പേര്‍ക്ക് കോവിഡ്-19 സ്ഥിരീകരിച്ചു. മലപ്പുറം 852, എറണാകുളം 570, തൃശൂര്‍ 556, കോഴിക്കോട് 541, കൊല്ലം 462, കോട്ടയം 461, പാലക്കാട് 453, ആലപ്പുഴ 390, തിരുവനന്തപുരം 350, കണ്ണൂര്‍ 264, പത്തനംതിട്ട 197, ഇടുക്കി 122, വയനാട് 103, കാസര്‍ഗോഡ് 99 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്.

കഴിഞ്ഞ 24 മണിക്കൂറിനിടെ 59,983 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 9.04 ആണ്. റുട്ടീന്‍ സാമ്ബിള്‍, സെന്റിനല്‍ സാമ്പിള്‍, സിബി നാറ്റ്, ട്രൂനാറ്റ്, പി.ഒ.സി.ടി. പി.സി.ആര്‍., ആര്‍.ടി. എല്‍.എ.എംപി., ആന്റിജന്‍ പരിശോധന എന്നിവ ഉള്‍പ്പെടെ ഇതുവരെ ആകെ 59,52,883 സാമ്പിളുകളാണ് പരിശോധനയ്ക്കായി അയച്ചത്.

24 മരണങ്ങളാണ് ഇന്ന് കോവിഡ്-19 മൂലമാണെന്ന് സ്ഥിരീകരിച്ചത്. തിരുവനന്തപുരം പുന്നമൂട് സ്വദേശിനി ആലിസ് (64), പഴയകട സ്വദേശി വിന്‍സന്റ് രാജ് (63), പത്താംകല്ല് സ്വദേശി മുഹമ്മദ് ഹുസൈന്‍ (65), വര്‍ക്കല സ്വദേശിനി ഇന്ദിര (65), കൊല്ലം ഉമയനല്ലൂര്‍ സ്വദേശി നാരായണ പിള്ള (86), കരുനാഗപ്പള്ളി സ്വദേശി വിജയന്‍ (60), ആലപ്പുഴ ചുങ്കം സ്വദേശി ഗോപിനാഥ് (90), ചേര്‍ത്തല സ്വദേശി കൃഷ്ണദാസ് (67), ആലപ്പുഴ സ്വദേശി എ.എം. ബഷീര്‍ (76), കുത്തിയതോട് സ്വദേശി കുട്ടന്‍ (62), ചേര്‍ത്തല സ്വദേശി തങ്കപ്പന്‍ (85), കുട്ടനാട് സ്വദേശി മാധവന്‍ പിള്ള (70), ചിങ്ങോലി സ്വദേശിനി ദേവകി (62), കോട്ടയം പാല സ്വദേശിനി മേഴ്സി തോമസ് (40), കുന്നം സ്വദേശി സ്വദേശിനി ജയനി (48), എറണാകുളം എടവനാട് സ്വദേശിനി നബീസ (75), തലക്കോട് സ്വദേശി കെ.കെ. കൃഷ്ണന്‍കുട്ടി (62), പാലക്കാട് നാട്ടുകാല്‍ സ്വദേശി സുലൈമാന്‍ (48), കിഴക്കുംപുറം സ്വദേശിനി പാറുകുട്ടി (78), തൃശൂര്‍ എരുമപ്പെട്ടി സ്വദേശി ലോനപ്പന്‍ (75), കൈപ്പമംഗലം സ്വദേശി ജോണ്‍ (72), വെള്ളാനിക്കര സ്വദേശി ലോനപ്പന്‍ (72), മലപ്പുറം സ്വദേശിനി ഉണ്ണോലി (61), കണ്ണൂര്‍ പയ്യന്നൂര്‍ സ്വദേശിനി സഫിയ (60) എന്നിവരാണ് മരണമടഞ്ഞത്. ഇതോടെ ആകെ മരണം 2095 ആയി. ഇത് കൂടാതെ ഉണ്ടായ മരണങ്ങള്‍ എന്‍ഐവി ആലപ്പുഴയിലെ പരിശോധനയ്ക്ക് ശേഷം സ്ഥിരീകരിക്കുന്നതാണ്.

ഇന്ന് രോഗം സ്ഥിരീകരിച്ചവരില്‍ 83 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 4693 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 592 പേരുടെ സമ്പര്‍ക്ക ഉറവിടം വ്യക്തമല്ല. മലപ്പുറം 796, എറണാകുളം 447, തൃശൂര്‍ 542, കോഴിക്കോട് 487, കൊല്ലം 459, കോട്ടയം 459, പാലക്കാട് 234, ആലപ്പുഴ 372, തിരുവനന്തപുരം 265, കണ്ണൂര്‍ 209, പത്തനംതിട്ട 145, ഇടുക്കി 93, വയനാട് 92, കാസര്‍ഗോഡ് 93 എന്നിങ്ങനേയാണ് സമ്പര്‍ക്കത്തിലൂടെ രോഗം ബാധിച്ചത്.

52 ആരോഗ്യ പ്രവര്‍ത്തകര്‍ക്കാണ് രോഗം ബാധിച്ചത്. എറണാകുളം 14, മലപ്പുറം, കോഴിക്കോട് 6 വീതം, തൃശൂര്‍, കണ്ണൂര്‍ 5 വീതം, പത്തനംതിട്ട 4, തിരുവനന്തപുരം 3, കൊല്ലം, പാലക്കാട്, കാസര്‍ഗോഡ് 2 വീതം, ആലപ്പുഴ, കോട്ടയം, വയനാട് 1 വീതം ആരോഗ്യ പ്രവര്‍ത്തകര്‍ക്കാണ് ഇന്ന് രോഗം ബാധിച്ചത്.

രോഗം സ്ഥിരീകരിച്ച്‌ ചികിത്സയിലായിരുന്ന 5149 പേരുടെ പരിശോധനാഫലം നെഗറ്റീവ് ആയി. തിരുവനന്തപുരം 441, കൊല്ലം 97, പത്തനംതിട്ട 100, ആലപ്പുഴ 254, കോട്ടയം 463, ഇടുക്കി 49, എറണാകുളം 450, തൃശൂര്‍ 924, പാലക്കാട് 443, മലപ്പുറം 617, കോഴിക്കോട് 782, വയനാട് 111, കണ്ണൂര്‍ 317, കാസര്‍ഗോഡ് 101 എന്നിങ്ങനേയാണ് പരിശോധനാ ഫലം ഇന്ന് നെഗറ്റീവായത്. ഇതോടെ 64,412 പേരാണ് രോഗം സ്ഥിരീകരിച്ച്‌ ഇനി ചികിത്സയിലുള്ളത്. 5,05,238 പേര്‍ ഇതുവരെ കോവിഡില്‍ നിന്നും മുക്തി നേടി.

സംസ്ഥാനത്തെ വിവിധ ജില്ലകളിലായി 3,14,752 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 2,98,902 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 15,850 പേര്‍ ആശുപത്രികളിലും നിരീക്ഷണത്തിലാണ്. 1489 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചത്.

ഇന്ന് 4 പുതിയ ഹോട്ട് സ്പോട്ടുകളാണുള്ളത്. പാലക്കാട് ജില്ലയിലെ ആനങ്ങാനാടി (കണ്ടെന്മെന്റ് സോണ്‍ വാര്‍ഡ് 12), പട്ടിത്തറ (16), കോട്ടയം ജില്ലയിലെ അയര്‍കുന്നം (2), പത്തനംതിട്ട ജില്ലയിലെ പ്രമദം (സബ് വാര്‍ഡ് 11) എന്നിവയാണ് പുതിയ ഹോട്ട് സ്പോട്ടുകള്‍.

4 പ്രദേശങ്ങളെ ഹോട്ട് സ്പോട്ടില്‍ നിന്നും ഒഴിവാക്കിയിട്ടുണ്ട്. ഇതോടെ ആകെ 556 ഹോട്ട് സ്പോട്ടുകളാണുള്ളത്

 

from ബ്രേവ് ഇന്ത്യ ന്യൂസ് https://ift.tt/3m1abD7

Share:

Read More

രാജ്യ സുരക്ഷ; ചൈനീസ് വ്യാപാര ഭീമനായ അലിബാബാ കമ്പനിയുടെ ഉടമസ്ഥതയിലുള്ള ആപ്പടക്കം 43 ആപ്പുകൾ കൂടി നിരോധിച്ച് കേന്ദ്രസർക്കാർ

ഡൽഹി: സുരക്ഷാ കാരണങ്ങൾ മുൻനിർത്തി കേന്ദ്രസർക്കാർ വീണ്ടും നിരവധി ആപ്പുകൾ നിരോധിച്ചു. 43 ആപ്ലിക്കേഷനുകളാണ് പുതുതായി നിരോധിക്കപ്പെട്ടത്. ഐടി ആക്ടിലെ 69 എ വകുപ്പ് പ്രകാരമാണ് നടപടി.

രാജ്യത്തിന്റെ അഖണ്ഡതയ്ക്കും സ്വതന്ത്ര പരമാധികാരത്തിനും സാമൂഹിക-പ്രതിരോധ സുരക്ഷയ്ക്കും വെല്ലുവിളി ഉയർത്തിയ സാഹചര്യത്തിലാണ് നടപടി.

ചൈനീസ് വ്യാപാര ഭീമനായ അലിബാബാ കമ്പനിയുടെ ഉടമസ്ഥതയിലുള്ള ആപ്പടക്കം നിരോധിച്ചിട്ടുണ്ട്. ഇതോടെ ഇന്ത്യ നിരോധിച്ച ആപ്പുകളുടെ എണ്ണം 220 ആയി ഉയർന്നു.

 

from ബ്രേവ് ഇന്ത്യ ന്യൂസ് https://ift.tt/2Ku2FCY

Share:

Read More

‘ചിലര്‍ ഈ മഹാമാരിയിലും രാഷ്ട്രീയം കളിക്കുന്നു’; രാഹുലിനെ പരോക്ഷ വിമര്‍ശനവുമായി നരേന്ദ്ര‌ മോദി

രാജ്യം കൊവിഡിനെ പിടിച്ചുകെട്ടാന്‍ ഒന്നിച്ച്‌ പരിശ്രമിക്കുമ്പോഴും ചിലര്‍ രാഷ്ട്രീയം കളിക്കുകയാണെന്ന് പ്രധാനമന്ത്രി നരേന്ദ്ര മോദി. കൊവിഡ് സാഹചര്യം വിലയിരുത്തുന്നതിനായി വിളിച്ച്‌ ചേര്‍ത്ത മുഖ്യമന്ത്രിമാരുടെ യോഗത്തിലായിരുന്നു കോണ്‍ഗ്രസ് നേതാവ് രാഹുല്‍ ഗാന്ധിയെ പരോക്ഷമായി വിമർശിച്ചത്.

കൊവിഡ് വാക്‌സിന്‍ എപ്പോഴെത്തും എന്നത് നമുക്ക് തീരുമാനിക്കാന്‍ സാധിക്കുന്നതല്ല. അക്കാര്യം നമ്മുടെ കയ്യിലുളളതല്ല. ശാസ്ത്രജ്ഞരാണ് അക്കാര്യം തീരുമാനിക്കുന്നത്. ചിലര്‍ ഇക്കാര്യത്തിലും രാഷ്ട്രീയം കളിക്കാന്‍ നോക്കുകയാണ്. രാഷ്ട്രീയം കളിക്കുന്നതില്‍ നിന്നും ഒന്നിനും ചിലരെ പിന്തരിപ്പിക്കാനാവില്ലെന്നും നരേന്ദ്ര മോദി യോഗത്തില്‍ പറഞ്ഞു.

എ​ല്ലാം ശാ​സ്ത്ര​ജ്ഞ​ന്മാ​രു‌​ടെ കൈ​ക​ളി​ലാ​ണെന്നും. രാ​ജ്യ​ത്തെ ആ​ശു​പ​ത്രി​ക​ള്‍ കൂ​ടു​ത​ല്‍ മെ​ച്ച​പ്പെ​ട്ട​താ​ക്കി മാ​റ്റുമെന്നും. ഇ​തി​നാ​യി പി​എം കെ​യ​ര്‍ ഫ​ണ്ട് ഉ​പ​യോ​ഗി​ക്കുമെന്നും അദ്ദേഹം വ്യക്തമാക്കി.

കോ​വി​ഡ് വാ​ക്സി​ന്‍ വി​ത​ര​ണം എല്ലാവര്ക്കും ലഭ്യം ആകുംവിധമായിരിക്കും. ഏ​ത് രാ​ജ്യ​ത്തി​ന്‍റെ വാ​ക്സി​ന്‍ ആ​ദ്യ​മെ​ത്തു​മെ​ന്ന് പ​റ​യാ​നാ​വി​ല്ല. ഇതിനിടയില്‍ കോ​വി​ഡ് വാ​ക്സി​ന്‍ രാ​ഷ്ട്രി​യ​വ​ത്ക​രി​ക്കാ​ന്‍ ശ്ര​മം ന​ട​ക്കു​ന്നുണ്ടെന്നും അദ്ദേഹം വ്യക്തമാക്കി.

 

from ബ്രേവ് ഇന്ത്യ ന്യൂസ് https://ift.tt/3m0YCfb

Share:

Read More

നിവാര്‍ ചുഴലിക്കാറ്റ്: തമിഴ്‌നാട്ടില്‍ ബുധനാഴ്ച പൊതുഅവധി പ്രഖ്യാപിച്ച് മുഖ്യമന്ത്രി, ജനങ്ങളോട് വീടുകളില്‍ കഴിയാന്‍ നിര്‍ദ്ദേശം

ചെന്നൈ: ബംഗാള്‍ ഉള്‍ക്കടലില്‍ രൂപം കൊണ്ട നിവാര്‍ ചുഴലിക്കാറ്റ് ബുധനാഴ്ച തമിഴ്‌നാട് തീരത്തെത്താനിരിക്കെ സംസ്ഥാനത്ത് ബുധനാഴ്ച പൊതു അവധി പ്രഖ്യാപിച്ച്‌ മുഖ്യമന്ത്രി എടപ്പാടി പളനിസ്വാമി. ചുഴലിക്കാറ്റിന്റെ സാഹചര്യം കണക്കിലെടുത്ത് ആളുകള്‍ പുറത്തിറങ്ങാതെ വീടുകളില്‍ തന്നെ കഴിയണമെന്നും മുഖ്യമന്ത്രി വ്യക്തമാക്കി.

ഇതോടൊപ്പം സര്‍ക്കാര്‍ ഏജന്‍സികള്‍ പുറപ്പെടുവിക്കുന്ന മാര്‍ഗ നിര്‍ദ്ദേശങ്ങള്‍ എല്ലാവരും പാലിക്കണമെന്നും മുഖ്യമന്ത്രി അറിയിച്ചു. ഇതോടൊപ്പം 22 അടിക്ക് മുകളില്‍ ലെവല്‍ ഉയര്‍ന്നാല്‍ ചെമ്പറമ്പാക്കം തടാകത്തില്‍ നിന്ന് വെള്ളം ഒഴുക്കി വിടാനും മുഖ്യമന്ത്രി ഉത്തരവിറക്കി. നിലവില്‍ 21.2 അടിയിലാണ് വെള്ളമുള്ളത്.

അടിയന്തര സാഹചര്യങ്ങളില്‍ പൊതുജനങ്ങള്‍ക്ക് ബന്ധപ്പെടേണ്ട ഫോണ്‍ നമ്പറുകളും മറ്റും സര്‍ക്കാര്‍ പുറത്തിറക്കിയിട്ടുണ്ട്. ചെന്നൈയിലും ഇന്ന് നാളെയും ഓറഞ്ച് അലര്‍ട്ട് പ്രഖ്യാപിച്ചിരിക്കുകയാണ് സര്‍ക്കാര്‍. നഗരത്തില്‍ 100 മുതല്‍ 110 കിലോ മീറ്റര്‍ വേഗതയില്‍ കാറ്റടിക്കാനാണ് സാധ്യത.

ചുഴലിക്കാറ്റിന്റെ പശ്ചാത്തലത്തില്‍ തമിഴ്നാട്ടിലെ പല ജില്ലകളിലും ബസ് സര്‍വീസ് നിര്‍ത്തലാക്കാന്‍ ഗവര്‍ണര്‍ ഉത്തരവിട്ടിരുന്നു. തീരപ്രദേശത്തെ ജില്ലകളില്‍ ചൊവ്വാഴ്ച ഉച്ചയ്ക്ക് ഒരു മണി മുതല്‍ ബസ് സര്‍വീസ് നിര്‍ത്തിവയ്ക്കാനാണ് ഗവര്‍ണര്‍ ഉത്തരവിട്ടിരിക്കുന്നത്. പുതിയ ഉത്തരവ് വരുന്നതുവരെ സര്‍വീസ് നിര്‍ത്തിവയ്ക്കുന്നതിനാണ് ഇപ്പോള്‍ തീരുമാനിച്ചിരിക്കുന്നത്.

 

from ബ്രേവ് ഇന്ത്യ ന്യൂസ് https://ift.tt/33bDhIT

Share:

Read More

പ്രധാനമന്ത്രിയുടെ വാരണാസിയിലെ തിരഞ്ഞെടുപ്പ് വിജയം; ചോദ്യം ചെയ്‌ത ജവാന്റെ ഹര്‍ജി തളളി സുപ്രീംകോടതി

ഡല്‍ഹി: പ്രധാനമന്ത്രി നരേന്ദ്രമോദിയുടെ വാരണാസിയില്‍ നിന്നുളള തിരഞ്ഞെടുപ്പ് വിജയം ചോദ്യം ചെയ്‌ത് മുന്‍ ബി എസ് എഫ് ജവാന്‍ സുപ്രീംകോടതിയില്‍ സമര്‍പ്പിച്ച ഹര്‍ജി തളളി. ബി എസ് എഫ് ജവാനായിരുന്ന തേജ് ബഹാദുര്‍ യാദവ് സമര്‍പ്പിച്ച ഹര്‍ജിയാണ് തളളിയത്. ചീഫ് ജസ്റ്റിസ് എസ് എ ബോബ്‌ഡേ അദ്ധ്യക്ഷനായ ബെഞ്ചിന്റേതാണ് തീരുമാനം.

നേരത്തേ നാമനിര്‍ദേശപത്രിക തളളിയതിനെതിരെ തേജ് ബഹാദൂര്‍ 2019-ല്‍ നല്‍കിയ ഹര്‍ജിയും സുപ്രീംകോടതി അന്ന് തളളിയിരുന്നു. തിരഞ്ഞെടുപ്പ് ഫലം ചോദ്യം ചെയ്‌ത് തേജ് ബഹാദൂര്‍ ആദ്യം സമീപിച്ചത് ഹൈക്കോടതിയെയാണ്. അത് തളളിയപ്പോഴാണ് ഇയാള്‍ സുപ്രീംകോടതിയെ സമീപിച്ചത്.

from ബ്രേവ് ഇന്ത്യ ന്യൂസ് https://ift.tt/3nVAoDZ

Share:

Read More

നടൻ തിലകന്റെ മകൻ ബിജെപി സ്ഥാനാർത്ഥി

തൃപ്പൂണിത്തുറ: തദ്ദേശ തിരഞ്ഞെടുപ്പിൽ മത്സരിക്കാനൊരുങ്ങി നടൻ തിലകന്റെ മകൻ ഷിബു തിലകനും. തൃപ്പൂണിത്തുറ നഗരസഭയിലെ 25-ാം വാർഡിലെ എൻ.ഡി.എ സ്ഥാനാർത്ഥിയായാണ് ഷിബു മത്സരിക്കുന്നത്.

96 മുതൽ ബി.ജെ.പിയുമായി ബന്ധമുണ്ട്. തപസ്യ കലാസാഹിത്യ വേദിയുടെ സജീവ പ്രവർത്തകനും ബി.ജെ.പി തിരുവാങ്കുളം ഏരിയാ സെക്രട്ടറിയുമാണ്.

ഓരോ വീടുകളിലുമെത്തി തിലകന്റെ മകനാണെന്നു പരിചയപ്പെടുത്തുമ്പോൾ അച്ഛനോടുള്ള സ്നേഹം അവരുടെ മുഖത്തു തെളിയും. ഇത് കൂടുതൽ ആത്മവിശ്വാസം പകരും. എൽ.ഡി.എഫ് സ്വതന്ത്രൻ ബെന്നിയും യു.ഡി.എഫ് കൗൺസിലറായിരുന്ന സുകുമാരനുമാണ് എതിർ സ്ഥാനാർത്ഥികൾ.

യക്ഷിയും ഞാനും, ഇവിടം സ്വർഗമാണ്, ഗുണ്ട, ചാലക്കുടിക്കാരൻ ചങ്ങാതി തുടങ്ങി പന്ത്രണ്ടിലധികം സിനിമകളിലും, നിരവധി സീരിയലുകളിലും, ഷോർട്ട് ഫിലിമുകളിലും അഭിനയിച്ചിട്ടുണ്ട്. തിലകന്റെ നാടകട്രൂപ്പിലും സജീവമായിരുന്നു. അച്ഛനെ സെറ്റുകളിലെത്തിച്ചിരുന്നതും ഷിബുവാണ്.

ഭാര്യ ലേഖയും അമ്മ സരോജത്തിനുമൊപ്പം തിരുവാങ്കുളം കേശവൻ പടിയിലാണ് താമസം.

 

from ബ്രേവ് ഇന്ത്യ ന്യൂസ് https://ift.tt/33e78jQ

Share:

Read More

പശ്ചിമ ബംഗാളില്‍ ഒവൈസിക്ക് തിരിച്ചടി; പ്രമുഖ നേതാവും അനുയായികളും പാര്‍ട്ടി വിട്ടു

കൊല്‍ക്കത്ത: പശ്ചിമ ബംഗാളില്‍ ഒവൈസിക്ക് തിരിച്ചടി നല്‍കി പ്രമുഖ നേതാവും പ്രവര്‍ത്തകരും പാര്‍ട്ടിവിട്ടു. ഓള്‍ ഇന്ത്യ ഇത്തിഹാദുല്‍ മുസ്ലീമിന്റെ (എ ഐ എം ഐ എം) പശ്ചിമബംഗാള്‍ കണ്‍വീനര്‍ അന്‍വര്‍ പാഷയും അനുയായികളുമാണ് പാര്‍ട്ടി വിട്ട് തൃണമൂല്‍ കോണ്‍ഗ്രസില്‍ ചേര്‍ന്നത്.

അടുത്തവര്‍ഷം നടക്കുന്ന ബംഗാള്‍ നിയമസഭാ തിരഞ്ഞെടുപ്പില്‍ മത്സരിക്കാന്‍ എ ഐ എം ഐ എം തയ്യാറെടുപ്പുകള്‍ നടത്തുന്നതിനിടെയാണ് പാര്‍ട്ടി കണ്‍വീനര്‍ കൂറുമാറിയത്. ബിഹാര്‍ തിരഞ്ഞെടുപ്പില്‍ മികച്ച മുന്നേറ്റം നടത്താനായതിന് പിന്നാലെ എ ഐ എം ഐ എം ബംഗാള്‍ തിരഞ്ഞെടുപ്പിലും മത്സരിക്കുമെന്ന് പ്രഖ്യാപിച്ചിരുന്നു.

from ബ്രേവ് ഇന്ത്യ ന്യൂസ് https://ift.tt/395XzHs

Share:

Read More

“എനിക്കെന്തെങ്കിലും സംഭവിച്ചാൽ അതിന്റെ ഉത്തരവാദി ചൈനയായിരിക്കും” : നേപ്പാൾ പ്രതിപക്ഷ നേതാവ്

കാഠ്മണ്ഡു: ഹുംലയിൽ നേപ്പാൾ ഭൂമി ചൈന കയ്യേറിയെന്ന വിവരം പുറത്തു വിട്ടതിനാൽ തന്റെ ജീവനു ഭീഷണിയുണ്ടെന്ന് നേപ്പാൾ പ്രതിപക്ഷ നേതാവ് ജീവൻ ബഹദൂർ ഷാഹി. തനിക്കു എന്തെങ്കിലും സംഭവിച്ചാൽ അതിന്റെ ഉത്തരവാദി ചൈനയായിരിക്കുമെന്നും ജീവൻ ബഹദൂർ ഷാഹി പറഞ്ഞു.

നേപ്പാളി കോൺഗ്രസ്‌ പാർലമെന്ററി പാർട്ടി നേതാവാണ് അദ്ദേഹം. ഹുംലയിൽ നേപ്പാളിന്റെ ഭൂപ്രദേശം കയ്യേറി ചൈന നിർമാണ പ്രവർത്തനങ്ങൾ നടത്തിയ കാര്യം കർണാലു പ്രവിശ്യയിലെ പ്രതിപക്ഷ നേതാവ് കൂടിയായ ഷാഹി ഈ അടുത്തിടെയാണ് വെളിപ്പെടുത്തിയത്. എന്നാൽ, ഇക്കാര്യം നേപ്പാൾ പ്രധാനമന്ത്രി കെ.പി ശർമ ഒലി നിഷേധിച്ചിട്ടുണ്ട്.

സർക്കാർ ഉദ്യോഗസ്ഥരും കയ്യേറ്റത്തെകുറിച്ച് അറിയില്ലെന്നാണ് പ്രതികരിച്ചത്. തുടർന്ന്, ചൈനയുടെ കയ്യേറ്റത്തെ സംബന്ധിച്ച് ജീവൻ ബഹദൂർ ഷാഹി സർക്കാരിനു റിപ്പോർട്ട്‌ സമർപ്പിച്ചിരുന്നു.

from ബ്രേവ് ഇന്ത്യ ന്യൂസ് https://ift.tt/3l37rnw

Share:

Read More

ക​ള്ള​പ്പ​ണം വെ​ളു​പ്പി​ക്ക​ല്‍: ശി​വ​സേ​ന നേ​താ​വി​ന്‍റെ വ​സ​തി​യി​ല്‍ എ​ന്‍​ഫോ​ഴ്സ്മെ​ന്‍റ് ഡ​യ​റ​ക്‌ട്രേ​റ്റി​ന്‍റെ റെ​യ്ഡ്

മും​ബൈ: ശി​വ​സേ​ന എം​എ​ല്‍​എ​യു​ടെ വ​സ​തി​യി​ല്‍ എ​ന്‍​ഫോ​ഴ്സ്മെ​ന്‍റ് ഡ​യ​റ​ക്‌ട്രേ​റ്റി​ന്‍റെ (ഇ​ഡി) റെ​യ്ഡ്. താ​നെ ഓ​വാ​ല-​മ​ജി​വാ​ഡ നി​യ​മ​സ​ഭാ മ​ണ്ഡ​ല​ത്തി​ല്‍​നി​ന്നു​ള്ള എം​എ​ല്‍​എ പ്ര​താ​പ് സ​ര്‍​നാ​യി​കി​ന്‍റെ വ​സ​തി​യി​ലും ഓ​ഫീ​സി​ലു​മാ​ണ് റെ​യ്ഡ് ന​ട​ക്കു​ന്ന​ത്.

മും​ബൈ​യി​ലും താ​നെ​യി​ലു​മാ​യി 10 ഇ​ട​ങ്ങ​ളി​ലാ​ണ് റെ​യ്ഡ് ന​ട​ക്കു​ന്ന​തെ​ന്ന് ദേ​ശീ​യ മാ​ധ്യ​മ​ങ്ങ​ള്‍ റി​പ്പോ​ര്‍​ട്ട് ചെ​യ്തു. സ്ഥാ​പ​ന​ങ്ങ​ളി​ലൂ​ടെ ക​ള്ള​പ്പ​ണം വെ​ളു​പ്പി​ച്ചെ​ന്നാ​ണ് ഇ​ഡി​യു​ടെ ആ​രോ​പ​ണം.

from ബ്രേവ് ഇന്ത്യ ന്യൂസ് https://ift.tt/33ess8V

Share:

Read More

നി​വാ​ര്‍ ചു​ഴ​ലി​ക്കാ​റ്റ്: കേ​ന്ദ്ര​ത്തി​ന്‍റെ എ​ല്ലാ സ​ഹാ​യ​വും വാ​ഗ്ദാ​നം ചെ​യ്ത് സ്ഥി​തി​ഗ​തി​ക​ള്‍ വി​ല​യി​രു​ത്തി പ്ര​ധാ​ന​മ​ന്ത്രി

ഡ​ല്‍​ഹി: നി​വാ​ര്‍ ചു​ഴ​ലി​ക്കൊ​ടു​ങ്കാ​റ്റി​ന്‍റെ പ​ശ്ചാ​ത്ത​ല​ത്തി​ല്‍ സ്ഥി​തി​ഗ​തി​ക​ള്‍ വി​ല​യി​രു​ത്തി പ്ര​ധാ​ന​മ​ന്ത്രി ന​രേ​ന്ദ്ര മോ​ദി. ത​മി​ഴ്നാ​ട്, പു​തു​ച്ചേ​രി മു​ഖ്യ​മ​ന്ത്രി​മാ​രു​മാ​യി പ്ര​ധാ​ന​മ​ന്ത്രി ച​ര്‍​ച്ച ന​ട​ത്തി. കേ​ന്ദ്ര​ത്തി​ന്‍റെ എ​ല്ലാ സ​ഹാ​യ​വും വാ​ഗ്ദാ​നം ചെ​യ്ത​താ​യി പ്ര​ധാ​ന​മ​ന്ത്രി പ​റ​ഞ്ഞു.

ബു​ധ​നാ​ഴ്ച ഉ​ച്ച​യോ​ടെ ചു​ഴ​ലി​ക്കാ​റ്റ് ത​മി​ഴ്നാ​ട് തീ​രം തൊ​ടു​മെ​ന്നാ​ണ് റി​പ്പോ​ര്‍​ട്ട്. 120 കി​മീ വേ​ഗ​ത​യി​ല്‍ കാ​റ്റു വീ​ശു​മെ​ന്നാ​ണ് മു​ന്ന​റി​യി​പ്പ്.

നി​ല​വി​ല്‍ ചു​ഴ​ലി​ക്കാ​റ്റ് ചെ​ന്നൈ തീ​ര​ത്ത് നി​ന്ന് 450 കി​മീ അ​ക​ലെ​യാ​ണ്. ത​മി​ഴ്നാ​ട്, പു​തു​ച്ചേ​രി, ആ​ന്ധ്രാ തീ​ര​ങ്ങ​ളി​ല്‍ ജാ​ഗ്ര​താ മു​ന്ന​റി​യി​പ്പ് ന​ല്‍​കി​യി​ട്ടു​ണ്ട്.

 

from ബ്രേവ് ഇന്ത്യ ന്യൂസ് https://ift.tt/3kTPlo0

Share:

Read More

സിഎജി റിപ്പോര്‍ട്ട് വിവാദം; ധനമന്ത്രിയുടെ നടപടിയിൽ സ്പീക്കര്‍ക്ക് അതൃപ്തി

സിഎജി റിപ്പോര്‍ട്ടുമായി ബന്ധപ്പെട്ട വിവാദത്തില്‍ സ്പീക്കര്‍ പി. ശ്രീരാമകൃഷ്ണന് അതൃപ്തി. നിയസഭയുടെ ടേബിളില്‍ വയ്ക്കും വരെ രഹസ്യ സ്വഭാവത്തില്‍ സൂക്ഷിക്കേണ്ട രേഖയാണ് സിഎജി റിപ്പോര്‍ട്ട്.

ധനമന്ത്രി തന്നെ സി.എ.ജി. റിപ്പോര്‍ട്ടിന്റെ ഉളളടക്കം മാധ്യമങ്ങളിലൂടെ വെളിപ്പെടുത്തിയതാണ് അതൃപ്തിക്ക് കാരണം. അവകാശലംഘന നോട്ടിസില്‍ മന്ത്രി വിശദീകരണം നല്‍കാന്‍ വൈകുന്നുവെന്നും ആരോപണമുണ്ട്.

സംഭവം അവകാശലംഘനത്തിന്റെ പരിധിയില്‍ വരുന്നതിനാല്‍ പ്രിവിലേജസ് ആന്‍ഡ് എത്തിക്‌സ് കമ്മിറ്റിയുടെ പരിഗണനയ്ക്ക് വിടാനാണ് സാധ്യത.

അതേസമയം, അവകാശലംഘന നോട്ടിസിലെ തുടര്‍നടപടികളുമായി ബന്ധപ്പെട്ട സ്പീക്കര്‍ നിയമോപദേശം തേടും. സ്പീക്കേഴ്‌സ് കോണ്‍ഫറന്‍സുമായി ബന്ധപ്പെട്ട് സംസ്ഥാനത്തിന് പുറത്താണ് സ്പീക്കറുളളത്. അടുത്ത ആഴ്ചയോടെ മാത്രമേ സ്പീക്കര്‍ കേരളത്തിലേക്ക് മടങ്ങിയെത്തൂ.

 

from ബ്രേവ് ഇന്ത്യ ന്യൂസ് https://ift.tt/2J6TesX

Share:

Read More

സ്വര്‍ണക്കടത്ത് കേസ്; കസ്റ്റംസ് ശിവശങ്കറിന്റെ അറസ്റ്റ് രേഖപ്പെടുത്തി

കൊച്ചി: സ്വര്‍ണക്കടത്ത് കേസില്‍ കസ്റ്റംസ് എം ശിവശങ്കറിന്റെ അറസ്റ്റ് രേഖപ്പെടുത്തി. എറണാകുളം ജില്ലാ ജയിലില്‍ എത്തിയാണ് കസ്റ്റംസ് സംഘം ശിവശങ്കറിനെ അറസ്റ്റ് ചെയ്‌തത്.

അറസ്റ്റ് രേഖപ്പെടുത്താന്‍ ഇന്നലെ കോടതി അനുമതി നല്‍കിയെങ്കിലും സാങ്കേതിക കാരണങ്ങളാല്‍ ഇന്നത്തേക്ക് മാറ്റുകയായിരുന്നു. ശിവശങ്കറിന്റെ പങ്കിന് തെളിവ് കിട്ടിയെന്ന് കസ്റ്റംസ് കോടതിയില്‍ വ്യക്തമാക്കിയിരുന്നു.

അതേസമയം, വിദേശത്തേക്ക് ഡോളര്‍ കടത്തിയ കേസില്‍ സ്വപ്നയെയും സരിതിനെയും കസ്റ്റഡിയില്‍ വിട്ടു കിട്ടണമെന്ന കസ്റ്റംസിന്റെ അപേക്ഷ ഇന്ന് സാമ്പത്തിക കുറ്റകൃത്യങ്ങള്‍ കൈകാര്യം ചെയ്യുന്ന കൊച്ചിയിലെ കോടതി പരിഗണിക്കും. രണ്ടു പേരെയും വീഡിയോ കോണ്‍ഫറന്‍സിലൂടെ ഹാജരാക്കാന്‍ കോടതി നിര്‍ദേശിച്ചിട്ടുണ്ട്.

from ബ്രേവ് ഇന്ത്യ ന്യൂസ് https://ift.tt/2UWygPG

Share:

Read More

“നി​വാ​ര്‍’ ചു​ഴ​ലി​ക്കാ​റ്റ് ക​ര​യി​ലേ​ക്ക്; ത​മി​ഴ്നാ​ട്, പു​തു​ച്ചേ​രി, ആ​ന്ധ്രാ തീ​ര​ങ്ങ​ളി​ല്‍ മു​ന്ന​റി​യി​പ്പ്

ചെ​ന്നൈ: ബം​ഗാ​ള്‍ ഉ​ള്‍​ക്ക​ട​ലി​ല്‍ നി​വാ​ര്‍ ചു​ഴ​ലി​ക്കാ​റ്റ് രൂ​പം കൊ​ണ്ടു. ബുധനാഴ്ച ഉ​ച്ച​യോ​ടെ ചു​ഴ​ലി​ക്കാ​റ്റ് ത​മി​ഴ്നാ​ട് തീ​രം തൊ​ടു​മെ​ന്നാ​ണ് റി​പ്പോ​ര്‍​ട്ട്. 120 കി​മീ വേ​ഗ​ത​യി​ല്‍ കാ​റ്റു വീ​ശു​മെ​ന്നാ​ണ് മു​ന്ന​റി​യി​പ്പ്. നി​ല​വി​ല്‍ ചു​ഴ​ലി​ക്കാ​റ്റ് ചെ​ന്നൈ തീ​ര​ത്ത് നി​ന്ന് 450 കി​മീ അ​ക​ലെ​യാ​ണ്.

ത​മി​ഴ്നാ​ട്, പു​തു​ച്ചേ​രി, ആ​ന്ധ്രാ തീ​ര​ങ്ങ​ളി​ല്‍ ജാ​ഗ്ര​താ മു​ന്ന​റി​യി​പ്പ് ന​ല്‍​കി. ത​മി​ഴ്നാ​ട്ടി​ലെ ഏ​ഴു ജി​ല്ല​ക​ളി​ല്‍ ശ​ക്ത​മാ​യ മ​ഴ​യ്ക്ക് സാ​ധ്യ​ത​യു​ണ്ടെ​ന്ന് കാ​ലാ​വ​സ്ഥ വി​ഭാ​ഗം അ​റി​യി​ച്ചു.

14 എ​ന്‍​ഡി​ആ​ര്‍‌​എ​ഫ് സം​ഘ​ത്തെ തീ​ര​മേ​ഖ​ല​യി​ല്‍ വി​ന്യ​സി​ച്ചു. കാ​ര​യ്ക്ക​ല്‍, മ​ഹാ​ബ​ലി​പു​രം തീ​ര​ത്ത് നി​ന്ന് ആ​ളു​ക​ളെ ഒ​ഴി​പ്പി​ക്കു​കയാണ്. നാ​​​ഗ​​​പ​​​ട്ട​​​ണ​​​ത്ത് മ​​​ത്സ്യ​​​ത്തൊ​​​ഴി​​​ലാ​​​ളി​​​ക​​​ള്‍ ക​​​ട​​​ലി​​​ല്‍ ഇ​​​റ​​​ങ്ങ​​​രു​​​തെ​​​ന്ന് സ​​​ര്‍​​​ക്കാ​​​ര്‍ നി​​​ര്‍​​​ദേ​​​ശം ന​​​ല്കി.

from ബ്രേവ് ഇന്ത്യ ന്യൂസ് https://ift.tt/3997hJ9

Share:

Read More

ആസാമില്‍ നിന്ന് ഇരിട്ടിയുടെ മരുമകളായെത്തിയ മുന്‍മി ഷാജിക്ക് വീട് നിര്‍മിച്ച്‌ നല്‍കാനൊരുങ്ങി സുരേഷ്ഗോപി എംപി; പ്രശംസിച്ച് സോഷ്യല്‍ മീഡിയ

കണ്ണൂര്‍; ആസാമില്‍ നിന്ന് ഇരിട്ടിയുടെ മരുമകളായെത്തിയ മുന്‍മി ഷാജിക്ക് വീട് നിര്‍മിച്ച്‌ നല്‍കാനൊരുങ്ങി നടനും ബിജെപി എംപിയുമായ സുരേഷ്ഗോപി. കണ്ണൂര്‍ ഇരിട്ടി നഗരസഭയിലെ ബി.ജെ.പി സ്ഥാനാര്‍ത്ഥിയായി മത്സരിക്കുന്ന അസാം സ്വദേശിനി മുന്‍മിക്കാണ് സുരേഷ്ഗോപി വീട് നിര്‍മ്മിച്ച്‌ നല്‍കുക, നഗരസഭയിലെ പതിനൊന്നാം വാര്‍ഡായ വികാസ് നഗറിലാണ് ആസാം സ്വദേശിയായ മുന്‍മി മത്സരിക്കുക.

കണ്ണൂരില്‍ തൊഴിലാളിയായ സജേഷ് എന്ന കെ.എന്‍. ഷാജിയെ ഏഴ് വര്‍ഷം മുന്‍പ് വിവാഹം കഴിച്ചതോടെയാണ് ആസാമിലെ ലോഹാന്‍പൂര്‍ ജില്ലയിലുള്ള ബോഗിനടി ഗ്രാമത്തില്‍ നിന്നും മുന്‍മി ഇരിട്ടിയിലെത്തിയത്. ഇപ്പോള്‍ ഊവാപ്പള്ളിയിലെ അയ്യപ്പ ഭജനമഠത്തിന് സമീപം ഒരു വാടക വീട്ടിലാണ് സജേഷും മുന്‍മിയും മക്കളായ സാധികയും ഋതികയും അടങ്ങുന്ന കുടുംബം താമസിക്കുന്നത്.

വളരെ നന്നായി ഹിന്ദി സംസാരിക്കാന്‍ അറിയുന്ന ആളായിരുന്നു സജേഷ്. അതുകൊണ്ടുതന്നെ ഈ വിളി ഒരു പ്രണയത്തിന്റെ തുടക്കമായി. ഇരുവീട്ടുകാരുടെയും സമ്മതത്തോടെ ഇരിട്ടി കീഴൂരിലെ ക്ഷേത്രത്തില്‍ വെച്ച്‌ വിവാഹം നടന്നു. പാരമ്പര്യമായി കോണ്‍ഗ്രസ് കുടുംബമായിരുന്നു തന്റേതെന്ന് മുന്‍മി പറഞ്ഞു. അച്ഛന്‍ ലീലാ ഗൊഗോയിയും അമ്മ ഭവാനി ഗൊഗോയിയും കോണ്‍ഗ്രസ്സുകാര്‍ ആയിരുന്നു.

എന്നാല്‍, ഇന്ന് ആസാം അടിമുടി മാറിയെന്നും ബിജെപി സര്‍ക്കാര്‍ അധികാരത്തില്‍ എത്തിയതോടെ ആസാമിലെങ്ങും വന്‍ വികസനം വന്നതോടെ തന്റെ കുടുംബവും മാറി ചിന്തിക്കാന്‍ തുടങ്ങിയെന്നും വ്യക്തമായ മലയാളത്തില്‍ മുന്‍മി പറഞ്ഞു.

മലയാളം എഴുതാനും വായിക്കാനും കഴിയാത്തതാണ് പ്രയാസമെന്നും അതുകൂടി സായത്തമാക്കാനുള്ള ശ്രമം നടത്തിക്കൊണ്ടിരിക്കുകയാണ് താനെന്നും മുന്‍മി പറഞ്ഞു.

from ബ്രേവ് ഇന്ത്യ ന്യൂസ് https://ift.tt/2Ja01lq

Share:

Read More

യോഗി ആദിത്യനാഥിനെതിരെ വധ ഭീഷണി; മുംബൈ സ്വദേശി പിടിയില്‍

ലഖ്നൗ: ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിന് വധ ഭീഷണി മുഴക്കിയ മുംബൈ സ്വദേശി പിടിയില്‍. ഉത്തര്‍ പ്രദേശ് പോലീസിന്റെ വാട്‌സ് ആപ്പ് നമ്പറിലാണ് യോഗി ആദിത്യനാഥിനെ വധിക്കുമെന്ന സന്ദേശം ലഭിച്ചത്.

എന്നാല്‍ കഴിഞ്ഞ ദിവസം വൈകീട്ടോടെയാണ് 75700000100 എന്ന വാട്‌സ് ആപ്പ് നമ്പറിലേക്ക് ഭീഷണി സന്ദേശം എത്തിയത്. ഉടന്‍ തന്നെ പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിക്കുകയായിരുന്നു. പ്രത്യേക സംഘങ്ങള്‍ രൂപീകരിച്ചായിരുന്നു അന്വേഷണം.

സന്ദേശ ഉറവിടം കേന്ദ്രീകരിച്ച്‌ നടത്തിയ അന്വേഷണത്തിനൊടുവില്‍ സൈബര്‍ ടീമും ആഗ്ര പോലീസും സംയുക്തമായാണ് ഫോണിന്റെ ഉടമയെ കണ്ടെത്തിയത്. എന്നാല്‍ മൈനറായ കുട്ടിയുടെ ഫോണില്‍ നിന്നാണ് സന്ദേശം അയച്ചത്. വിവരങ്ങള്‍ ശേഖരിക്കാനായി കുട്ടിയെ പോലീസ് കസ്റ്റഡിയില്‍ എടുത്തു. പ്രായപൂര്‍ത്തിയാകാത്തതിനാല്‍ ഈ കുട്ടിതന്നെയാണോ സന്ദേശം അയച്ചതെന്ന് പോലീസ് പരിശോധിച്ച്‌ വരികയാണ്. പോലീസ് കസ്റ്റഡിയില്‍ എടുത്ത കുട്ടിയെ കൂടുതല്‍ ചോദ്യം ചെയ്യുന്നതിനായി ലഖ്നൗവിലേക്ക് കൊണ്ടു പോയി.

from ബ്രേവ് ഇന്ത്യ ന്യൂസ് https://ift.tt/2UXAJJE

Share:

Read More

ഒടുവില്‍ ട്രംപ് തോൽവി സമ്മതിക്കുന്നു; അധികാരമാറ്റത്തിനുള്ള ഒരുക്കങ്ങള്‍ക്ക് വൈറ്റ് ഹൗസിനു നിര്‍ദേശം

വാഷിംഗ്ടണ്‍: അമേരിക്കയില്‍ അധികാര കൈമാറ്റത്തിന് ഒരുക്കങ്ങള്‍ ആരംഭിച്ചു. തോല്‍വി പൂര്‍ണ്ണമായും അംഗീകരിക്കുന്നില്ലെങ്കിലും ‘ആവശ്യമായത് ചെയ്യാന്‍’ ട്രംപ് വൈറ്റ് ഹൗസ് ജനറല്‍ സര്‍വീസസ് അഡ്മിനിസ്‌ട്രേഷന്’ നിര്‍ദേശം ചെയ്തു. നിയുക്ത പ്രസിഡന്റ് ജോ ബൈഡന്റെ ഓഫീസ് ഒരുക്കുന്നതിനായി 64 ലക്ഷം ഡോളര്‍ അനുവദിക്കുകയും ചെയ്തു.

മിഷിഗണിലും ഫലം എതിരാണെന്ന് കണ്ടതോടെയാണ് അര്‍ദ്ധമനസ്സോടെയാണെങ്കിലും ട്രംപ് അധികാര കൈമാറ്റത്തിന് തയ്യാറായത്. ഇതുവരെ തോല്‍വി അംഗീകരിക്കാതിരുന്ന ട്രംപ് അധികാരം വിട്ടുകൊടുക്കാനുള്ള ഒരു നീക്കവും നടത്തിയിരുന്നില്ല.

ട്രംപിന്റെ പ്രഖ്യാപനത്തോടെ ബൈഡന് ഫണ്ടും ഓഫീസ് ഇടവും ജീവനക്കാരുടെ നിയമനവും സാധ്യമാകും. വിദേശകാര്യ, സുരക്ഷ വിഷയങ്ങളില്‍ ഏറ്റവും പരിചയ സമ്പന്നരായ വ്യക്തികളെ നേരത്തെ തന്നെ ബൈഡന്‍ പ്രഖ്യാപിച്ചു കഴിഞ്ഞിരുന്നു.

from ബ്രേവ് ഇന്ത്യ ന്യൂസ് https://ift.tt/3pXmgf2

Share:

Read More

ഇന്ത്യയില്‍ ആദ്യമെത്തുക കോവിഷീല്‍ഡ്; വിതരണം ജനുവരിയോടെ

ഡല്‍ഹി: ഇന്ത്യയില്‍ കോവിഡ് വാക്‌സിന്‍ വിതരണം ജനുവരിയോടെ സാധ്യമാകുമെന്ന് വിലയിരുത്തല്‍. ഓക്‌സ്‌ഫഡ് സര്‍വകലാശാലയും അസ്‌ട്രാസെനകയും ചേര്‍ന്ന് തയ്യാറാക്കുന്ന കോവിഷീല്‍ഡ് ആയിരിക്കും ഇന്ത്യയില്‍ ആദ്യമെത്തുക.

പൂണെ സിറം ഇന്‍സ്റ്റിറ്റ‌്യൂട്ട് ലഭ്യമാക്കുന്ന ഓക്‌സ്‌ഫഡ് വാക്‌സിന്റെ ട്രയല്‍ റിപ്പോര്‍ട്ട് ഡിസംബര്‍ അവസാനം ലഭിക്കും. മൂന്ന് ഘട്ടങ്ങളിലായി നടന്ന വാക്‌സിന്‍ പരീക്ഷണത്തില്‍ 70.4 ശതമാനം സ്ഥിരത പുലര്‍ത്തിയെന്നാണ് സിറം ഇന്‍സ്റ്റിറ്റ‌്യൂട്ട് അവകാശപ്പെടുന്നത്. കോവിഡ് വാക്‌സിന്‍ ഇന്ത്യയില്‍ ഉടന്‍ ലഭ്യമാക്കുമെന്ന് സിറം ഇന്‍സ്റ്റിറ്റ‌്യൂട്ട് സ്ഥാപകന്‍ ഡോ.സൈറസ്‌ പൂനെവാല പറഞ്ഞു.

“കോവിഡിനെതിരായ വാക്‌സിന്‍ ഉടന്‍ ലഭ്യമാകുമെന്നാണ് പ്രതീക്ഷ. വാക്‌സിന്‍ പൊതു വിപണിയിലെത്തിക്കാന്‍ ആവശ്യമായ അടിയന്തരാനുമതിക്കായി അടുത്ത 45 ദിവസത്തിനുള്ളില്‍ ഞങ്ങള്‍ അപേക്ഷിക്കും,” പൂനെവാല പറഞ്ഞു.

വാക്‌സിന്‍ ഉപയോഗിച്ച വ്യക്തികളില്‍ ഗുരുതര പ്രത്യാഘാതങ്ങളില്ലെന്നും അത്തരം രോഗികളെ ആശുപത്രിയില്‍ പ്രവേശിക്കേണ്ട അവസ്ഥ പോലും സംജാതമായിട്ടില്ലെന്നും ഇവര്‍ അവകാശപ്പെടുന്നു.

രണ്ട് ഡോസ് വാക്‌സിന്‍ സ്വീകരിച്ചതിന് ശേഷം 14 ദിവസമോ അതില്‍ കൂടുതലോ ദിവസങ്ങള്‍ക്കുള്ളില്‍ സംഭവിക്കുന്ന കോവിഡ് -19-ല്‍ നിന്ന് സംരക്ഷണം കാണിക്കുന്നതായാണ് ഒരു സ്വതന്ത്ര ഡാറ്റാ സേഫ്റ്റി മോണിറ്ററിംഗ് ബോര്‍ഡ് നിര്‍ണയിച്ചത്. വാക്‌സിനുമായി ബന്ധപ്പെട്ട ഗുരുതര സുരക്ഷാ സംഭവങ്ങളൊന്നും സ്ഥിരീകരിച്ചിട്ടില്ല.

ഓക്‌സ്‌ഫഡ് വാക്സിന്റെ രാജ്യാന്തര ഉല്‍പാദകരായ അസ്ട്രാസെനക്ക, വാക്സിന്റെ അടിയന്തര ഉപയോഗത്തിന് അനുമതി തേടി യുകെ അധികൃതരെ സമീപിച്ചിട്ടുണ്ട്. യുകെയുടെ നിലപാട് ഇന്ത്യ പരിശോധിക്കും.

നാല്‍പ്പത് മില്യണ്‍ വാക്‌സിന്‍ ഡോസുകള്‍ ഇതിനോടകം തയ്യാറായിട്ടുണ്ട്. അടുത്ത 45 – 60 ദിവസത്തിനുള്ളില്‍ 60 മില്യണ്‍ ഡോസുകള്‍ കൂടി ഉല്‍പ്പാദിപ്പിക്കാന്‍ സാധിക്കുമെന്നാണ് കരുതുന്നതെന്ന് സിറം ഇന്‍സ്റ്റിറ്റ‌്യൂട്ട് മേധാവി ഒരു ദേശീയ മാധ്യമത്തോട് പറഞ്ഞു.

കോവിഷീല്‍ഡ് വാക്‌സിന്‍ താരതമ്യേന ചെറിയ വിലയില്‍ വിപണിയിലെത്തിക്കാന്‍ സാധിക്കുമെന്ന് സിറം ഇന്‍സ്റ്റിറ്റ‌്യൂട്ട് സിഇഒ അധര്‍ പൂനെവാലയും പറഞ്ഞു. ആദ്യ ഡോസ് 90 ശതമാനം സ്ഥിരത പുലര്‍ത്തുന്നതായും രണ്ടാം ഡോസ് 62 ശതമാനം സ്ഥിരത പുലര്‍ത്തുന്നതായും അദ്ദേഹം വ്യക്തമാക്കി.

ഓക്‌സ്‌ഫോര്‍ഡ് യൂണിവേഴ്‌സിറ്റിയും ആസ്‌ട്രസെനെകയും ചേര്‍ന്നാണ് ഇന്ത്യയില്‍ കോവിഡ് വാക്‌സിന്‍ നിര്‍മിക്കുന്നത്. കോവിഡ് വാക്‌സിന്‍ മുതിര്‍ന്നവരില്‍ 99 ശതമാനം വിജയമെന്നു രണ്ടാംഘട്ട പരീക്ഷണഫലത്തില്‍ സൂചിപ്പിക്കുന്നുണ്ട്. 60 വയസിനു മുകളിലുള്ളവരില്‍ നടത്തിയ പരീക്ഷണത്തിന്റെ വിശദമായ ഫലം ശാസ്ത്ര പ്രസിദ്ധീകരണമായ ലാന്‍സെറ്റിലൂടെ പുറത്തുവിട്ടിരുന്നു. ഇന്ത്യയുടെ കോവിഡ് വാക്‌സിന്‍ ഏറെ ഫലപ്രദമെന്നാണ് ഇതിലെ റിപ്പോര്‍ട്ടുകളും സൂചിപ്പിക്കുന്നതും.

രണ്ട് ഡിഗ്രി സെല്‍ഷ്യസ് മുതല്‍ എട്ട് ഡിഗ്രി സെല്‍ഷ്യസ് വരെയുള്ള താപനിലയിലാണ് വാക്‌സിന്‍ സൂക്ഷിക്കേണ്ടിവരിക. സ്വകാര്യ വിപണിയില്‍ 500 മുതല്‍ 600 വരെയായിരിക്കും വാക്‌സിന്‍ വിലയെന്നും സിറം വ്യക്തമാക്കുന്നു. രണ്ട് ഡോസിന് ആയിരം രൂപയായിരിക്കും വില.

അതേസമയം, മറ്റ് രാജ്യങ്ങളുടെ വാക്‌സിനും ഉടന്‍ പുറത്തിറക്കാന്‍ സാധിക്കുമെന്ന റിപ്പോര്‍ട്ടുകളാണ് പുറത്തുവരുന്നത്. നേരത്തെ, യുഎസ് കമ്പനിയായ ഫെെസര്‍ കോവിഡ് വാക്‌സിന്‍ പരീക്ഷണം 90 ശതമാനം വിജയകരമെന്ന് അവകാശപ്പെട്ടിരുന്നു. തങ്ങളുടെ വാക്‌സിന്‍ പരീക്ഷണം 95 ശതമാനവും വിജയകരമെന്നാണ് ഇപ്പോള്‍ ഫെെസര്‍ അവകാശപ്പെടുന്നത്.

വാക്സിനിന്റെ ക്ലിനിക്കല്‍ ട്രയലുമായി ബന്ധപ്പെട്ട ഒടുവില്‍ ലഭിച്ച ഫലങ്ങള്‍ 95% ഫലപ്രദമാണെന്ന് ഫെെസര്‍ പറഞ്ഞു. ഇതിന് ആവശ്യമായ രണ്ട് മാസത്തെ സുരക്ഷാ ഡാറ്റയുണ്ടെന്നും ദിവസങ്ങള്‍ക്കുള്ളില്‍ യുഎസ് സര്‍ക്കാരിന്റെ അടിയന്തര അംഗീകാരത്തിന് അപേക്ഷിക്കുമെന്നും കമ്പനി വ്യക്തമാക്കി.

എല്ലാ പ്രായത്തിലുമുള്ളവരിലും വ്യത്യസ്‌ത ജനവിഭാഗങ്ങളിലും വാക്‌സിന്‍ ഫലപ്രാപ്‌തി കാണിക്കുന്നുണ്ടെന്നും വലിയ പാര്‍ശ്വഫലങ്ങളൊന്നുമില്ലെന്നും വാക്‌സിന്‍ നിര്‍മാതാക്കള്‍ അവകാശപ്പെട്ടു. കോവിഡ് ബാധിതരില്‍ പ്രത്യേകിച്ച്‌ 65 വയസ്സിനു മുകളിലുള്ളവരില്‍ വാക്‌സിന്‍ 94 ശതമാനവും സ്ഥിരത പുലര്‍ത്തുന്നുണ്ടെന്നാണ് ഫൈസര്‍ പറയുന്നത്.

ജര്‍മന്‍ കമ്പനിയായ ബയേണ്‍ടെക്കുമായി ചേര്‍ന്നാണ് ഫൈസര്‍ കോവിഡ് വാക്‌സിന്‍ വികസിപ്പിക്കുന്നത്. ക്ലിനിക്കല്‍ പരീക്ഷണങ്ങളില്‍ 90 ശതമാനവും വിജയമാണെന്നാണ് ഇവര്‍ ഒരാഴ്‌ച മുന്‍പ് അറിയിച്ചത്. നിലവില്‍ പരീക്ഷണങ്ങള്‍ നടത്തിവരുന്ന വാക്‌സിനുകളില്‍ ഏറ്റവും വേഗത്തില്‍ വിജയം കാണാന്‍ സാധ്യതയുള്ളത് ഫൈസറിന്റേതാണ്.

ഫൈസറിന് പിന്നാലെ കോവിഡ് വാക്‌സിന്‍ ഫലപ്രാപ്‌തിയിലെത്തിയെന്ന അവകാശവാദവുമായി റഷ്യ രംഗത്തെത്തി. കോവിഡ് പ്രതിരോധത്തിനായി തങ്ങള്‍ വികസിപ്പിച്ച സ്പുട്നിക് 5 വാക്സിന്‍ 92 ശതമാനം ഫലപ്രദമാണെന്നാണ് റഷ്യയുടെ അവകാശവാദം. ബെലാറസ്, യു.എ.ഇ., വെനസ്വേല തുടങ്ങിയ രാജ്യങ്ങളില്‍ വാക്സിന്റെ മൂന്നാം ഘട്ട ക്ലിനിക്കല്‍ പരീക്ഷണങ്ങള്‍ പുരോഗമിക്കുകയാണ്. ഈ വാക്സിനുകളും ഇന്ത്യയില്‍ ലഭ്യമാക്കാനുള്ള നടപടികള്‍ സ്വീകരിക്കും.

from ബ്രേവ് ഇന്ത്യ ന്യൂസ് https://ift.tt/3nOQXkO

Share:

Read More

പരസ്യ പ്രതികരണത്തിനില്ല; പ്രദീപിനെ പേഴ്‌സണല്‍ സ്റ്റാഫില്‍ നിന്ന് പുറത്താക്കിയെന്ന് ഗണേഷ് കുമാര്‍ എംഎല്‍എ

പത്തനാപുരം: നടിയെ ആക്രമിച്ച കേസിലെ മാപ്പ് സാക്ഷിയെ ഭീഷണിപ്പെടുത്തിയ കേസില്‍ അറസ്റ്റിലായ പ്രദീപ് കുമാറിനെ പേഴ്‌സണല്‍ സ്റ്റാഫില്‍ നിന്ന് പുറത്താക്കിയെന്ന് കെബി ഗണേഷ് കുമാര്‍ എംഎല്‍എ. ഇതുമായി ബന്ധപ്പെട്ട് പരസ്യപ്രതികരണത്തിന് ഇല്ലെന്നും ഗണേഷ് കുമാര്‍ എംഎല്‍എ പറഞ്ഞു. ഇന്ന് പുലര്‍ച്ചയോടെ എംഎല്‍എയുടെ ഓഫീസിലെത്തിയ ബേക്കല്‍ പൊലീസാണ് പ്രദീപ് കുമാറിനെ അറസ്റ്റ് ചെയ്തത്.

കാസര്‍​ഗോഡ് സിഐയുടെ നേതൃത്വത്തില്‍ പത്തനാപുരത്ത് എത്തിയ പൊലീസ് സംഘം പ്രദീപ് കുമാറുമായി കാസര്‍​ഗോഡേക്ക് തിരിച്ചു. നടിയെ ആക്രമിച്ച കേസിലെ സാക്ഷി ബേക്കല്‍ മലാകുന്ന് സ്വദേശി വിപിന്‍ ലാലിന്റെ പരാതിയിലാണ് പൊലീസ് കേസെടുത്തത്.

കെ ബി ഗണേഷ് കുമാറിന്റെ ഓഫീസ് സെക്രട്ടറിയാണ് പ്രദീപ് കുമാര്‍. ഇയാളുടെ മുന്‍കൂര്‍ ജാമ്യാപേക്ഷ കഴിഞ്ഞ ദിവസം കാസര്‍ഗോഡ് സെഷന്‍സ് കോടതി തള്ളിയിരുന്നു. അന്വേഷണം ഇപ്പോള്‍ പ്രാരംഭ ഘട്ടത്തിലാണെന്നും പ്രതിയെ കസ്റ്റഡിയില്‍ എടുത്ത് ചോദ്യം ചെയ്യണമെന്ന പ്രോസിക്യൂഷന്‍ വാദം കോടതി അംഗീകരിക്കുകയായിരുന്നു.

സാക്ഷിയെ സ്വാധീനിക്കാന്‍ ശ്രമിച്ചതിന് പിന്നില്‍ ഉന്നത ഗൂഡാലോചന നടന്നിട്ടുണ്ട്. 2020 ജനുവരി 20ന് എറണാകുളത്തെ ഒരു യോഗവും നടന്നിട്ടുണ്ട്. പ്രദീപ് ഈ ഗൂഡാലോചനയില്‍ പങ്കെടുത്തോ എന്നുള്ള കാര്യം അറിയാനുണ്ടെന്നും പൊലീസ് കോടതിയില്‍ സമര്‍പ്പിച്ച റിപ്പോര്‍ട്ടില്‍ വ്യക്തമാക്കിയിരുന്നു. കേസില്‍ ഗൂഡാലോചന നടന്നിട്ടുണ്ട്, ഗുഡാലോചന നടത്തിയവര്‍ ആരൊക്കെ, എന്തിനായിരുന്നു ഇത് എന്ന് തുടങ്ങിയ കാര്യങ്ങള്‍ വിശദമായ ചോദ്യം ചെയ്യലിലൂടെ മാത്രമേ അറിയാന്‍ കഴിയുമെന്നും പൊലീസ് വ്യക്തമാക്കുന്നു.

 

from ബ്രേവ് ഇന്ത്യ ന്യൂസ് https://ift.tt/373C7A7

Share:

Read More

പോലീസ് നിയമ ഭേദഗതി; ഓർഡിനൻസ് റദ്ദ് ചെയ്യണമെന്നാവശ്യപ്പെട്ട് ഗവര്‍ണറെ സമീപിക്കാനൊരുങ്ങി പിണറായി സർക്കാർ

തിരുവനന്തപുരം: വ്യാപക പ്രതിഷേധം ഉയർന്നതിനെ തുടർന്ന് പോലീസ് നിയമ ഭേദഗതി ഓര്‍ഡിനന്‍സ് റദ്ദ് ചെയ്യണമെന്ന് ആവശ്യപ്പെട്ട് ഗവര്‍ണറെ സമീപിക്കാനൊരുങ്ങി കേരള സര്‍ക്കാര്‍. തീരുമാനത്തിന്റെ സാഹചര്യം ഗവര്‍ണറെ ബോധ്യപ്പെടുത്താനാണ് സര്‍ക്കാര്‍ തീരുമാനം. പോലീസ് നിയമഭേദഗതി പിന്‍വലിക്കാന്‍ രാഷ്ട്രീയതീരുമാനം എടുത്തെങ്കിലും ഭരണപരമായ നടപടിക്രമങ്ങള്‍ ഇനിയും ബാക്കിയാണ്.

സ്വന്തം പാര്‍ട്ടിയുടേയും മുന്നണിയുടേയും നയങ്ങളില്‍ നിന്ന് വ്യതിചലിച്ചെന്ന വിമര്‍ശനം ഒഴിവാക്കാന്‍ സര്‍ക്കാരിന് മുന്നില്‍ മറ്റുവഴികള്‍ ഇല്ലായിരുന്നു എന്നതാണ് വസ്തുത. അതുകൊണ്ടാണ് കടുത്ത തീരുമാനത്തിലേക്ക് സര്‍ക്കാര്‍ നീങ്ങിയത്. എന്നാല്‍ ഇനി മൂന്നു വഴികളാണ് സര്‍ക്കാരിനു മുന്നില്‍. ഭരണഘടനയുടെ അനുച്ഛേദം 213(2)പ്രകാരം നിയമസഭാ സമ്മേളനം തുടങ്ങുന്ന ദിവസം മുതല്‍ ആറാഴ്ച വരെ ഓര്‍ഡിനന്‍സ് നിയമപ്രാബല്യമുണ്ടാകും. ആറാഴ്ചയ്ക്കുള്ളില്‍ ബില്‍ അവതരിപ്പിച്ച്‌ പാസാക്കിയില്ലെങ്കില്‍ ഓര്‍ഡിനന്‍സ് റദ്ദാകും. ഓര്‍ഡിനന്‍സ് റദ്ദ് ചെയ്യണമെന്ന പ്രമേയം സഭയില്‍ അവതരിപ്പിച്ച്‌ പാസാക്കിയെടുക്കാമെന്നാണ് മറ്റൊരു വഴി.

അതേസമയം സഭാ സമ്മേളനം ഇനി ജനുവരിയിലേ ഉണ്ടാകൂ. ഓര്‍ഡിനന്‍സ് റദ്ദ് ചെയ്യാനുള്ള തീരുമാനം വൈകുംതോറും രാഷ്ട്രീയ സമ്മര്‍ദ്ദമേറും. ഓര്‍ഡിനന്‍സില്‍ നിന്ന് പിന്മാറുന്നെന്ന് വെറുതേ പറഞ്ഞാല്‍ പോരാ, റദ്ദ് ചെയ്യണമെന്ന് പ്രതിപക്ഷം ആവശ്യപ്പെട്ടു കഴിഞ്ഞു. അതിനാലാണ് സര്‍ക്കാര്‍ മൂന്നാമത്തെ വഴി തേടുന്നത്. മന്ത്രിസഭ ശുപാര്‍ശ ചെയ്താല്‍ ഗവര്‍ണര്‍ക്ക് ഓര്‍ഡിനന്‍സ് പിന്‍വലിക്കാം. ഈ വഴിയിലൂടെയാകും സര്‍ക്കാര്‍ നീങ്ങുക.

എന്നാല്‍ മാധ്യമങ്ങള്‍ക്കു നിയന്ത്രണം ഏര്‍പ്പെടുത്തുന്ന നിയമഭേദഗതിയോട് ഗവര്‍ണര്‍ക്ക് പൂര്‍ണ യോജിപ്പുണ്ടായിരുന്നില്ലെന്നാണ് വിലയിരുത്തല്‍. ഇപ്പോള്‍ രണ്ടു ദിവസത്തിനുള്ളില്‍ ഓര്‍ഡിനന്‍സ് പിന്‍വലിക്കാന്‍ സര്‍ക്കാര്‍ ആവശ്യപ്പെട്ടാല്‍ അക്കാര്യത്തിലും ഗവര്‍ണര്‍ക്ക് വിശദീകരണം തേടാം. അത് സര്‍ക്കാരിനെ കൂടുതല്‍ പ്രതിസന്ധിയിലാക്കും.

from ബ്രേവ് ഇന്ത്യ ന്യൂസ് https://ift.tt/2URVTJc

Share:

Read More

സ്വര്‍ണക്കടത്ത് കേസ്: എം ശിവശങ്കറിന്റെ അറസ്റ്റ് കസ്റ്റംസ് ഇന്ന് രേഖപ്പെടുത്തും

നയതന്ത്ര ചാനല്‍ വഴി സ്വര്‍ണ കടത്തിയ കേസില്‍ മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം. ശിവശങ്കറിന്‍റെ അറസ്റ്റ് ഇന്ന് കസ്റ്റംസ് രേഖപ്പെടുത്തും. എന്‍ഫോഴ്സ്മെന്റ് കേസില്‍ ശിവശങ്ക‌ര്‍ ജുഡീഷ്യല്‍ കസ്റ്റഡിയില്‍ കഴിയുന്ന കാക്കനാട് ജില്ലാ ജയിലില്‍ എത്തിയാണ് അറസ്റ്റ് രേഖപ്പെടുത്തുക.

അറസ്റ്റ് രേഖപ്പെടുത്താന്‍ ഇന്നലെ കോടതി അനുമതി നല്‍കിയെങ്കിലും സാങ്കേതിക കാരണങ്ങളാല്‍ ഇന്നത്തേക്ക് മാറ്റുകയായിരുന്നു. അറസ്റ്റിനു ശേഷം കസ്റ്റഡിയില്‍ ചോദ്യം ചെയ്യാന്‍ കോടതിയില്‍ കസ്റ്റംസ് അപേക്ഷ നല്‍കും.

ഇതിനിടെ വിദേശത്തേക്ക് ഡോളര്‍ കടത്തിയ കേസില്‍ സ്വപ്നയെയും സരിതിനെയും കസ്റ്റഡിയില്‍ വിട്ടു കിട്ടണമെന്ന കസ്റ്റംസിന്റെ അപേക്ഷ ഇന്ന് സാമ്പത്തിക കുറ്റകൃത്യങ്ങള്‍ കൈകാര്യം ചെയ്യുന്ന കൊച്ചിയിലെ കോടതി പരിഗണിക്കും. രണ്ടു പേരെയും വീഡിയോ കോണ്‍ഫറന്‍സിലൂടെ ഹാജരാക്കാന്‍ കോടതി നിര്‍ദ്ദേശിച്ചിട്ടുണ്ട്.

ഇന്നലെയാണ് സ്വര്‍ണ്ണക്കള്ളക്കടത്ത് കേസില്‍ എം ശിവശങ്കറിനെ അറസ്റ്റ് ചെയ്യാന്‍ കസ്റ്റംസിന് കോടതി അനുമതി നല്‍കിയത്. എറണാകുളം സെഷന്‍സ് കോടതിയാണ് അറസ്റ്റിന് അനുമതി നല്‍കിയത്. ശിവശങ്കറിന്‍റെ പങ്കിന് തെളിവ് കിട്ടിയെന്ന് കസ്റ്റംസ് കോടതിയില്‍ വ്യക്തമാക്കി.

അതേസമയം യുഎഇ കോണ്‍സുല്‍ ജനറലും അറ്റാഷെയും വിദേശത്തേക്ക് ഡോളര്‍ കടത്തിയെന്ന് കസ്റ്റംസ് കോടതിയില്‍ പറഞ്ഞു. നിരവധി തവണ ഇരുവരും വിദേശത്തേക്ക് ഡോളര്‍ കടത്തിയെന്നാണ് കസ്റ്റംസ് വ്യക്തമാക്കുന്നത്.

എന്നാല്‍ ശിവശങ്കറിനെ ഇതുവരെ സ്വര്‍ണക്കടത്തുമായി ബന്ധപ്പെടുത്താനായിട്ടില്ലെന്നാണ് എന്‍ഐഎ ഉദ്യോഗസ്ഥര്‍ പറയുന്നത്. യുഎപിഎ ചുമത്തിയ ഭീകരവാദ കേസുകളാണ് എന്‍ഐഎ അന്വേഷിക്കുന്നത്. അതില്‍ ശിവശങ്കറിനെതിരെ ഇതുവരെ തെളിവൊന്നും ലഭിച്ചിട്ടില്ല. തെളിവില്ലാതെ ഭീകരവാദ കേസില്‍ ഒരാളെ പ്രതി ചേര്‍ക്കാനാവില്ലെന്ന് എന്‍ഐഎ ഉദ്യോഗസ്ഥര്‍ പറയുന്നു. അന്വേഷണം തുടരുകയാണെന്നും, ഇഡി കോടതിയില്‍ ഉന്നയിച്ച വാദങ്ങളുടെ പശ്ചാത്തലത്തില്‍ ഇക്കാര്യങ്ങള്‍ പരിശോധിക്കുമെന്നും എന്‍ഐഎ വൃത്തങ്ങള്‍ പറഞ്ഞു.

from ബ്രേവ് ഇന്ത്യ ന്യൂസ് https://ift.tt/36ZER1C

Share:

Read More

കൊവിഡ് സാഹചര്യം വിലയിരുത്തൽ; പ്രധാനമന്ത്രി ഇന്ന് മുഖ്യമന്ത്രിമാരുമായി ചര്‍ച്ച നടത്തും

ഡല്‍ഹി: രാജ്യത്തെ കൊവിഡ് സാഹചര്യം വിലയിരുത്താൻ പ്രധാനമന്ത്രി നരേന്ദ്ര മോദി ഇന്ന് മുഖ്യമന്ത്രിമാരുമായി ചര്‍ച്ച നടത്തും. വിഡിയോ കോണ്‍ഫറന്‍സിലൂടെയാണ് ചര്‍ച്ച. രാജ്യത്ത് വൈറസ് വ്യാപനം രൂക്ഷമായ ഡല്‍ഹി, മഹാരാഷ്ട്ര, കേരളം, പശ്ചിമബംഗാള്‍, രാജസ്ഥാന്‍ എന്നീ സംസ്ഥാനങ്ങളിലെ സ്ഥിതിഗതികളാണ് പ്രധാനമായും ചര്‍ച്ച ചെയ്യുക.

അതേസമയം കൊവിഡ് വാക്സിനുകളില്‍ ചിലതിന്റെ പരീക്ഷണം അന്തിമഘട്ടത്തില്‍ നില്‍ക്കുന്ന സാഹചര്യത്തില്‍ അതിന്റെ വിതരണം സംബന്ധിച്ച കാര്യങ്ങളും അടിയന്തിരമായി വാക്സിന് അംഗീകാരം നല്‍കുന്നതിനെകുറിച്ചും ചര്‍ച്ച ചെയ്യും.

from ബ്രേവ് ഇന്ത്യ ന്യൂസ് https://ift.tt/3pV6QYF

Share:

Read More

സാക്ഷിയെ ഭീഷണിപ്പെടുത്തിയ കേസ്: ഗണേഷ് കുമാര്‍ എംഎല്‍എയുടെ സെക്രട്ടറി അറസ്റ്റില്‍

പത്തനാപുരം: നടിയെ ആക്രമിച്ച കേസില്‍ സാക്ഷിയെ ഭീഷണിപ്പെടുത്തിയെന്ന കേസില്‍ കെ.ബി.ഗണേഷ്‌കുമാര്‍ എംഎല്‍എയുടെ ഓഫിസ് സെക്രട്ടറി പ്രദീപ് കോട്ടാത്തല അറസ്റ്റില്‍. പുലര്‍ച്ചെ പത്തനാപുരത്ത് നിന്നായിരുന്നു അറസ്റ്റ്. പ്രദീപിനെ കാസര്‍ഗോഡേക്ക് കൊണ്ടുപോയി.

കേസുമായി ബന്ധപ്പെട്ട് പ്രദീപ് കുമാറിനെ നേരത്തെ ചോദ്യം ചെയ്‌തിരുന്നു. പ്രദീപ് കുമാറിന്റെ മുന്‍കൂര്‍ ജാമ്യാപേക്ഷ പരിഗണിച്ച കോടതി ചോദ്യം ചെയ്യലിന് ഹാജരാകാന്‍ നിര്‍ദേശിക്കുകയായിരുന്നു. കാഞ്ഞങ്ങാട് ഡിവെെഎസ്‌പി ഓഫീസിലായിരുന്നു ചോദ്യം ചെയ്യല്‍. നടിയെ ആക്രമിച്ച കേസിലെ മാപ്പുസാക്ഷി വിപിന്‍ലാലിനെ മൊഴിമാറ്റാന്‍ ഭീഷണിപ്പെടുത്തിയെന്നതാണ് പ്രദീപിനെതിരായ കേസ്.

കേസിലെ എട്ടാംപ്രതിയായ ദിലീപിനെതിരെ മൊഴി നല്‍കിയാല്‍ സാമ്പത്തിക നേട്ടം ഉണ്ടാകുമെന്നും തിരിച്ചായാല്‍ ജീവഹാനി ഉണ്ടാകുമെന്നും ഭീഷണി കത്തുകള്‍ ലഭിച്ചതോടെയാണ് വിപിന്‍ലാല്‍ പൊലീസില്‍ പരാതിപ്പെട്ടത്. സെപ്റ്റംബര്‍ 24, 25, 26 തിയതികളിലാണ് മൂന്ന് ഭീഷണിക്കത്തുകള്‍ ലഭിച്ചത്. സെപ്റ്റംബര്‍ 26നാണ് പരാതിയില്‍ പൊലീസ് കേസെടുത്ത് അന്വേഷണം ആരംഭിച്ചത്.

പ്രദീപ്, വിപിന്‍ ലാലിന്റെ നാടായ ബേക്കലിലെത്തി അമ്മയേയും അമ്മാവനേയും കണ്ട് മൊഴി മാറ്റാന്‍ സമ്മര്‍ദ്ദം ചെലുത്തിയിരുന്നതായും അമ്മാവന്‍റെ ജ്വല്ലറിയിലെത്തി അദ്ദേഹം മുഖേന സ്വാധീനിക്കാന്‍ ശ്രമിതായും അമ്മയെ ഫോണില്‍ വിളിച്ച്‌ മൊഴി മാറ്റാന്‍ നിര്‍ദേശിച്ചെന്നും വിപിന്‍ലാലിന്റെ പരാതിയിലുണ്ട്. ബന്ധുവിന്റെ ജ്വല്ലറിയിലെത്തിയ സിസിടിവി ദൃശ്യങ്ങള്‍ പരിശോധിച്ചാണ് ഭീഷണിപ്പെടുത്തിയ വ്യക്തി കെ.ബി ഗണേഷ്കുമാര്‍ എം.എല്‍.എയുടെ ഓഫിസ് സെക്രട്ടറിയാണെന്ന് കണ്ടെത്തിയത്.

from ബ്രേവ് ഇന്ത്യ ന്യൂസ് https://ift.tt/2J54BkG

Share:

Read More

ജമ്മു കശ്മീർ പതാകയല്ലാതെ മറ്റൊരു പതാകയും കൈകൊണ്ട് തൊടില്ലെന്ന് മെഹബൂബ മുഫ്തി; ദേശീയ പതാകയെ അപമാനിച്ചതിന് ഡൽഹി ഹൈക്കോടതിയിൽ ഹർജി

ഡൽഹി: ജനാധിപത്യപരമായി തെരഞ്ഞെടുക്കപ്പെട്ട സർക്കാരിനെതിരെ വർഗ്ഗീയ പരാമർശം നടത്തിയതിന് ജമ്മു കശ്മീർ മുൻ മുഖ്യമന്ത്രി മെഹബൂബ മുഫ്തിക്കെതിരെ ഡൽഹി ഹൈക്കോടതിയിൽ ഹർജി. ‘കൊള്ളക്കാർ നമ്മുടെ പതാക അപഹരിച്ചു‘ എന്ന മെഹബൂബയുടെ പരാമർശം വർഗ്ഗീയവും അപമാനകരവും അക്രമത്തിന് ആഹ്വാനം ചെയ്യുന്നതും ആണെന്ന് ചൂണ്ടിക്കാട്ടി വിനീത് ജിൻഡാൽ എന്ന അഭിഭാഷകനാണ് ഹർജി നൽകിയിരിക്കുന്നത്.

സമുദായങ്ങൾക്കിടയിൽ സ്പർദ്ധയും അസ്വസ്ത്ഥതയും സൃഷ്ടിക്കുന്നതാണ് മെഹബൂബയുടെ പരാമർശം. വ്യവസ്ഥാപിതമായ ഭരണകൂടത്തിനെതിരെയുള്ള യുദ്ധ പ്രഖ്യാപനമാണ് മെഹബൂബയുടെ വാക്കുകളെന്നും ഹർജിക്കാരൻ ചൂണ്ടിക്കാട്ടുന്നു. മെഹബൂബയുടെ വാക്കുകൾ സാമുദായിക സൗഹാർദ്ദം തകർക്കുന്നതാണെന്നും ഹർജിയിൽ പറയുന്നു.

ജമ്മു കശ്മീർ പതാകയല്ലാതെ മറ്റൊരു പതാകയും താൻ കൈകൊണ്ട് തൊടില്ലെന്ന മെഹബൂബയുടെ വാക്കുകൾ ദേശീയ പതാകയോടുള്ള അവഹേളനമാണെന്നും ഹർജിയിൽ പറയുന്നു. ഇതിലൂടെ ജമ്മു കശ്മീർ ഇന്ത്യൻ യൂണിയന്റെ ഭാഗമല്ലെന്ന സന്ദേശമാണ് മെഹബൂബ നൽകുന്നത്. മാധ്യമങ്ങൾക്ക് മുന്നിൽ ദേശീയ ഭരണ സംവിധാനത്തെയും ദേശീയ പ്രതീകങ്ങളെയും അപമാനിച്ച മെഹബൂബയുടെ നടപടിയിൽ കേസെടുത്ത് വിചാരണ നടത്തണമെന്നാണ് ഹർജിക്കാരന്റെ ആവശ്യം.

from ബ്രേവ് ഇന്ത്യ ന്യൂസ് https://ift.tt/2J383fO

Share:

Read More

‘ബാർക്കോഴ കേസ് അട്ടിമറിച്ചത് പിണറായി വിജയൻ‘; ബിജു രമേശിന്റെ വെളിപ്പെടുത്തൽ ഇടത്- വലത് മുന്നണികളുടെ ഒത്തുതീർപ്പ് രാഷ്ട്രീയത്തിന്റെ ഉദാഹരണമെന്ന് കെ സുരേന്ദ്രൻ

കോട്ടയം: ബാർ കോഴ കേസിലെ ബിജു രമേശിന്റെ വെളിപ്പെടുത്തൽ ഇരു മുന്നണികളുടെയും ഒത്തുതീർപ്പ് രാഷ്ട്രീയത്തിന്റെ ഉദാഹരണമെന്ന് ബിജെപി സംസ്ഥാന അധ്യക്ഷൻ കെ സുരേന്ദ്രൻ. ബാർക്കോഴ കേസിന്റെ അന്വേഷണം കെ.എം മാണി വന്ന് കണ്ടതിന് ശേഷം പിണറായി വിജയൻ അവസാനിപ്പിച്ചുവെന്നാണ് ബിജുരമേശിന്റെ വെളിപ്പെടുത്തൽ. എൽഡിഎഫും യുഡിഎഫും ഒത്തുകളിക്കുകയാണെന്ന ബിജെപിയുടെ ആരോപണം ശരിവെക്കുന്നതാണ് ബിജു രമേശിന്റെ വെളിപ്പെടുത്തലെന്നും അദ്ദേഹം പറഞ്ഞു.

ഇരു മുന്നണികളുടേയും നേതാക്കൾക്ക് കോടിക്കണക്കിന് രൂപയുടെ കള്ളപ്പണ ഇടപാടുകളുണ്ട്. ഒത്തുതീർപ്പാക്കലുകളുടെ പിന്നിലും സാമ്പത്തിക താത്പര്യങ്ങളാണ്. വരവിൽ കവിഞ്ഞ സ്വത്ത് സമ്പാദിക്കുന്നതു കൊണ്ടാണ് നേതാക്കൾ അഴിമതി കേസുകൾ ഒത്തുതീർപ്പാക്കുന്നത്. അഴിമതിയാണ് ഇരുമുന്നണികളുടേയും മുഖമുദ്ര. ബാർക്കോഴ കേസ് അട്ടിമറിച്ചത് മുഖ്യമന്ത്രി പിണറായി വിജയനാണ്. ബിജു രമേശിനോട് ആരോപണത്തിൽ ഉറച്ചു നിൽക്കാൻ പറഞ്ഞ ശേഷം പിണറായി പിൻമാറുകയായിരുന്നു.

കേസ് അട്ടിമറിച്ചതിൽ നിന്നും പിണറായിക്ക് എന്ത് ലാഭമാണ് ഉണ്ടായതെന്ന് വ്യക്തമാക്കണം? ഏത് വ്യവസ്ഥയുടെ അടിസ്ഥാനത്തിലാണ് കേസ് അട്ടിമറിച്ചു കൊടുക്കുത്തത്? എന്തിനാണ് ഉമ്മൻചാണ്ടി, രമേശ് ചെന്നിത്തല, കെ.ബാബു എന്നിവരെ രക്ഷിക്കാൻ ശ്രമിച്ചത്? കൈക്കൂലി കൊടുക്കാനുള്ള 10 കോടി രൂപ ആരാണ് പിരിച്ചത്? ആർക്കാണ് കൊടുത്തത്? എന്നെല്ലാം അന്വേഷിക്കണമെന്നും സുരേന്ദ്രൻ പറഞ്ഞു.

യുഡിഎഫും എൽഡിഎഫും ഒരേ തൂവൽ പക്ഷികളാണ്. ജോസ് കെ.മാണി മുന്നണി മാറിയപ്പോൾ വിശുദ്ധനായി. കേന്ദ്ര ഏജൻസികളുടെ അന്വേഷണം വന്നതു കൊണ്ട് മാത്രമാണ് അഴിമതികൾ പുറത്തായത്. തദ്ദേശ തിരഞ്ഞെടുപ്പോടെ എല്ലാ അഴിമതികൾക്കും അറുതിയാവും. അഴിമതി മുന്നണികൾക്ക് കനത്ത ശിക്ഷ ജനങ്ങൾ നൽകും. അഴിമതിക്കെതിരെ ഒരു വോട്ട് എന്ന മുദ്രാവാക്യം ഉയർത്തിയ യുഡിഎഫ് നേതാവിന്റെ വീട്ടിൽ നിന്നും നേതാവിനെ രക്ഷിക്കാൻ വീട്ടുകാർ ബിജുവിനെ വിളിച്ചത് ദയനീയമാണ്.

ഇഡിക്ക് അഴിമതിയും കള്ളപ്പണവും അന്വേഷിക്കാനുള്ള അധികാരമുണ്ട്. നിയമസഭ അവകാശ ലംഘനത്തിന് നോട്ടീസ് നൽകേണ്ടത് ധനമന്ത്രി തോമസ് ഐസക്കിനാണ്. മാദ്ധ്യമങ്ങളെയും രാഷ്ട്രീയ എതിരാളികളെയും കൂച്ചുവിലങ്ങിടാനുള്ള പിണറായിയുടെ ശ്രമങ്ങളെ ചെറുക്കുമെന്നും സുരേന്ദ്രൻ കോട്ടയത്ത് വാർത്താ സമ്മേളനത്തിൽ പറഞ്ഞു.

from ബ്രേവ് ഇന്ത്യ ന്യൂസ് https://ift.tt/3kXlD1w

Share:

Read More

പെൺകുട്ടിയെ തീ കൊളുത്തി കൊന്ന കേസ്; പ്രതിക്ക് ജീവപര്യന്തം തടവും അഞ്ച് ലക്ഷം പിഴയും

തൃശൂർ: ചീയാരത്ത് പെൺകുട്ടിയെ കഴുത്തറുത്ത ശേഷം തീ കൊളുത്തി കൊന്ന കേസിൽ പ്രതിയ്ക്ക് ജീവപര്യന്തം തടവും അഞ്ചു ലക്ഷം രൂപ പിഴയും. എഞ്ചിനീയറിംഗ് വിദ്യാർത്ഥിനി നീതുവിനെ കൊന്ന കേസിൽ വടക്കേക്കാട് സ്വദേശി നിധീഷിനാണ് തൃശ്ശൂര്‍ ജില്ലാ പ്രിൻസിപ്പൽ കോടതി ശിക്ഷ വിധിച്ചത്.

2019 ഏപ്രില്‍ നാലിനാണ് കേസിന് ആസ്‍പദമായ സംഭവം നടന്നത്. പ്രണയാഭ്യർത്ഥന നിരസിച്ചതിനാണ് പ്രതി നീചകൃത്യം ചെയ്തത്. ചീയാരം പോസ്റ്റ് ഓഫീസിന് സമീപത്തുളള നീതുവിന്‍റെ വീട്ടിലേക്ക് ഇരുചക്ര വാഹനത്തിലാണ് പ്രതി എത്തിയത്. വീട്ടിലേക്ക് കയറി വന്ന യുവാവ് കയ്യില്‍ കരുതിയ ആയുധം ഉപയോഗിച്ച് പെൺകുട്ടിയുടെ കഴുത്തറുത്ത ശേഷം പെട്രോള്‍ ഒഴിച്ച് തീ കൊളുത്തുകയായിരുന്നു. വീട്ടുകാരും നാട്ടുകാരും ചേര്‍ന്ന് തീ അണയ്ക്കാന്‍ ശ്രമിച്ചെങ്കിലും പെണ്‍കുട്ടി മരിച്ചു. തുടർന്ന് പ്രതിയെ നാട്ടുകാർ പിടികൂടി പൊലീസിൽ ഏൽപ്പിക്കുകയായിരുന്നു.

നെടപുഴ പൊലീസ് രജിസ്റ്റര്‍ ചെയ്ത കേസില്‍,  സിറ്റി ക്രൈംബ്രാഞ്ച് അസി. പൊലീസ് കമ്മീഷണറായ സി ഡി ശ്രീനിവാസനാണ് അന്വേഷണം പൂർത്തിയാക്കിയത്.

from ബ്രേവ് ഇന്ത്യ ന്യൂസ് https://ift.tt/3fqxrrP

Share:

Read More

‘ബാർ കോഴ കേസ് അട്ടിമറിക്കാൻ പിണറായി വിജയൻ ഒത്തുകളിച്ചു‘; സംസ്ഥാന വിജിലൻസ് അന്വേഷണത്തിൽ വിശ്വാസമില്ലെന്നും കേന്ദ്ര ഏജൻസി വരണമെന്നും ബിജു രമേശ്

തിരുവനന്തപുരം: ബാർ കോഴ കേസിൽ മുഖ്യമന്ത്രി പിണറായി വിജയനെതിരെ ഗുരുതര ആരോപണവുമായി ബിജു രമേശ്. ബാർകോഴ കേസ് ഒത്തുതീർപ്പാക്കാൻ ശ്രമം നടന്നതായി ബിജു രമേശ് ആരോപിച്ചു. കെ എം മാണി പിണറായി വിജയനെ നേരിട്ട് കണ്ടശേഷമാണ് കേസിലെ അന്വേഷണം നിലച്ചതെന്നും അദ്ദേഹം വ്യക്തമാക്കി. കേസ് അട്ടിമറിക്കാൻ പിണറായിയും മാണിയും ഒത്തുകളിച്ചു. തന്നോട് പരാതിയിൽ ഉറച്ച് നിൽക്കണം എന്ന് പറഞ്ഞ പിണറായി പിന്നീട് വാക്കു മാറ്റിയതായും ബിജു രമേശ് വ്യക്തമാക്കി.

ബാർ കോഴ കേസിൽ സിപിഎമ്മിന് ഒരു ആദർശവുമില്ല. കോടിയേരി ബാലകൃഷ്ണനും പിണറായി വിജയനും ആദ്യം തനിക്ക് പിന്തുണ നൽകിയെങ്കിലും പിന്നീട് അവർ നിലപാട് മാറ്റിയെന്നും ബിജു രമേശ് പറഞ്ഞു.

കേസിൽ സ്വാധീനിക്കാൻ ജോസ് കെ മാണി ശ്രമിച്ചു. ഇക്കാര്യങ്ങൾ വിജിലൻസിനോട് നേരത്തെ വ്യക്തമാക്കിയിരുന്നതാണ്. എന്നാൽ അതൊന്നും അന്വേഷിക്കാൻ അധികാരമില്ലെന്നാണ് വിജിലൻസ് തന്നോട് പറഞ്ഞത്. ആരോപണത്തിൽ ഇപ്പോഴും ഉറച്ചു നിൽക്കുന്നുണ്ടെന്നും കൂടുതൽ തെളിവുകൾ കൈവശമുണ്ടെന്നും ബിജു രമേശ് പറഞ്ഞു. ബാർ കോഴ കേസിലെ വിജിലൻസ് അന്വേഷണത്തിൽ വിശ്വാസമില്ലെന്നും സത്യം പുറത്തു വരണമെങ്കിൽ കേന്ദ്ര ഏജൻസി തന്നെ അന്വേഷണം നടത്തണമെന്നും അദ്ദേഹം ആവശ്യപ്പെട്ടു.

ബാർ കോഴ കേസിലെ മൊഴിയെടുപ്പ് പ്രഹസനമായിരുന്നു. കേസിൽ കൃത്യമായി തന്റെ മൊഴി രേഖപ്പെടുത്തിയിട്ടില്ല. ഉന്നതങ്ങളിൽ നിന്നുള്ള നിർദ്ദേശ പ്രകാരമാണിതെന്ന് ഒരു ഉദ്യോഗസ്ഥൻ പറഞ്ഞിരുന്നുവെന്നും ബിജു രമേശ് പറഞ്ഞു.

പ്രതിപക്ഷ നേതാവ് രമേശ് ചെന്നിത്തലയ്ക്കെതിരെയും ഗുരുതരമായ ആരോപണങ്ങളാണ് ബിജു രമേശ് ഉന്നയിക്കുന്നത്. കേസ് പരസ്പരം ഒത്തുതീർപ്പാക്കാനാണ് സിപിഎമ്മും കോൺഗ്രസും ശ്രമിക്കുന്നത്. കേസുമായി മുന്നോട്ട് പോയ തനിക്ക് ന്യായവും നീതിയും ലഭിക്കുന്നില്ല. ആഭ്യന്തര മന്ത്രിയായിരുന്ന സമയത്ത് രമേശ് ചെന്നിത്തലയും ഭാര്യയും ഫോണിൽ വിളിച്ചിരുന്നു. രോഗമുള്ളയാളാണ് ഉപദ്രവിക്കരുതെന്ന് ചെന്നിത്തലയുടെ ഭാര്യ ആവശ്യപ്പെട്ടിരുന്നു. അതിനാലാണ്  മൊഴിയിൽ അദ്ദേഹത്തിന്റെ പേര് പറയാതിരുന്നതെന്നും ബിജു രമേശ് പറഞ്ഞു.

from ബ്രേവ് ഇന്ത്യ ന്യൂസ് https://ift.tt/3717tY1

Share:

Read More